ແຂວງຢຸນນານດຶງດູດວິສາຫະກິດ ແບດເຕີຣີພະລັງງານໃໝ່ 60 ກວ່າແຫ່ງ
ຫວ່າງມໍ່ໆມານີ້, ພະແນກອຸດສາຫະກຳ ແລະ ການຫັນເປັນຂໍ້ມູນຂ່າວສານແຂວງຢຸນນານແຈ້ງຂ່າວໃຫ້ຮູ້ວ່າ: ນັບແຕ່ປີ 2021 ເປັນຕົ້ນມາ, ແຂວງຢຸນນານໄດ້ເນັ້ນໃສ່ການດຶງດູດການລົງທຶນຢ່າງແມ່ນຢໍາຕາມການສ້າງຕ່ອງໂສ້ອຸດສາຫະກຳທີ່ເຂັ້ມແຂງ. ປັດຈຸບັນທົ່ວແຂວງໄດ້ດຶງດູດວິສາຫະກິດແບດເຕີຣີພະລັງງານໃໝ່ທັງໝົດ 60 ກວ່າແຫ່ງ, ມີວິສາຫະກິດໃນຕ່ອງໂສ້ອຸດສາຫະກຳແບດເຕີຣີພະລັງງານສ້າງສຳເລັດ ແລະ ເລີ່ມການຜະລິດໄປແລ້ວ 30 ກວ່າແຫ່ງ.
ຕາມຂ່າວແຈ້ງວ່າ, ຫົກເດືອນຕົ້ນປີ 2023, ມູນຄ່າການຜະລິດໃນອຸດສາຫະກຳແບດເຕີຣີພະລັງງານໃໝ່ຂອງແຂວງຢຸນນານໄດ້ບັນລຸເຖິງ 16,277 ຕື້ຢວນ, ເພີ່ມຂຶ້ນ 111,5% ເມື່ອທຽບໃສ່ໄລຍະດຽວກັນຂອງປີກາຍ, ໄດ້ຮັກສາຈັງຫວະການເຕີບໂຕຢ່າງວ່ອງໄວທີ່ສູງກວ່າ 100% ເປັນ 12 ເດືອນລຽນຕິດ, ມູນຄ່າການຜະລິດໃນໝົດປີອາດຈະຫຼາຍກວ່າ 50 ຕື້ຢວນ.
ແຫຼ່ງຂ່າວ: ເວັບໄຊຂ່າວສານຈີນ, ໜັງສືພິມລາຍວັນຢຸນນານ