ທ່ານສີຈິ້ນຜິງຢ້ຽມຢາມເຮືອນປະຊາຊົນຢູ່ບ້ານເຟີງນານຢວນເມືອງໂຮ້ໂຈ່
ໃນໄລຍະກ່ອນບຸນກຸດຈີນ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ເດີນທາງໄປສຳຫຼວດກວດກາວຽກງານຢູ່ຂັ້ນຮາກຖານຂອງແຂວງສ່ານຊີ່. ໃນຕອນບ່າຍວັນທີ 26 ມັງກອນນີ້, ທ່ານສີຈິ້ນຜິງໄດ້ເດີນທາງໄປບ້ານເຟີງນານຢວນເມືອງໂຮ້ໂຈ່, ເພື່ອຢ້ຽມຢາມເຮືອນປະຊາຊົນ, ຮັບຮູ້ສະພາບການສ້າງສາຄືນໃໝ່ຫຼັງຈາກເກີດໄພທຳມະຊາດ, ເພີ່ມການປູກຝັງໃນລະດູໃບໄມ້ຫຼົ່ນ ແລະ ລະດູໜາວເພື່ອທົດແທນຜົນເສຍຫາຍ, ການຮັບປະກັນໃຫ້ປະຊາຊົນສາມາດຜ່ານລະດູໜາວໄດ້ຢ່າງປອດໄພ ແລະ ອົບອຸ່ນ.
ຢູ່ບ້ານເຟີງນານຢວນປະກອບມີ 151 ຄອບຄົວມີປະຊາກອນທັງໝົດ 366 ຄົນ, ມີດິນປູກຝັງ102 ເຮັກຕາ. ຍ້ອນເກີດຝົນຕົກໜັກຢ່າງຕໍ່ເນື່ອງໃນເດືອນຕຸລາປີ 2021 ຜ່ານມາ, ເຮັດໃຫ້ເຮືອນປະຊາຊົນ 19 ຄອບຄົວຈຳນວນ 29ຫ້ອງໄດ້ພັງທະລາຍລົງ, ແລະ 42 ຄອບຄົວຈຳນວນເຮືອນ 65 ຫຼັງໄດ້ຮັບຄວາມເສຍຫາຍ, ກາຍເປັນບ້ານໜຶ່ງທີ່ໄດ້ຮັບຜົນກະທົບຢ່າງໜັກໜ່ວງ. ຫຼັງຈາກໄພພິບັດຄັ້ງນີ້, ທ້ອງຖິ່ນແຫ່ງນັ້ນໄດ້ເລີ່ມປະຕິບັດວຽກງານສ້າງສາຄືນໃໝ່ຢ່າງວ່ອງໄວ, ປັດຈຸບັນ ເຮືອນປະຊາຊົນທີ່ໄດ້ຮັບຄວາມເສຍຫາຍນັ້ນໄດ້ປັບປຸງໃຫ້ສຳເລັດທັງໝົດ, ຊາວບ້ານທີ່ໄດ້ຮັບຜົນກະທົບກໍໄດ້ຍ້າຍເຂົ້າສູ່ເຮືອນໃໝ່ແລ້ວ.