ນາຍົກລັດຖະມົນຕີຈີນເຂົ້າຮ່ວມພິທີໄຂເວທີເປິກສາຫາລືດາວອສ໌ລະດູບ້ອນປີ 2023 ແລະກ່າວຄຳປາໄສ

ຕອນເຊົ້າວັນທີ 27 ມິຖຸນານີ້, ຢູ່ນະຄອນທຽນສິນ, ທ່ານຫຼີສຽງ ນາຍົກລັດຖະມົນຕີຈີນໄດ້ເຂົ້າຮ່ວມພິທີໄຂເວທີເປິກສາຫາລືດາວອສ໌ລະດູຮ້ອນປີ 2023 ແລະກ່າວຄຳປາໄສ.

ທ່ານຫຼີສຽງຊີ້ອອກວ່າ, ໂລກປັດຈຸບັນຂາດການແລກປ່ຽນຫາກບໍ່ແມ່ນຄວາມຂັດແຍ້ງ, ຂາດການຮ່ວມມື ຫາກບໍ່ແມ່ນການເປັນປໍລະປັກກັນ, ຂາດການເປີດປະຕູ ຫາກບໍ່ແມ່ນການປິດປະຕູ, ຂາດສັນຕິພາບ ຫາກບໍ່ແມ່ນການປະທະກັນ. ພວກເຮົາຄວນຮ່ວມກັນປະຕິບັດຂໍ້ລິເລີ່ມກ່ຽວກັບການພັດທະນາທົ່ວໂລກ, ຂໍ້ລິເລີ່ມກ່ຽວກັບຄວາມໝັ້ນຄົງທົ່ວໂລກ, ຂໍ້ລິເລີ່ມກ່ຽວກັບອະລິຍະທຳທົ່ວໂລກ ພາຍໃຕ້ການຊີ້ນຳນຳພາຂອງແນວຄິດການສ້າງປະຊາຄົມຮ່ວມຊາຕາກຳຂອງມວນມະນຸດທີ່ສະເໜີໂດຍທ່ານ ສີຈິ້ນຜິງ ປະທານປະເທດຈີນ, ພະຍາຍາມສ້າງໂລກທີ່ດີງາມກວ່າເກົ່າ. ຈີນຈະສືບຕໍ່ສະໜອງກຳລັງແຮງຂັບເຄື່ອນທີ່ແຂງແຮງໃຫ້ແກ່ການຟື້ນຟູແລະການເຕີບໂຕຂອງເສດຖະກິດໂລກ, ແລະອຳນວຍໂອກາດແຫ່ງການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດໃຫ້ແກ່ນັກລົງທຶນປະເທດຕ່າງໆ.