ວັນທີ 1 ມີນານີ້, ຊຸດອົບຮົມພະນັກງານໜຸ່ມ ແລະ ໄວກາງຄົນຂອງໂຮງຮຽນທິດສະດີພັກສູນກາງໃນພາກລະດູໃບໄມ້ປົ່ງປີ 2022 ໄດ້ເປີດຂຶ້ນຢູ່ໂຮງຮຽນທິດສະດີພັກສູນກາງ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນ ທັງເປັນປະທານຄະນະກຳມະການການທະຫານສູນກາງຈີນໄດ້ກ່າວຄຳປາໄສທີ່ສຳຄັນໃນພິທີເປີດຊຸດອົບຮົມໂດຍກ່າວເນັ້ນໜັກວ່າ, ພະນັກງານໜຸ່ມແມ່ນຄວາມຫວັງໃນການພັດທະນາພາລະກິດຂອງພັກ ແລະປະເທດຊາດ, ຕ້ອງສ້າງພື້ນຖານອຸດົມການໃຫ້ໜັກໜ້ນ, ຮັກສາຮົ້ວປ້ອງກັນການສໍ້ລາດບັງຫຼວງ ແລະ ການເສຍທາດຂາດຄຸນ, ສ້າງ ແລະ ປະຕິບັດຕາມທັດສະນະກ່ຽວກັບຜົນງານການບໍລິຫານທີ່ຖືກຕ້ອງ, ສ້າງຄວາມສາມາດໃຫ້ເຂັ້ມແຂງ, ເສີມຂະຫຍາຍຈິດໃຈຄວາມຮັບຜິດຊອບ ແລະ ຕໍ່ສູ້, ຈັດຕັ້ງປະຕິບັດແນວທາງມະຫາຊົນຂອງພັກ, ຝຶກຝົນຫຼໍ່ຫຼອມຄຸນທາດການເມືອງທີ່ຈົງຮັກພັກດີຕໍ່ພັກ, ສ້າງຈິດໃຈປະເທດຊາດບ້ານເມືອງເພື່ອບໍ່ໃຫ້ປະຊາຊົນຜິດຫວັງ, ສະແຫວງຫາແນວຄິດທີ່ສູງສົ່ງບໍລິສຸດ, ສູ້ຊົນ ແລະ ອຸທິດຕົນເພື່ອພາລະກິດຂອງພັກ ແລະ ປະຊາຊົນ, ສ້າງຜົນງານດ້ວຍການສູ້ຊົນຢ່າງບໍ່ລັ່ງເລໃຈໃນຂະບວນການໃໝ່ຂອງຍຸກໃໝ່.