ປີ 2021, ຈຳນວນຊື້ຂາຍດອກໄມ້ສົດໃນຕະຫຼາດດອກໄມ້ໂຕວນານແຂວງຢຸນນານບັນລຸເຖິງ 10,257 ຕື້ດອກ,ແລະຍອດມູນຄ່າການຊື້ຂາຍດອກໄມ້ທັງໝົດບັນລຸຮອດ 11,244 ຕື້ຢວນ.
ຕະຫຼາດດອກໄມ້ໂຕວນານເປັນສູນການຄ້າຂາຍແລະປະມູນດອກໄມ້ທີ່ໃຫຍ່ທີ່ສຸດໃນອາຊີ, ໃນແຕ່ລະມື້ມີດອກໄມ້ 117 ປະເພດແລະຫຼາຍກວ່າ 1.600 ແນວພັນເຂົ້າສູ່ຕະຫຼາດ, 60%ຂອງດອກໄມ້ຕັດສົດຂອງແຂວງຢຸນນານແລະດອກໄມ້ຈາກຕ່າງແຂວງ,ປະເທດບ້ານໃກ້ເຮືອນຄຽງມີການຊື້ຂາຍແລະສົ່ງອອກຢູ່ທີ່ນີ້. ດອກໄມ້ສົ່ງອອກໄປ 50 ກວ່າປະເທດແລະເຂດແຄວ້ນ.
ນອກຈາກການຄ້າຂາຍດອກໄມ້ສົດແລ້ວ, ຕະຫຼາດດອກໄມ້ໂຕວນານຍັງໄດ້ເພີ່ມສະຖານທີ່ຄ້າຂາຍດອກໄມ້ປຸງແຕ່ງ, ວັດສະດຸດອກໄມ້, ແນວພັນດອກໄມ້ແລະອື່ນໆ,ເພື່ອຂະຫຍາຍຕ່ອງໂສ້ຂະແໜງການດອກໄມ້ຢ່າງຕໍ່ເນື່ອງ. ໃນແຕ່ລະປີ, ມີພົນລະເມືອງ ແລະ ນັກທ່ອງທ່ຽວຫຼາຍກວ່າ 2,4 ລ້ານຄົນມາຕະຫຼາດດອກໄມ້ໂຕວນານ,ເພື່ອຊົມເບິ່ງດອກໄມ້, ຊື້ດອກໄມ້, ທ່ອງທ່ຽວ ແລະ ພັກຜ່ອນຢ່ອນອາລົມ.
ຕະຫຼາດດອກໄມ້ໂຕວນານ ແລະ ແອັບ TikTok ໄດ້ຮ່ວມກັນເປີດຕົວໂຄງການສະຫນັບສະຫນູນການຖ່າຍທອດສົດຜ່ານ Tik Tok ຂອງຂະແໜງການດອກໄມ້ໂຕວນານ, ເພື່ອສ້າງຕາແສງສາທິດການຖ່າຍທອດສົດຜ່ານTik Tok ຂອງຂະແໜງການດອກໄມ້ໂຕວນານແຫ່ງທໍາອິດຂອງປະເທດຈີນ.
ມາຈາກ ຫນັງສືພິມລາຍວັນຢຸນນານ
ນັກຂ່າວ ຈ່າງຢານຊົນ