ເລື່ອງການປູກຜັກ ຂອງທ່ານ ຈ່າງຈຽວເຄີ

ທ່ານ ຈ່າງຈຽວເຄີ ອາຍຸ 48 ປີ, ລາວມາຈາກບ້ານນານກວານ ເມືອງຊີນທາຍ ແຂວງເຫີເປີຍ. ສອງສາມປີກ່ອນ, ທ່ານ ຈ່າງຈຽວເຄີ ໄດ້ສຳຜັດກັບການປູກຜັກໄຮໂດຣໂປນິກ, ແລະ ໄດ້ເລີ່ມທົດລອງປູກຜັກໄຮໂດຣໂປນິກ. ຜ່ານການອ່ານປຶ້ມ, ຫາເບິ່ງຂໍ້ມູນທາງອິນເຕີເນັດ, ອອກໄປທ່ຽວຊົມແລະສຶກສາ, ທ່ານ ຈ່າງຈຽວເຄີ ໄດ້ອອກແບບວິທີການປູກຜັກຂອງຕົນເອງ.

ໃນເດືອນມິຖຸນາປີ 2020​, ທ່ານ ຈ່າງຈຽວເຄີ ໄດ້ເລີ່ມຕົ້ນການປູກຜັກໄຮໂດຣໂປນິກທີ່ມີຂະຫນາດ ແລະ ຮູບແບບ. ທ່ານແນະນຳວ່າ, ປັດຈຸບັນນີ້,ປະຊາຊົນເອົາໃຈໃສ່ຮັກສາສຸຂະພາບຫລາຍຂຶ້ນ,ຜັກສີຂຽວປອດສານ ແລະ ຄຸນນະພາບສູງບໍ່ຈຳເປັນຕ້ອງເປັນຫ່ວງເລື່ອງຊ່ອງທາງການຈຳໜ່າຍ.

ກ່ອນແລະຫຼັງບຸນກຸດຈີນ, ແມ່ນລະດູການຂາຍຜັກທີ່ດີ,ການສັ່ງຊື້ຈາກຮ້ານຄ້າ​ແລະ​ຮ້ານອາຫານກໍເພີ່ມຂຶ້ນຢ່າງບໍ່ຢຸດຢັ້ງ. ທ່ານ ຈ່າງຈຽວເຄີ ຍັງໄດ້ລົງທະບຽນບັນຊີTikTok,ເພື່ອຖ່າຍວິດີໂອຂອງຕົວເອງໃນການດູແລຜັກ, ເຊິ່ງໄດ້ດຶງດູດຄົນຫຼາຍ, ມີຄົນທະຍອຍຕິດຕໍ່ກັບ ທ່ານ ຈ່າງຈຽວເຄີ ເພື່ອສັ່ງຊື້ຜັກ.

ໃນປັດຈຸບັນ, ທ່ານ ຈ່າງຈຽວເຄີ ໄດ້ສ້າງຕັ້ງບໍລິສັດເຕັກໂນໂລຢີກະສິກໍາຂອງຕົນເອງ.ທ່ານ ຈ່າງຈຽວເຄີ ເວົ້າວ່າ "ຜັກສີຂຽວ (ຜັກປອດສານພິດ) ແມ່ນທ່າອ່ຽງຂອງການພັດທະນາກະສິກໍາໃນອະນາຄົດ. ເມື່ອເຕັກໂນໂລຢີຂອງຂ້ອຍເຕີບໃຫຍ່, ຂ້ອຍຈະສະຫນອງເຕັກໂນໂລຢີການປູກໂດຍບໍ່ເສຍຄ່າໃຫ້ແກ່ຊາວກະສິກອນທີ່ຢູ່ອ້ອມຂ້າງ, ແລະ ນໍາພາທຸກຄົນພັດທະນາກະສິກໍາສີຂຽວ ແລະມີປະສິດທິພາບສູງ,ຮ່ວມກັນສ້າງຄວາມຮັ່ງມີກັບຊາວບ້ານ."