ງານວາງສະແດງສິນຄ້າ ຈີນ-ອາຊີໃຕ້ ຄັ້ງທີ 7 ເປີດຂຶ້ນຢູ່ນະຄອນຄຸນໝິງ
ວັນທີ 16 ສິງຫານີ້, ງານວາງສະແດງສິນຄ້າ ຈີນ-ອາຊີໃຕ້ ຄັ້ງທີ 7 ແລະງານຕະຫຼາດນັດສິນຄ້າຂາເຂົ້າ-ຂາອອກຄຸນໝິງຈີນ ຄັ້ງທີ 27 ໄດ້ເປິດຂຶ້ນຢູ່ນະຄອນຄຸນໝິງແຂວງຢຸນນານຈີນ.
ງານວາງສະແດງຄັ້ງນີ້ຈັດຂຶ້ນລະຫວ່າງວັນທີ 16 ຫາ 20 ສິງຫານີ້ ໂດຍມີ 15 ຫໍວາງສະແດງ, ໃນໄລຍະຈັດງານວາງສະແດງ, ຈະຈັດກອງປະຊຸມປຶກສາຫາລື 14 ຄັ້ງ ແລະ ກິດຈະກໍາເສດຖະກິດການຄ້າ 20 ລາຍການ. ມີຜູ້ແທນຈາກ 85 ປະເທດ, ເຂດແຄວ້ນ ແລະ ອົງການຈັດຕັ້ງ, 28 ແຂວງ(ເຂດ, ນະຄອນ), ແລະ ວິສາຫະກິດ 89 ແຫ່ງຈາກບໍລິສັດທີ່ເຂັ້ມແຂງ 500 ແຫ່ງໃນໂລກ ແລະ ວິສາຫະກິດ 42 ແຫ່ງຈາກບໍລິສັດທີ່ເຂັ້ມແຂງ 500 ແຫ່ງຂອງຈີນເຂົ້າຮ່ວມ, ລວມມີບໍລິສັດ 30.000 ກວ່າແຫ່ງເຂົ້າຮ່ວມແບບທາງອອນລາຍ ແລະ ອັອຟລາຍ. ປະເທດອາຊີໃຕ້, ອາຊີຕາເວັນອອກສ່ຽງໃຕ້ ແລະ ປະເທດສະມາຊິກສັນຍາວ່າດ້ວຍການພົວພັນຄູ່ຮ່ວມເສດຖະກິດຮອບດ້ານ ຂອງ ພາກພື້ນ ຫຼື RCEP ທັງໝົດໄດ້ເຂົ້າຮ່ວມງານວາງສະແດງສິນຄ້າຄັ້ງນີ້.
ຂ່າວ: ໜັງສືພິມລາຍວັນຢຸນນານ