ທ່ານ ສີຈິ້ນຜິງ ເດີນທາງໄປເຂົ້າຮ່ວມການພົບປະລະຫວ່າງຜູ້ນຳບັນດາປະເທດບຣິກສ໌ຄັ້ງທີ 15 ຢູ່ນະຄອນໂຈຮັນເນສເບີກແລະຢ້ຽມຢາມອາຟຣິກາໃຕ້ທາງລັດຖະກິດ

ຕອນເຊົ້າວັນທີ 21 ສິງຫານີ້, ໂດຍຕອບສະໜອງຕາມການເຊື້ອເຊີນຂອງທ່ານຊີຣີວ ຣາມາໂຟຊາ ປະທານາທິບໍດີສາທາລະນະລັດອາຟຣິກາໃຕ້, ທ່ານ ສີຈິ້ນຜິງ ປະທານປະເທດຈີນໄດ້ອອກເດີນທາງຈາກນະຄອນຫຼວງປັກກິ່ງດ້ວຍເຮືອບິນພິເສດ,ເພື່ອໄປເຂົ້າຮ່ວມການພົບປະລະຫວ່າງຜູ້ນຳບັນດາປະເທດບຣິກສ໌ຄັ້ງທີ 15 ຢູ່ນະຄອນໂຈຮັນເນສເບີກແລະຢ້ຽມຢາມອາຟຣິກາໃຕ້ທາງລັດຖະກິດ. ໃນໄລຍະຢູ່ອາຟຣິກາໃຕ້, ທ່ານ ສີຈິ້ນຜິງ ຍັງຈະຮ່ວມກັບທ່ານ ຊີຣີວ ຣາມາໂຟຊາ ປະທານາທິບໍດີສາທາລະນະລັດອາຟຣິກາໃຕ້ ເປັນປະທານກອງປະຊຸມສົນທະນາຜູ້ນຳຈີນ-ອາຟຣິກາ.

ຜູ້ນຳທີ່ເດີນທາງໄປພ້ອມກັບທ່ານ ສີຈິ້ນຜິງ ປະທານປະເທດຈີນມີ: ທ່ານ ໄຊ້ສີ ກຳມະການປະຈຳກົມການເມືອງສູນກາງພັກຄອມມູນິດຈີນ,ຫົວໜ້າຫ້ອງວ່າການສູນກາງພັກຄອມມູນິດຈີນ, ທ່ານ ວາງຢີ້ ກຳມະການກົມການເມືອງສູນກາງພັກຄອມມູນິດຈີນ,ລັດຖະມົນຕີກະຊວງການຕ່າງປະເທດຈີນແລະທ່ານອື່ນໆ.