ມາເບິ່ງ "ສວນປູກພືດອາວະກາດ" ໃນປະເທດຈີນ
ຕົ້ນດຽວມີຕົ້ນໝາກເລັ່ນຫຼາຍກວ່າ 3000 ກິໂລ, ໃຫ້ຜົນຜະລິດມັນຕົ້ນຫວານກວ່າ 600 ກິໂລ, ແລະ ຫມາກອຶ 200 ກວ່າກິໂລ ຕໍ່ປີ... ບັນດາແນວພັນຜັກປະດັບທີ່ດີເດັ່ນເຫລົ່ານີ້ ໄດ້ປະກົດຕົວໃນວັນທີ 20 ເມສາ ນີ້ໃນງານ “ດິນແດນແຫ່ງພືດຜັກຈີນ“ ໃນງານວາງສະແດງວິທະຍາສາດເຕັກໂນໂລຊີຜັກສາກົນຈີນ ຄັ້ງທີ 23 ທີ່ຈັດຂຶ້ນຢູ່ເມືອງໂສ້ກວາງ ແຂວງ ຊານຕົງ(Shouguang City, Shandong Province).
ສິ່ງທີ່ຫນ້າປະຫລາດໃຈກວ່ານັ້ນກໍ່ຄື ນອກຈາກແນວພັນເຫຼົ່ານີ້, ທ່ານຍັງສາມາດໄດ້ເຫັນ "ສວນອາວະກາດ" ທີ່ເປີດຕົວຄັ້ງທຳອິດທີ່ນີ້ , ແລະຮຽນຮູ້ກ່ຽວກັບ "ການເດີນທາງທ່ອງອະວະກາດ" ຂອງເຫລົ່າພືດຜັກຕ່າງໆ.
ຫໍວາງສະແດງພືດຜັກ ເລກທີ 10 ໄດ້ສ້າງ " ແຄບຊູນອະວະກາດ " ຂຶ້ນ 2 ແຫ່ງ , ນຳໃຊ້ "ຮູບແບບການປູກຜັກແບບຈຳລອງອາວະກາດ" ເພື່ອຈຳລອງສະພາບແວດລ້ອມໃນຈັກກະວານ ເພື່ອປູກຜັກ.
"ແຄບຊູນອາວະກາດ" 2 ແຫ່ງ ຈຳລອງສະພາບແວດລ້ອມພິເສດເຊັ່ນ: ການແຜ່ລັງສີທີ່ຮຸນແຮງ, ສະພາວະໄຮ້ນ້ຳຫນັກ , ສະພາວະສູນຍາກາດສູງ, ແລະ ສະຫນາມແມ່ເຫຼັກ ກະແສສະຫລັບ ໃນຈັກກະວານອາວະກາດ. "ຮູບແບບການປູກຜັກແບບຈຳລອງອາວະກາດ" ນໍາໃຊ້ເຕັກໂນໂລຊີຢ່າງເຕັມຮູບແບບ ເຊັ່ນ: ການເສີມແສງທຽມ, ການປູກຝັງທີ່ບໍ່ໃຊ້ດິນ, ແລະ ເຕັກນິກການຄວບຄຸມສິ່ງແວດລ້ອມແບບອັດສະລິຍາ ເພື່ອຈໍາລອງສະພາບການເຕີບໂຕຂອງພືດ ທີ່ຕ້ອງການນ້ຳ, ແສງແດດ, ອຸນຫະພູມ ແລະ ຄວາມຊຸ່ມຊື່ນທີ່ຈໍາເປັນຕໍ່ການຈະເລີນເຕີບໂຕຂອງພືດ, ເຊິ່ງເພື່ອສະແດງໃຫ້ເຫັນວ່າ ພາຍໃຕ້ເງື່ອນໄຂທີ່ມີຂີດຈຳກັດໃນອາວະກາດ, ພືດຜັກມີວິທີການຈະເລີນເຕີບໂຕແນວໃດ.
ນອກຈາກການຈຳລອງຮູບແບບການປູກຝັງໃນອາວະກາດແລ້ວ, ພືດຜັກຊະນິດໃໝ່ທີ່ເຄີຍຂຶ້ນສູ່ອາວະກາດຕົວຈິງ ຍັງຈະໄດ້ຮັບການປູກຈິງໃນຫໍວາງສະແດງຜັກຜັກຄັ້ງທີ 10 ນີ້. ແນວພັນພືດອາວະກາດມີຈຸດໂດດເດັ່ນຫຼາຍຢ່າງ. ການປະສົມພັນພືດທົ່ວໄປໃຊ້ເວລາ 8 ປີ, ໃນຂະນະທີ່ການຂະຫຍາຍພັນພືດອາວະກາດ ໃຊ້ເວລາພຽງແຕ່ 4 ຫາ 5 ປີເທົ່ານັ້ນ, ເຮັດໃຫ້ໄລຍະເວລາການປະສົມພັນ ສັ້ນລົງຢ່າງຫຼາຍ.
ປີ 1987, ຈີນໄດ້ສົ່ງເຂົ້າ, ໝາກເຜັດ ແລະ ພືດຜັກອື່ນໆຂຶ້ນສູ່ອາວະກາດເປັນຄັ້ງທຳອິດ , ໂດຍເລີ່ມດຳເນີນການສຳຫຼວດ ການຂະຫຍາຍພັນໃນອາວະກາດ. ໃນໄລຍະ 30 ປີທີ່ຜ່ານມາ, ຈີນໄດ້ ນຳສົ່ງເມັດພືດ, ສາຍພັນ ແລະ ເບ້ຍທໍ່ທົດລອງ 30 ກວ່າຄັ້ງເພື່ອ ດຳເນີນການທົດລອງ, ມີການເພາະລ້ຽງສາຍພັນໃໝ່ ແລະ ສາຍພັນອາວະກາດເກືອບ 1 ພັນຊະນິດ.