ຂ່າວສານຢຸນນານ·ຈີນ| ໂລກຕ້ອງການຄວາມມີຊີວິດຊີວາແບບນີ້ຂອງຈີນ
ປະມານ 5%—ເມື່ອຈີນປະກາດເປົ້າໝາຍການເຕີບໂຕທາງເສດຖະກິດຂອງຕົນທີ່ຄາດຄະເນໄວ້ໃນປີນີ້ຢູ່ໃນກອງປະຊຸມສອງສະພາ, ຫາງສຽງສາກົນກໍມີຄວາມຮູ້ສຶກຕື່ນເຕັ້ນດີໃຈຫຼາຍ. ໃນຖານະທີ່ເປັນກຸ່ມເສດຖະກິດໃຫຍ່ອັນດັບສອງຂອງໂລກ, ເປົ້າຫມາຍການເຕີບໂຕທາງເສດຖະກິດປະຈໍາປີຂອງຈີນມີອິດທິພົນຕໍ່ສາກົນທີ່ສຳຄັນ.ບົດລາຍງານວຽກງານຂອງລັດຖະບານໃນປີ 2023 ໄດ້ສະເໜີໃຫ້ຈັດການຟື້ນຟູ ແລະ ຂະຫຍາຍການບໍລິໂພກຢູ່ໃນຖານະບຸລິມະສິດ.
ເນື້ອໃນຂອງບົດລາຍງານດັ່ງກ່າວໄດ້ກ່ຽວພັນເຖິງປະຊາຊົນທົ່ວໄປຂອງຈີນຢ່າງໃກ້ຊິດ.ຂ້າພະເຈົ້າເຄີຍໄປເກັບກຳຂ່າວຢູ່ບ້ານຈິ່ນຜີງ ນະຄອນຫຼ່ອງໜານ ແຂວງການຊູ່. ບ້ານພູດອຍທີ່ຕັ້ງຢູ່ເຂດຫ່າງໄກສອກຫຼີກ ທາງພາກຕາເວັນຕົກຂອງຈີນ ຊຶ່ງເຄີຍຕົກທຸກໄດ້ຍາກໃນເມື່ອກ່ອນໄດ້ສ້າງຄວາມຮັ່ງມີ ໂດຍຜ່ານການພັດທະນາອຸດສາຫະກຳໝາກໂອລິບ.ຂ້າພະເຈົ້າຍັງຈື່ຊາວບ້ານຄົນໜຶ່ງ ຊື່ວ່າ ທ້າວເຈ່ຍຢົງຊຽງ, ລາວເຮັດວຽກໝົດປີ, ມີແຕ່ພໍລ້ຽງກຸ້ມຕົນເອງເທົ່ານັ້ນ, ແຕ່ໃນປັດຈຸບັນນີ້, ລາວໄດ້ປຸກສ້າງຕຶກໃໝ່ 3 ຊັ້ນຢູ່ໃນບ້ານ ແລະ ຍັງໄດ້ຊື້ເຮືອນອີກ 2 ຊຸດຢູ່ໃນຕົວເມືອງ.
ໃນປະເທດຈີນ, ເລື່ອງເຫຼົ່ານີ້ໄດ້ເກີດຂຶ້ນທຸກມື້. ໃນໄລຍະ 10 ປີທີ່ຜ່ານມາ, ຈີນໄດ້ສ້າງຕັ້ງກຸ່ມຄົນລາຍໄດ້ປານກາງທີ່ໃຫຍ່ທີ່ສຸດ ແລະ ມີຄວາມອາດສາມາດເຕີບໂຕຫຼາຍທີ່ສຸດໃນໂລກ, ຊຶ່ງມີຈໍານວນຫຼາຍກວ່າ 400 ລ້ານຄົນ.
ປີນີ້, ຈີນໄດ້ສະເໜີເປົ້າໝາຍການເຕີບໂຕທາງເສດຖະກິດຢູ່ປະມານ 5%, ຊຶ່ງເປັນການພິສູດຕໍ່ຄຳສັນນິຖານຂອງນັກເສດຖະສາດຈໍານວນຫຼາຍຄົນຢູ່ກ່ອນໜ້ານີ້ວ່າ:ເສດຖະກິດຂອງຈີນຈະບັນລຸການຟື້ນຕົວຄືນໂດຍລວມໃນປີ 2023.ໂລກທີ່ພວມປະສົບກັບໄພເງິນເຟີ້ ແລະ ເສດຖະກິດຊຸດໂຊມລົງ ຕ້ອງການຄວາມມີຊີວິດຊີວາແບບນີ້ຂອງຈີນ.
ຂຽນໂດຍ:ເຊຄີໂອ ໂກເມກ, ນັກຂ່າວສັນຊາດ ກູບາຈາກສຳນັກຂ່າວຊິນຮວາ