ເນື່ອງໃນໂອກາດວັນແມ່ຍິງສາກົນ“8 ມີນາ”ໃກ້ຈະໝູນວຽນມາເຖິງ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ ປະທານປະເທດຈີນ ປະທານຄະນະກຳມະການການທະຫານສູນກາງຈີນໄດ້ສົ່ງຄຳອວຍພອນອັນດີງາມໄປຍັງແມ່ຍິງບັນດາເຜົ່າໃນວົງການຕ່າງໆໃນທົ່ວປະເທດຈີນ.
ທ່ານກ່າວວ່າ:“ຂ້າພະເຈົ້າຂໍຕາງໜ້າໃຫ້ຄະນະກຳມະການສູນກາງພັກຄອມມູນິດຈີນ, ສົ່ງຄຳອວຍພອນອັນດີງາມໄປຍັງຜູ້ແທນເພດຍິງ ສະມາຊິກສະພາເພດຍິງ ພະນັກງານເພດຍິງທີ່ເດີນທາງມາເຂົ້າຮ່ວມກອງປະຊຸມສະພາປະຊາຊົນແຫ່ງຊາດຈີນແລະກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນຫຼືເອີ້ນວ່າກອງປະຊຸມສອງສະພາທົ່ວປະເທດຈີນ, ແມ່ຍິງບັນດາເຜົ່າໃນວົງການຕ່າງໆທົ່ວປະເທດຈີນ ພ້ອມດ້ວຍພີ່ນ້ອງເພດຍິງຂອງເຂດບໍລິຫານພິເສດຮົງກົງ ເຂດບໍລິຫານພິເສດມາກາວ ເຂດໄຕ້ຫວັນ ແລະແມ່ຍິງຈີນທີ່ອາໄສຢູ່ຕ່າງປະເທດທັງຫຼາຍ.”
ຕອນບ່າຍຂອງວັນທີ 6 ມີນານີ້, ທ່ານສີຈິ້ນຜິງໄດ້ໄປຢ້ຽມຢາມຖາມຂ່າວຄະນະຜູ້ແທນທີ່ມາຈາກວົງການກະສິກຳ ສະຫວັດດີການສັງຄົມແລະປະກັນສັງຄົມທີ່ມາເຂົ້າຮ່ວມກອງປະຊຸມຄັ້ງທີ 5 ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 13, ແລະໄດ້ເຂົ້າຮ່ວມກອງປະຊຸມປະສົມຫຼາຍກຸ່ມ, ເພື່ອຮັບຟັງຄວາມເຫັນແລະຂໍ້ສະເໜີ.