ເຜີຍແຜ່ "ຖະແຫຼງການຮ່ວມວ່າດ້ວຍການພັດທະນາ ແລະ ການຮ່ວມມືເສດຖະກິດສີຟ້າ ລະຫວ່າງ ຈີນ-ພາກພື້ນມະຫາສະໝຸດອິນເດຍ"
ຫວ່າງມໍ່ໆມານີ້, “ກອງປະຊຸມເວທີປຶກສາຫາລືວ່າດ້ວຍການພັດທະນາ ແລະ ການຮ່ວມມື ລະຫວ່າງ ຈີນ-ພາກພື້ນມະຫາສະໝຸດອິນເດຍ ຄັ້ງທີ 2” ໄດ້ຈັດຂຶ້ນຢູ່ນະຄອນຄຸນໝິງແຂວງຢູນນານ ສປ ຈີນ. ແຂກຜູ້ມີກຽດຫຼາຍທ່ານທີ່ເຂົ້າຮ່ວມກອງປະຊຸມກ່າວວ່າ, ຫວັງວ່າ, ໂດຍຜ່ານກອງປະຊຸມເວທີປຶກສາຫາລືດັ່ງກ່າວຈະຊ່ວຍຊຸກຍູ້ໃຫ້ບັນດາປະເທດໃນພາກພື້ນມະຫາສະໝຸດອິນເດຍສ້າງສາຍພົວພັນການຮ່ວມມື ທີ່ ແໜ້ນແຟ້ນກວ່າເກົ່າກັບຈີນຕື່ມອີກ, ຮ່ວມກັນສ້າງປະຊາຄົມຮ່ວມຊາຕາກຳທາງທະເລ.
ໃນຊຸມປີຜ່ານມາ, ຄຽງຄູ່ກັບການອະນຸລັກສິ່ງແວດລ້ອມທາງນິເວດມະຫາສະໝຸດອິນເດຍກາຍເປັນບັນຫາສຳຄັນທີ່ຫຼີກເວັ້ນບໍ່ໄດ້, ເສດຖະກິດສີຟ້າໄດ້ກາຍເປັນຫົວຂໍ້ສຳຄັນສຳລັບການພັດທະນາຂອງປະເທດອ້ອມມະຫາສະໝຸດອິນເດຍ. ໃນກອງປະຊຸມເວທີປຶກສາຫາລື, ຜູ້ແທນຈາກບັນດາປະເທດ ແລະ ອົງການຈັດຕັ້ງສາກົນໄດ້ກ້າວເຖິງຂັ້ນມີຄວາມເຫັນທີ່ເປັນເອກະພາບກັນຢ່າງກວ້າງຂວາງກ່ຽວກັບການເພີ່ມທະວີການປະສານງານດ້ານນະໂຍບາຍ, ເພີ່ມຄວາມສາມາດຕ້ານທານຕໍ່ຜົນກະທົບ ແລະ ໄພພິບັດຕ່າງໆ, ຊຸກຍູ້ການນຳໃຊ້ຊັບພະຍາກອນທະເລແບບຍືນຍົງ ແລະ ຊຸກຍູ້ການພັດທະນາຂອງພາກພື້ນກໍຄືຂອງໂລກພ້ອມທັງໄດ້ເຜີຍແຜ່ “ຖະແຫຼງການຮ່ວມວ່າດ້ວຍການພັດທະນາ ແລະ ການຮ່ວມມືເສດຖະກິດສີຟ້າ ລະຫວ່າງຈີນ-ພາກພື້ນມະຫາສະໝຸດອິນເດຍ”.
ແຫຼ່ງຂ່າວ: ໜັງສືພິມລາຍວັນຢູນນານ, ຂ່າວຜົງໄພ້ ບັນນາທິການ: Yang Chunmei