ທ້າວ ເຢີນຈືເວີ່ຍ ນັກກິລາສະເກັດຄວາມໄວລານສັ້ນຂອງຈີນຊີງໄດ້ຫຼຽນຄຳຫຼຽນທີສອງ
ໃນການແຂ່ງຂັນຢູ່ສະໜາມກິລານະຄອນຫຼວງປັກກິ່ງໃນຕອນຄ່ຳຂອງວັນທີ 7 ກຸມພານີ້, ຜູ້ເຂົ້າແຂ່ງຂັນໄດ້ເຮັດຜິດກະຕິກາເລື້ອຍໆ, ແຕ່ທ້າວ ເຢີນຈືເວີ່ຍ ນັກກິລາສະເກັດຄວາມໄວລານສັ້ນທີ່ດີເດັ່ນຂອງຈີນບໍ່ໄດ້ເຮັດຜິດກະຕິກາແລະແລ່ນສະເກັດຈົນຮອດເສັ້ນໄຊ, ຊີງໄດ້ແຊັມໃນການແຂ່ງຂັນສະເກັດຄວາມໄວລານສັ້ນ 1.000 ແມັດຊາຍແບບນອກເໜືອການຄາດຄິດ,ກາຍເປັນນັກກິລາຂອງຄະນະນັກກິລາໂອລິມປິກລະດູໜາວຈີນທີ່ໄດ້ຮັບຫຼຽນຄຳສອງຫຼຽນເປັນຜູ້ທຳອິດໃນງານກິລາໂອລິມປິກລະດູໜາວປັກກິ່ງຄັ້ງນີ້.
ນີ້ແມ່ນຫຼຽນຄຳຫຼຽນທີສອງຂອງຄະນະນັກກິລາໂອລິມປິກລະດູໜາວຈີນທີ່ຍາດມາໄດ້ໃນງານກິລາໂອລິມປິກລະດູໜາວປັກກິ່ງ,ທັງແມ່ນຫຼຽນຄຳຂອງງານກິລາໂອລິມປິກລະດູໜາວຫຼຽນທີ 12 ໃນປະຫວັດສາດຂອງທີມນັກກິລາສະເກັດຄວາມໄວລານສັ້ນຂອງຈີນ.
