ທ່ານສີຈິ້ນຜິງສົ່ງສານອວຍພອນໄປຍັງເວທີເປິກສາຫາລືສຸດຍອດການຄົມມະນາຄົມແບບຍືນຍົງທົ່ວໂລກ

ວັນທີ25ກັນຍານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານອວຍພອນໄປຍັງເວທີເປິກສາຫາລືສຸດຍອດການຄົມມະນາຄົມແບບຍືນຍົງທົ່ວໂລກ.

ທ່ານສີຈິ້ນຜິງຊີ້ອອກວ່າ: ການສ້າງລະບົບຄົມມະນາຄົມແບບຍືນຍົງທີ່ປອດໄພ, ສະດວກ, ປະສິດທິພາບສູງ, ສີຂຽວ, ເສດຖະກິດ, ກວມລວມແລະທົນທານ ເປັນມາດຕະການສຳຄັນທີ່ບັນລຸຄວາມປາດຖະໜາອັນດີງາມໃນຄົນໄປມາສະດວກສະບາຍ,ສິນຄ້າຈໍລະຈອນໄດ້ຫຼ່ຽນໄຫຼ”. ຈີນກຳລັງເລັ່ງໃສ່ສ້າງປະເທດໃຫ້ເຂັ້ມແຂງດ້ານການຄົມມະນາຄົມ,ຈະສືບຕໍ່ຍຶດໝັ້ນການປະສານສົມທົບກັບໂລກ ແລະເຊື່ອມໂຍງເຂົ້າກັບຍຸກສະໄໝ,ອອກແຮງຊຸກຍູ້ການຮ່ວມມືດ້ານການຄົມມະນາຄົມທົ່ວໂລກ, ເພື່ອສະໜອງໂອກາດໃໝ່ແກ່ໂລກດ້ວຍການພັດທະນາໂຕເອງ.

ຈີນຍິນດີຮ່ວມກັບບັນດາປະເທດໃນໂລກ,ຍຶດໝັ້ນແນວຄວາມຄຶດໃນການເປິກສາຫາລື, ສ້າງສາແລະຊົມໃຊ້ຮ່ວມກັນ,ເຮັດໃຫ້ຜົນການພັດທະນາການຄົມມະນາຄົມແບບຍືນຍົງສ້າງຄວາມສຸກໃຫ້ປະຊາຊົນບັນດາປະເທດໃນໂລກ,ປະກອບສ່ວນຢ່າງຕັ້ງໜ້າເຂົ້າໃນການຈັດຕັ້ງປະຕິບັດຂໍ້ລິເລີ່ມພັດທະນາທົ່ວໂລກ,ບັນລຸເປົ້າໝາຍການພັດທະນາແບບຍືນຍົງປີ2023ຂອງອົງການສະຫະປະຊາຊາດ ແລະຊຸກຍູ້ສ້າງສາປະຊາຄົມຮ່ວມຊາຕາກຳຂອງມວນມະນຸດ.

ເວທີເປິກສາຫາລືສຸດຍອດການຄົມມະນາຄົມແບບຍືນຍົງທົ່ວໂລກມີຫົວຂໍ້ “ການຄົມມະນາຄົມແບບຍືນຍົງ: ຮ່ວມມືກັນເພື່ອຊຸກຍູ້ການພັດທະນາທົ່ວໂລກ” ເຊິ່ງມີກະຊວງຄົມມະນາຄົມແລະຂົນສົ່ງຈີນເປັນເຈົ້າພາບ ແລະໄຂຂຶ້ນຢູ່ນະຄອນຫຼວງປັກກິ່ງໃນວັນທີ25ກັນຍານີ້.