ມື້ໜຶ່ງຂອງ ກໍາມະກອນສໍາຫຼວດທໍລະນີຟິຊິກ

ໃນຫວ່າງມໍ່ໆມານີ້, ຢູ່ພູຫຼວງທ່ຽນຊານ(Tianshan) ທີ່ຊາຍແດນພາກຕາເວັນຕົກຂອງຈີນ, ກໍາມະກອນສໍາຫຼວດທໍລະນີຟິຊິກ ຫຼາຍຮ້ອຍຄົນຂອງ ທີມງານ 2170 ຮ່ອມທ່າຣິມ(Tarim basin) ທີ່ມາຈາກບໍລິສັດສໍາຫຼວດທໍລະນີຟິຊິກ ຕົງຟາງ ກໍາລັງຄົ້ນຫານໍ້າມັນ ແລະ ອາຍແກສ.

ການສໍາຫຼວດທໍລະນີຟິຊິກຖືກເອີ້ນວ່າ ການທໍາ CT ໃຫ້ໜ່ວຍໂລກ. ກໍາມະກອນສໍາຫຼວດທໍລະນີຟິຊິກ ໄດ້ເກັບກໍາຂໍ້ມູນຄື້ນສັ່ນສະເທືອນຂອງແຜ່ນດິນໄຫວ ໂດຍຜ່ານການດໍາເນີນການຈໍາລອງແຜ່ນດິນໄຫວ ເພື່ອຊ່ວຍນັກວິທະຍາສາດ ສາມາດ “ເບິ່ງເຫັນ” ໂຄງປະກອບຂອງຊັ້ນຫີນໃຕ້ດິນ ແລະ “ຍິນສຽງເຕັ້ນຂອງຊີບພະຈອນ” ຂອງພື້ນດິນຢ່າງຊະເຈນ, ນີ້ເປັນຂັ້ນຕອນທີໜຶ່ງສໍາລັບການສໍາຫຼວດນໍ້າມັນ ແລະ ອາຍແກສ.

ໃນຂັ້ນຕອນການດໍາເນີນງານ, ກໍາມະກອນສໍາຫຼວດທໍລະນີຟິຊິກ ຕ້ອງຕິດຕາມຕາໜ່າງຂອງດາວທຽມຢ່າງເຂ້ັມງວດ, ຂົນຍ້າຍເຄື່ອງຈີໂອໂພນ Geophone ໄປຍັງຈຸດທີ່ສອດຄ້ອງກັນ ພ້ອມທັງຝັງມັນຢູ່ໃນດິນ ແລ້ວເພື່ອເກັບກໍາຂໍ້ມູນຄື້ນສັ່ນສະເທືອນ. ນີ້ແມ່ນວຽກງານທີ່ມີການທ້າທາຍຫຼາຍ, ກໍາມະກອນສໍາຫຼວດທໍລະນີຟິຊິກ ຕ້ອງຜ່ານຜ່າອຸປະສັກດ້ານອຸດຫະພູມສູງ, ຂຶ້ນພູແນວສູງຊັນ, ທຸກມື້ ພວກເຂົາເຈົ້າ ຕ້ອງເປ້ເຄື່ອງຈີໂອໂພນ ທີ່ມີນໍ້າໜັກ 30-40 ກິໂລ ຍ່າງຕາມພູຜາຫຼາຍຮອບ.

ແຫຼ່ງຂ່າວ: ສໍານັກຂ່າວຊິງຮວາ