ຍ້ອນສະພາບອາກາດ, ງານກິລາໂອລິມປິກລະດູໜາວປັກກິ່ງໄດ້ປັບຕາຕະລາງການແຂ່ງຂັນສ່ວນໜຶ່ງ, ໃນວັນທີ14ກຸມພານີ້ມີໃຫ້ຊີງ4ຫຼຽນຄຳ. ໃນປະເພດສະກີລີລາກາງເວຫາເພດຍິງ, ທີມຈີນມີທ່າແຮງໃນການແຂ່ງຂັນກິລາປະເພດນີ້ ໂດຍມີນາງ ຊວີເມີ້ງທາວ ນັກກິລາຈີນຜູ້ມີປະສົບການສູງຈະພະຍາຍາມສຸດຂີດເພື່ອງຊີງແຊມປຽນອີກຄັ້ງ.
ສຳລັບນັກກິລາຈີນທີ່ໄດ້ຮັບຄວາມສົນໃຈໃໝ່ໆອີກສອງຄົນກໍ່ຈະເຂົ້າຮ່ວມການແຂ່ງຂັນເຊັ່ນກັນ. ໃນນັ້ນ ນາງ ກູໄອ້ລີງ ທີ່ໄດ້1ຫຼຽນຄຳແລ້ວນັ້ນ ຈະເຂົ້າຮ່ວມແຂ່ງຂັນຮອບຄັດເລືອກຂອງສະກີລີລາຂ້າມສິ່ງກີດຂວາງຢູ່ເທິງຄ້ອຍເພດຍິງ, ເຊິ່ງລາຍການນີ້ໄດ້ເລື່ອນເວລາຈາກວັນທີ13ກຸມພາມາເປັນວັນທີ14ກຸມພານີ້ຍ້ອນສະພາບອາກາດ. ນອກຈາກນີ້ແລ້ວ ທ້າວ ຊູ່ອີ້ມີງ ນັກກິລາຈີນຜູ້ໄດ້ຮັບ1ຫຼຽນເງິນແລ້ວນັ້ນ ຈະເຂົ້າຮ່ວມການແຂ່ງຂັນຮອບຄັດເລືອກຂອງສະກີລີລາ ແປ້ນດ່ຽວຊາຍ ຢູ່ເຂດແຂ່ງຂັນທີ່ສວນໂສ້ກ່າງປັກກິ່ງ.