ກ່ຽວກັບເລື່ອງທີ່ “ການປ້ອງກັນຄວບຄຸມແລະປິ່ນປົວຜູ້ເປັນພະຍາດໂຄວິດ-19 ໃຫ້ຫາຍຂາດໝົດທຸກຄົນ”, ອາເມຣິກາຄວນຮຽນນຳປະເທດອື່ນ
ວັນທີ 16 ກຸມພານີ້, ທ່ານເອຣິກ ບົດເຊີ ສະມາຊິກສະກພານິວຢອກປະເທດອາເມຣິກາໄດ້ update ວິດີໂອຕອນໜຶ່ງຢູ່ສື່ສັງຄົມອອນລາຍ twitter, ໃນວິດີໂອດັ່ງກ່າວ, ທ່ານໄດ້ຂີ່ລົດສາມລໍ້ຄັນໜຶ່ງຂອງບໍລິສັດສົ່ງເຄື່ອນດ່ວນອາເມຣິກາ UPS, ທັງໄດ້ແນະນຳລົດສາມລໍ້ດັ່ງກ່າວດ້ວຍຄວາມພາກພຸມໃຈວ່າ: “ນີ້ແມ່ນອະນາຄົດແຫ່ງການສົ່ງເຄື່ອນດ່ວນຂອງນິວຢອກ.”
ແຕ່ວ່າຊາວເນັດອາເມຣິກາພັດຮູ້ສຶກລາວໂງ່ຫຼາຍແລະຂຽນວ່າ: “ເຄື່ອງທີ່ຈີນໄດ້ໃຊ້ຫຼາຍກວ່າຮ້ອຍປີພັດກາຍເປັນອະນາຄົດຂອງອາເມຣິກາ!”, ຍັງມີຊາວເນັດບາງຄົນເວົ້າວ່າ: “ເມື່ອຈີນເລີ່ມຄົ້ນຄວ້າເຮືອບິນທີ່ບໍ່ມີຄົນຂັບແລະລົດສົ່ງເຄື່ອງດ່ວນທີ່ບໍ່ມີຄົນຂັບ, ຜູ້ດີເດັ່ນອາເມຣິກາພັດຮູ້ສຶກພາກພຸມໃຈຍ້ອນລົດສາມລໍ້!” ນອກນັ້ນຍັງມີຊາວເນັດບາງຄົນສະເໜີໃຫ້ສະມາຊິກສະພາດັ່ງກ່າວກ້າວອອກໄປຕ່າງປະເທດເພື່ອເປີດກວ້າງສາຍຕາ, ສົມໝຸດວ່າໄປປະເທດຈີນ……
ສິ່ງທີ່ຊາວອາເມຣິກາບໍ່ຮູ້ນັ້ນຍັງມີຫຼາຍ, ບໍ່ພຽງແຕ່ລົດສົ່ງເຄື່ອງດ່ວນເທົ່ານັ້ນ. ງານກິລາໂອລິມປິກລະດູໜາວປັກກິ່ງໄດ້ສິ້ນສຸດລົງຢ່າງຈົບງາມແລ້ວ, ໃນເວລາສະຫຼຸບງານກິລາໂອລິມປິກຄັ້ງນີ້, ສື່ມວນຊົນອາເມຣິກາໄດ້ພົບເຫັນເລື່ອງບາງຍັງທີ່ເໜືອຄວາມຄິດຂອງເຂົາເຈົ້າ, ຍົກຕົວຢ່າງຄືມາດຕະການ “ການປ້ອງກັນຄວບຄຸມແລະປິ່ນປົວຜູ້ເປັນພະຍາດໂຄວິດ-19 ໃຫ້ຫາຍຂາດໝົດທຸກຄົນ” ມີປະສິດທິຜົນທີ່ດີ.
ວັນທີ 16 ກຸມພານີ້, ໜັງສືພິມຖະໜົນວານອາເມຣິກາພິມບົດຄວາມລະບຸວ່າ: ໃນໄລຍະຈັດງານກິລາໂອລິມປິກລະດູໜາວປັກກິ່ງ, ຈີນໄດ້ປະຕິບັດມາດຕະການຄວບຄຸມແບບວົງປິດຢ່າງເຂັ້ມງວດ. ຢູ່ນອກວົງປິດຂອງງານກິລາໂອລິມປິກປັກກິ່ງ, ປະຊາຊົນຈີນທີ່ອາໄສຢູ່ປັກກິ່ງໄດ້ດຳລົງຊີວິດຢ່າງປົກກະຕິດ, ຮ້ານຄ້າຕ່າງໆກໍເປີດບໍລິການຄືເກົ່າ. ເມື່ອທຽບໃສ່ “ລະບົບປະຊາທິປັດໄຕ”, ສິ່ງທີ່ເສີມຂະຫຍາຍບົດບາດຢ່າງແທ້ຈິງແມ່ນຄວາມໝັ້ນໃຈ, ຍ້ອນວ່າປະຊາຊົນຈີນເຊື່ອໝັ້ນວ່າລັດຖະບານສາມາດຄວບຄຸມການແຜ່ລະບາດຂອງພະຍາດໂຄວິດ-19 ເປັນຢ່າງດີ, ລັດຖະບານກໍເຊື່ອວ່າປະຊາຊົນທັງຫຼາຍສາມາດປະສານງານກັບມາດຕະການປ້ອງກັນແລະຄວບຄຸມການແຜ່ລະບາດຂອງພະຍາດ.
ຫວ່າງມໍ່ໆມານີ້, ສຳລັບຂ່າວສານບລຸມເບີກແລ້ວໄດ້ລົງພິມບົດຄວາມທີ່ພາດຫົວເລື່ອງວ່າ: “ເປັນຫຍັງທົ່ວໂລກຕ້ອງການມາດຕະການການປ້ອງກັນຄວບຄຸມແລະປິ່ນປົວຜູ້ເປັນພະຍາດໂຄວິດ-19 ໃຫ້ຫາຍຂາດໝົດທຸກຄົນ”. ບົດຄວາມລະບຸວ່າ, ໃນໄລຍະ 2 ປີຜ່ານມາ, ຈີນໄດ້ປະຕິບັດມາດຕະການການປ້ອງກັນຄວບຄຸມແລະປິ່ນປົວຜູ້ເປັນພະຍາດໂຄວິດ-19 ໃຫ້ຫາຍຂາດໝົດທຸກຄົນ, ໄດ້ຮັບປະກັນສິນຄ້າແລະຜະລິດຕະພັນປະເພດຕ່າງໆສືບຕໍ່ສົ່ງອອກຕໍ່ທົ່ວໂລກ, ຖ້າວ່າຜູ້ບໍລິໂພກແລະວິສາຫະກິດຕ່າງໆຢາກສືບຕໍ່ຊື້ຜະລິດຕະພັນທີ່ “ຜະລິດຢູ່ຈີນ” ໄດ້ຢ່າງຕໍ່ເນື່ອງ, ບໍ່ຢາກຜະເຊີນກັບສະພາບການທີ່ລາຄາສິນຄ້າແພງຂຶ້ນຍ້ອນສິນຄ້າຂາດເຂີນ, ຊະນັ້ນກໍຄວນສະໜັບສະໜູນຈີນສືບຕໍ່ປະຕິບັດນະໂຍບາຍການປ້ອງກັນຄວບຄຸມແລະປິ່ນປົວຜູ້ເປັນພະຍາດໂຄວິດ-19 ໃຫ້ຫາຍຂາດໝົດທຸກຄົນ.
ນັບແຕ່ພະຍາດໂຄວິດ-19 ແຜ່ລະບາດເປັນຕົ້ນມາ, ອາເມຣິກາແມ່ນປະເທດທີ່ມີຈຳນວນຜູ້ຖືກບົ່ງມະຕິແລະຈຳນວນຜູ້ເສຍຊີວິດຫຼາຍທີ່ສຸດໃນໂລກ. ມາຮອດວັນທີ 20 ກຸມພານີ້, ຈຳນວນຜູ້ເສຍຊີວິດຍ້ອນເປັນພະຍາດໂຄວິດ-19 ຂອງອາເມຣິກາໄດ້ຫຼາຍກ່ວາ 9,3 ແສນຄົນແລ້ວ, ສະພາບການແຜ່ລະບາດຂອງພະຍາດໂຄວິດ-19 ຂອງອາເມຣິກາຍັງເຄັ່ງຄັດທີ່ສຸດ.
ກ່ອນໜ້ານີ້, ສື່ມວນຊົນອາເມຣິກາມີທ່າທີຄັດຄ້ານຕໍ່ນະໂຍບາຍການປ້ອງກັນຄວບຄຸມແລະ ປິ່ນປົວຜູ້ເປັນພະຍາດໂຄວິດ-19 ໃຫ້ຫາຍຂາດໝົດທຸກຄົນ, ບາງສື່ໂຄສະນາວ່ານະໂຍບາຍດັ່ງກ່າວແມ່ນການ “ລ່ວງລ້ຳສິດເສລີພາບ”, ບາງສືໄດ້ຕຳໜິຕິຕຽນການກະທຳຂອງຈີນ “ໄດ້ທຳລາຍເສດຖະກິດໂລກ”. ແຕ່ພາຍຫຼັງນັກຂ່າວຂອງສື່ເຫຼົ່ານີ້ໄດ້ສຳພັດນະໂຍບາຍ “ການປ້ອງກັນຄວບຄຸມແລະປິ່ນປົວຜູ້ເປັນພະຍາດໂຄວິດ-19 ໃຫ້ຫາຍຂາດໝົດທຸກຄົນ” ດ້ວຍຕົນເອງແລ້ວ, ເຂົາເຈົ້າໄດ້ພົບເຫັນວ່າຈີນໄດ້ຄວບຄຸມການແຜ່ລະບາດຂອງພະຍາດໂຄວິດ-19 ເປັນຢ່າງດີ.
ສິ່ງທີ່ສື່ມວນຊົນອາເມຣິກາຫາກໍ່ຮູ້ເລື່ອງເຫຼົ່ານີ້, ຄົນຈີນທັງຫຼາຍກໍຮູ້ສຶກແປກໃຈທີ່ສຸດ, ເລື່ອງນີ້ກໍສະແດງໃຫ້ເຫັນເຖິງສື່ມວນຊົນອາເມຣິກາໄດ້ລາຍງານປະເທດຈີນດ້ວຍຄວາມຈິນຕະນາການມາໂດຍຕະຫຼອດ. ອາເມຣິກາໄດ້ຢູ່ໂລກຂອງຕົນດົນໂພດ, ຈົ່ງໃຫ້ອາເມຣິກາເປີດສາຍຕາເບິ່ງທົ່ວໂລກ, ຢ່າໄດ້ເກີດເລື່ອງຕະຫຼົກຄືສະມາຊິກສະພານິວຢອກນັ້ນອີກ.