ບຸນກຸດຈີນເປັນບຸນປະເພນີທີ່ສຳຄັນທີ່ສຸດຂອງຊາວຈີນ ທີ່ຈະມາເຖິງໃນໄວໆນີ້. ດ້ວຍການພັດທະນາຂອງເຕັກໂນໂລຊີ, ນອກເໜືອໄປຈາກພິທີບຸນກຸດຈີນຕາມຮີດຄອງປະເພນີຂອງຈີນ ເຊັ່ນການກິນອາຫານສາມັກຄີຕ້ອນຮັບປີໃໝ່, ຕິດແຜ່ນໂຕໜັງສືຄວາມສຸກ, ຮັບເງິນປີໃໝ່, ຈູດບັ້ງໄຟດອກ, ໄປຢາມພີ່ນ້ອງແລະໝູ່ເພື່ອນ, ເບິ່ງງານສະແດງບຸນກຸດຈີນແລະອື່ນໆ, ຊາວໜຸ່ມຫຼາຍຄົນຍັງໄດ້ນຳເອົາບາງກິດຈະກຳໃໝ່ເຂົ້າໃນການສະເຫຼີມສະຫຼອງບຸນກຸດຈີນ, ເຮັດໃຫ້ຄວາມຮູ້ສຶກຂອງບຸນກຸດຈີນເປັນໄປຕາມກະແສຄວາມນິຍົມຊົມຊອບ.
ການເປີດງານກິລາໂອລິມປິກລະດູໜາວປັກກິ່ງເກີດຂຶ້ນໃນໄລຍະບຸນກຸດຈີນ, ການຊົມເບິ່ງງານກິລາໂອລິມປິກລະດູໜາວຮ່ວມກັນຈະກາຍເປັນພິທີທີ່ຕ້ອງມີໃນປີໃໝ່ປີນີ້. ນອກຈາກນັ້ນ, ຄົນຈີນຫຼາຍຄົນກໍມັກພິທີບຸນກຸດຈີນແບບໃໝ່ , ເຊັ່ນແລກປ່ຽນຂອງຂວັນປີໃໝ່ກັບໝູ່ເພື່ອນ, ເປັນເຈົ້າພາບຫຼືເຂົ້າຮ່ວມງານລ້ຽງປີໃໝ່, ຖ່າຍຮູບບຸນປີໃໝ່, ເຮັດVlogໃນປີໃໝ່. ຊື້ເຄື່ອງຕົກແຕ່ງປີໃໝ່ ແລະ ຫຼິ້ນກິລາເທິງນ້ຳກ້ອນແລະຫິມະກັບຄອບຄົວ, ປ່ຽນເຄື່ອງແຕ່ງກາຍໃນເຄືອຂ່າຍສັງຄົມອອນລາຍ ແລະອື່ນໆ. ຄຽງຄູ່ກັບການພັດທະນາຂອງຍຸກສະໄໝ, ວິທີການສະເຫຼີມສະຫຼອງປີໃໝ່ກໍມີການປ່ຽນແປງໄປເລື້ອຍໆ, ພິທີບຸນກຸດຈີນແບບໃໝ່ແລະ ຮີດຄອງປະເພນີກໍຖືກຫຼອມລວມເຂົ້າກັນ.