ໄຂກອງປະຊຸມຄັ້ງທີ 5 ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 13
ຕອນບ່າຍວັນທີ 4 ມີນານີ້, ກອງປະຊຸມຄັ້ງທີ 5 ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 13 ໄດ້ໄຂຂຶ້ນຢູ່ນະຄອນຫຼວງປັກກິ່ງ. ທ່ານສີຈິ້ນຜິງ ປະທານປະເທດຈີນ, ຜູ້ນຳພັກ ແລະລັດຖະບານທ່ານອື່ນໆໄດ້ເຂົ້າຮ່ວມ. ປະເທດຈີນໄດ້ເຂົ້າສູ່ໄລຍະຈັດກອງປະຊຸມສອງສະພາໃນປີນີ້.
ສະມາຊິກສະພາປຶກສາການເມືອງປະຊາຊົນແຫ່ງຊາດເກືອບ 2000 ທ່ານທີ່ມາຈາກພັກການເມືອງຕ່າງໆ, ຊົນເຜົ່າຕ່າງໆ ແລະ ວົງການຕ່າງໆພາຍໃນປະເທດຈີນໄດ້ເຂົ້າຮ່ວມກອງປະຊຸມຄັ້ງນີ້. ກອງປະຊຸມຄັ້ງນີ້ຈະດຳເນີນໄປເປັນເວລາ 6 ວັນ, ໂດຍຈະພິຈາລະນາບົດລາຍງານວຽກງານຂອງຄະນະປະຈຳສະພາປຶກສາການເມືອງປະຊາຊົນແຫ່ງຊາດຈີນ ແລະ ບົດລາຍງານກ່ຽວກັບສະພາບວຽກງານ ສະເໜີຍັດຕິ, ແລະຈະເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນ ເຊິ່ງເປັນອົງການອຳນາດສູງສຸດແຫ່ງຊາດຈີນ, ຮັບຟັງ ແລະ ປຶກສາຫາລືກ່ຽວກັບບົດລາຍງານວຽກງານຂອງລັດຖະບານຈີນ ແລະອື່ນໆ.
