ທ່ານສີຈິ້ງຜິງສົ່ງສານຊົມເຊີຍເຖິງງານວາງສະແດງອຸດສາຫະກຳອັດສະລິຍະສາກົນຈີນ 2023

ວັນທີ 4 ກັນຍານີ້, ທ່ານສີຈິ້ງຜິງ ປະທານປະເທດຈີນໄດ້ສົ່ງສານຊົມເຊີຍເຖິງງານວາງສະແດງອຸດສາຫະກຳອັດສະລິຍະສາກົນຈີນ 2023.

ເນື້ອໃນສານຂອງທ່ານສີຈິ້ນຜິງລະບຸວ່າ: ຈີນເອົາໃຈໃສ່ເປັນຢ່າງສູງຕໍ່ການພັດທະນາເສດຖະກິດດີຈີຕອນ, ສືບຕໍ່ຊຸກຍູ້ໃຫ້ເຕັກນິກດີຈີຕອນແລະເສດຖະກິດຕົວຈິງເຊື່ອມໂຍງເຂົ້າກັນຢ່າງເລິກເຊິ່ງ, ປະສານກັນຊຸກຍູ້ຂະບວນການຫັນເປັນອຸດສາຫະກຳດ້ານດີຈີຕອນ ແລະ ຂະບວນການດີຈີຕອນຫັນເປັນອຸດສາຫະກຳ, ເລັ່ງການກໍ່ສ້າງປະເທດທີ່ເຂັ້ມແຂງດ້ານອິນເຕີເນັດ ແລະ ສ້າງຈີນແບບດີຈີຕອນ. ຈີນຍິນດີຮ່ວມກັບປະເທດຕ່າງໆຢູ່ໃນໂລກ, ກຳທ່ວງທ່າໃໝ່ຂອງຍຸກດີຈີຕອນ, ລົງເລິກການແລກປ່ຽນແລະຮ່ວມມືສາກົນໃນຂົງເຂດດີຈີຕອນ, ຊຸກຍູ້ການພັດທະນາ ແລະ ການປະດິດສ້າງໃໝ່ໃນອຸດສາຫະກຳອັດສະລິຍະ, ເລັ່ງການສ້າງປະຊາຄົມຮ່ວມຊາຕາກຳທາງພື້ນທີ່ອິນເຕີເນັດ, ຮ່ວມກັນສ້າງອະນາຄົດທີ່ສຸກສັນກວ່າເກົ່າ ແລະ ດີງາມກວ່າເກົ່າ.

ງານວາງສະແດງອຸດສາຫະກຳອັດສະລິຍະສາກົນຈີນ 2023 ໄດ້ຈັດຂຶ້ນຢູ່ນະຄອນຈຸ່ງກິ່ງຂອງຈີນໃນວັນທີ 4 ກັນຍານີ້ໂດຍພາດຫົວຂໍ້ວ່າ: “ລວມສູນສະຕິປັນຍາ ແລະ ທ່າແຮງຂອງຝ່າຍຕ່າງໆ”.