ທ່ານຫຼີສຽງພົບປະກັບນາຍົກຫວຽດນາມ

ຕາມຂ່າວCRI: ຕອນເຊົ້າວັນທີ 26 ມິຖຸນານີ້, ທ່ານຫຼີສຽງ, ນາຍົກລັດຖະມົນຕີຈີນໄດ້ພົບປະກັບທ່ານຟ້າມ ມິ່ງ ຈິງ, ນາຍົກລັດຖະມົນຕີຫວຽດນາມທີ່ເດີນທາງມາຢ້ຽມຢາມຈີນຢ່າງເປັນທາງການຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ.

ທ່ານຫຼີສຽງກ່າວວ່າ: ປີນີ້ແມ່ນປີທີ່ສ້າງຕັ້ງສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ຫວຽດນາມຄົບຮອບ15 ປີ. ຈີນຍິນດີດຳເນີນການເຊື່ອມຕໍ່ດ້ານຍຸດທະສາດກັບຫວຽດນາມໃຫ້ດີ, ຖືການສ້າງ “ໜຶ່ງແລວ ໜຶ່ງເສັ້ນທາງ” ຮ່ວມກັນທີ່ມີຄຸນນະພາບສູງເປັນສາຍຕົ້ນຕໍ, ຈັດຕັ້ງປະຕິບັດ ແລະຊຸກຍູ້ການຮ່ວມມືດ້ານຄວາມປອດໄພໃນການປະຕິບັດກົດໝາຍ, ການລົງທຶນດ້ານເສດຖະກິດການຄ້າ, ວິທະຍາສາດ, ການສຶກສາ, ວັດທະນະທຳສາທາລະນະສຸກແລະຂົງເຂດອື່ນໆ. ຍຶດໝັ້ນຜ່ານການສົນທະນາເປິກສາຫາລືເພື່ອຄຸ້ມຄອງແລະຄວບຄຸມຂໍ້ຂັດແຍ້ງ, ຊຸກຍູ້ການຮ່ວມມືຕົວຈິງເທິງທະເລ.

ທ່ານຟ້າມ ມິ່ງ ຈິງກ່າວວ່າ: ຫວຽດນາມຕັ້ງໜ້າສະໜັບສະໜູນແລະເຂົ້າຮ່ວມຂໍ້ລິເລີ່ມຮ່ວມສ້າງ “ໜຶ່ງແລວໜຶ່ງເສັ້ນທາງ”ແລະຂໍ້ລິເລີ່ມການພັດທະນາທົ່ວໂລກ, ຍິນດີຮ່ວມກັບຝ່າຍຈີນລົງເລິກການຮ່ວມມືໃນຂົງເຂດເສດຖະກິດການຄ້າ, ການລົງທຶນ, ວັດທະນະທຳແລະຂົງເຂດອື່ນໆ, ຄຸ້ມຄອງແລະຄວບຄຸມຂໍ້ຂັດແຍ້ງໃຫ້ດີ, ບັນລຸຄວາມຈະເລີນຮຸ່ງເຮືອງຮ່ວມກັນ.