ທ່ານສີຈິ້ນຜິງຕອບຈົດໝາຍ ແລະ ສົ່ງແຮງໃຈໃຫ້ແກ່ນັກຮຽນໂຮງຮຽນມັດທະຍົມເຜີຍສຽວຮົງກົງ

ວັນທີ 24 ກໍລະກົດນີ້, ທ່ານສີຈິ້ນຜິງ ປະທານປະເທດຈີນໄດ້ຕອບຈົດໝາຍຂອງນັກຮຽນຊັ້ນ ມ4 ທຸກຖ້ວນໜ້າຂອງໂຮງຮຽນມັດທະຍົມເຜີຍສຽວຮົງກົງ ແລະ ສົ່ງແຮງໃຈອັນອົບອຸ່ນໃຫ້ແກ່ເຂົາເຈົ້າ.

ເນື້ອໃນຈົດໝາຍຂອງທ່ານສີຈິ້ນຜິງລະບຸວ່າ: ເມື່ອໄດ້ຮູ້ຂ່າວວ່າຜ່ານການເຂົ້າຮ່ວມກິດຈະກຳຕ່າງໆ, ເຊັ່ນ: ພິທີເຄື່ອນຍ້າຍ ແລະ ປົງສົບຜູ້ເສຍສະຫຼະຊີວິດຂອງກອງທະຫານອາສາສະໝັກຈີນຢູ່ ສ.ເກົາຫຼີ, ກິດຈະກຳມີສ່ວນຮ່ວມກັບນັກ ບິນອະວະກາດທີ່ປະຕິບັດໜ້າທີ່ຢູ່ສະຖານີອະວະກາດ “ທ່ຽນກົ່ງ” ແລະ ອື່ນໆ, ພວກຫຼານໄດ້ຊາບຊື້ງເຖິງຄວາມພາກພູມໃຈທີ່ເປັນຊາວຈີນ ແລະ ພາລະໜ້າທີ່ໃນຖານະເປັນໄວໜຸ່ມຮຸ່ນໃໝ່ຂອງຮົງກົງຢ່າງເລິກເຊິ່ງ, ຂ້າພະເຈົ້າຮູູ້ສຶກປື້ມໃຈຫຼາຍ, ຫວັງວ່າພວກຫຼານຈະເຮັດໃຫ້ການຮ່ຳຮຽນຄວາມຮູ້ທີ່ຫຼາກຫຼາຍເຊື່ອມໂຍງເຂົ້າກັບພຶດຕິກຳຕົວຈິງ, ພັດທະນາໃຫ້ກາຍເປັນຜູ້ມີຄວາມຮູ້ມີຄວາມສາມາດທີ່ສາມາດແບກຫາບພາລະກິດຍິ່ງໃຫຍ່ໄດ້ໂດຍໄວ, ຕັ້ງໜ້າປະກອບສ່ວນເຂົ້າໃນການສ້າງສາຮົງກົງທີ່ສວຍງາມ ແລະ ຟື້ນຟູຄວາມຈະເລີນຮຸ່ງເຮືອງຂອງປະຊາຊາດຄືນໃໝ່.

ຫວ່າງມໍ່ໆມານີ້, ນັກຮຽນຊັ້ນ ມ4 ທຸກຖ້ວນໜ້າຂອງໂຮງຮຽນເຜີຍສຽວຮົງກົງໄດ້ສົ່ງຈົດໝາຍໄປຍັງທ່ານສີຈິ້ນຜິງ ປະທານປະເທດຈີນ, ເພື່ອລາຍງານຄວາມຮູ້ສຶກກ່ຽວກັບການເຂົ້າຮ່ວມກິດຈະກຳບຳລຸງສ້າງລັດທິຮັກຊາດຂອງໂຮງຮຽນ ແລະ ສະແດງໃຫ້ເຫັນເຖິງຄວາມຕັດສິນໃຈທີ່ສືບທອດຈິດໃຈຮັກຊາດຮັກຮົງກົງ, ປະກອບສ່ວນເຂົ້າໃນການສ້າງສາປະເທດຊາດໃຫ້ເຂັ້ມແຂງ ແລະ ສ້າງສາຮົງກົງໃຫ້ຈະເລີນຮຸ່ງເຮືອງ.