ຊຸດກິດຈະກຳເພື່ອລະນຶກເຖິງວັນຄ້າຍວັນເກີດທ່ານ ນຽນເອີ ຄົບຮອບ 110 ປີ ຈັດຂຶ້ນຢູ່ເມືອງຢູ້ຊີ

ວັນທີ 14 ກຸມພາ, ຊຸດກິດຈະກຳເພື່ອລະນຶກເຖິງວັນຄ້າຍວັນເກີດທ່ານ ນຽນເອີ ຄົບຮອບ 110 ປີ ແລະ ງານວັດທະນະທຳດົນຕີ "ນຽນເອີ ແລະ​ເພງຊາດ" ປີ 2022 ໄດ້ຈັດຂຶ້ນຢູ່ຫໍອະນຸສອນສະຖານນຽນເອີ ເມືອງຢູ້ຊີ.

ຢູ່ໃນສະຖານທີ່ຈັດງານນັ້ນ, ຫ້ອງການຄົ້ນຄ້ວາວັດທະນະທຳນຽນເອີເມືອງຢູ້ຊີໄດ້ເປີດງານ, ຜູ້ເຂົ້າຮ່ວມ ແລະ ຜູ້ຕາງໜ້ານັກຮຽນປະຖົມໄດ້ວາງດອກໄມ້ຕໍ່ໜ້າຮູບປັ້ນນຽນເອີ, ແລະ ຢ້ຽມຢາມຫໍອະນຸສອນສະຖານນຽນເອີແລະອື່ນໆ, ​ແລະ ໄດ້ຈັດຕັ້ງກອງປະຊຸມສຳມະນາທິດສະດີເພື່ອລະນຶກເຖິງວັນຄ້າຍວັນເກີດ ທ່ານ ນຽນເອີ ຄົບຮອບ 110 ປີ.

ທ່ານ ນຽນເອີ ເກີດເມື່ອວັນທີ 14 ເດືອນກຸມພາປີ 1912,ທ່ານ ນຽນເອີ ເປັນນັກດົນຕີຈາກເມືອງຢູ້ຊີ ທີ່ມີຊື່ສຽງໄປທົ່ວໂລກ. ​ໃນ 23 ປີ ທີ່ທ່ານ ນຽນເອີ ມີຊີວິດ, ລາວໄດ້ແຕ່ງເພງປະຕິວັດ 37 ເພງ.

ເປັນເວລາດົນນານມາແລ້ວ ທີ່ເມືອງຢູ້ຊີໄດ້ເອົາໃຈໃສ່ເຖິງການສືບທອດ ແລະ​ສົ່ງເສີມຈິດໃຈຂອງນຽນເອີ, ແລະ ໄດ້ສ້າງສິ່ງຕ່າງໆ 25 ແຫ່ງທີ່ກ່ຽວຂ້ອງກັບທ່ານ ນຽນເອີ ເຊັ່ນ ສະຖານທີ່ ອົງການ, ອາຄານ, ປ້າຍຖະໜົນ,ກິດຈະກຳ ແລະອື່ນໆ.