ຂ່າວສານຢຸນນານ·ຈີນ| ແຂວງຢູນນານສົ່ງເສີມຄວາມເຂົ້າໃຈກັນລະຫວ່າງປະຊາຊົນດ້ວຍຄວາມສວຍສົດງົດງາມດ້ານວັດທະນະທໍາ
ປີນີ້ແມ່ນປີທີ່ສະເໜີ ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ອອກມາຄົບຮອບ 10 ປີ. ຕະຫຼອດ 10 ຜ່ານມາ, ແຂວງຢູນນານພະຍາຍາມຫັນທ່າແຮງເຂດຊາຍແດນ ກາຍມາເປັນ ທ່າແຮງການພັດທະນາດ້ານການເປີດປະຕູສູ່ພາຍນອກ, ຮ່ວມມືກັບປະເທດອ້ອມຂ້າງຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ຢ່າງມີຄຸນນະພາບສູງ, ຕະຫຼອດ 10 ຜ່ານມາ, ເລື່ອງກ່ຽວກັບຄວາມດີງາມ, ຄວາມຫວັງ ແລະ ມິດຕະພາບໄດ້ແຕກດອກອອກຜົນຢ່າງສວຍສົດງົດງາມ.
ຄວາມດີງາມດັ່ງກ່າວ ໄດ້ບັນທຶກໄວ້ຢູ່ຕາມອົງການສົ່ງເສີມວັດທະນະທໍາທີ່ສົ່ງຕໍ່ຄວາມອົບອຸ່ນຢູ່ຕາມຊາຍແດນຢູນນານ-ມຽນມາ ——
ເດືອນກໍລະກົດປີ 2022,ຫໍສະມຸດມິດຕະພາບຖານອ້າຍນ້ອງ ຈີນ-ມຽນມາ ແບບອັດສະລິຍາທີ່ເປີດບໍລິການ 24 ຊົ່ວໂມງ ໄດ້ເປີດນໍາໃຊ້ຢ່າງເປັນທາງການຢູ່ນະຄອນຣຸ້ຍລີ້ ກິ່ງແຂວງປົກຄອງຕົນເອງເຜົ່າລື ເຜົ່າຈິງໂພ ເຕີຫົງ. ຫຼັງຈາກນັ້ນ, ທ້າວ ຫັນແທສໍ ພະນັກງານທີ່ມາຈາກນະຄອນມັນດາເລປະເທດມຽນມາ ກໍໄດ້ກາຍເປັນຜູ້ອ່ານຂາປະຈຳຂອງຫໍສະມຸດແຫ່ງນີ້. ຫໍສະມຸດແຫ່ງນີ້ ໄດ້ເປີດບໍລິການຕະຫຼອດ 24 ຊົ່ວໂມງ, ປັດຈຸບັນໄດ້ໃຫ້ບໍລິການແກ່ຜູ້ອ່ານຈີນ ແລະ ມຽນມາຫຼາຍກວ່າ 5.000 ຄົນ.
ໃນປີ 2018, ໃນເວລາທີ່ທ້າວ ຫັນແທສໍ ຫາກໍ່ມາຮອດນະຄອນຣຸ້ຍລີ້, ລາວມີຄວາມປາຖະໜາຢ່າງແຮງກ້າຢາກຮຽນພາສາຈີນ. ທ້າວ ຫັນແທສໍ ກ່າວວ່າ, “ໃນຕອນນັ້ນ, ຫ້ອງສະມຸດດ່ານເຈຍກ້າວຂອງນະຄອນຣຸ້ຍລີ້ ໄດ້ເປີດຊຸດຝຶກອົບຮົມພາສາຈີນ ແລະ ພາສາມຽນມາແບບບໍ່ເສຍຄ່າ ໃຫ້ແກ່ປະຊາຊົນມຽນມາທີ່ມາເຮັດທຸລະກິດ ແລະ ອອກແຮງງານຢູ່ຈີນ.ເມື່ອໄດ້ຮູ້ຂ່າວນີ້ແລ້ວ, ຂ້ອຍກໍໄດ້ໄປລົງທະບຽນໃນທັນທີ.”
ຍ້ອນວ່າໄດ້ຮຽນພາສາຈີນ, ທ້າວ ຫັນແທສໍ ໄດ້ຜູກມິດສໍາພັນ ກັບ ເພື່ອມິດໄວໜຸ່ມຈີນ, ໄດ້ມີໂອກາດເຮັດວຽກຫຼາຍເທື່ອ. ຈາກຫ້ອງສະມຸດດ່ານເຈຍກ້າວໃນເມື່ອກ່ອນ ມາຮອດ ຫໍສະມຸດໃນປັດຈະບັນນີ້, ລາວຮູ້ສຶກວ່າ, ອົງການສົ່ງເສີມການແລກປ່ຽນວັດທະນະທໍາ ນັບມື້ນັບຫຼາຍຂຶ້ນ, ແຕ່ສິ່ງທີ່ບໍ່ປ່ຽນແປງນັ້ນແມ່ນ “ຄວາມອົບອຸ່ນ” ຍັງຄືເກົ່າ.
ຄວາມຫວັງສະບັບນີ້ ໄດ້ບັນທຶກໄວ້ໃນນາມບັດທີ່ເຕັມໄປດ້ວຍຮອຍຍິ້ມ ລະຫວ່າງ ຈີນ-ກໍາປູເຈຍ ——
ປີ 2010, ພາຍໃຕ້ການສະໜັບສະໜູນຂອງ ກະຊວງ ວັດທະນາທໍາ ແລະ ທ່ອງທ່ຽວ ສປ ຈີນ ກັບ ກະຊວງສິລະປະວັດທະນະທໍາ ກໍາປູເຈຍ, ລະຄອນດ້ານວັດທະນາທໍາ ແລະ ທ່ອງທ່ຽວຂະໜາດໃຫຍ່ເລື່ອງ “ຮອຍຍິ້ມຂອງອັງກໍວັດ” ທີ່ລົງທຶນ ແລະ ສະແດງໂດຍ ກຸ່ມບໍລິສັດການລົງທຶນດ້ານວັດທະນະທໍາຢູນນານ ຂອງກຸ່ມບໍລິສັດຕົວເມືອງຊາວຈີນຕ່າງດ້າວ ຫຼື OTC ໄດ້ເລີ່ມການສະແດງ. ຜົນງານການສະແດງດັ່ງກ່າວແມ່ນປະດິດຄິດແຕ່ງໂດຍນັກສິລະປິນຈາກສອງປະເທດ ຈີນ ແລະ ກໍາປູເຈຍ.ປັດຈຸບັນນີ້, ໄດ້ກາຍເປັນນາມບັດວັດທະນະທໍາທີ່ນັກທ່ອງທ່ຽວຕ່າງປະເທດຮູ້ຈັກກັບປະເທດກໍາປູເຈຍ.
“ຄາດວ່າ ເດືອນຕຸລາປີນີ້, “ຮອຍຍິ້ມຂອງອັງກໍວັດ” ຈະຟື້ນຟູການສະແດງ. ທ່ານ Lu Xiaoqiang ຜູ້ທີ່ຕິດຕາມໂຄງການດັ່ງກ່າວເປັນເວລາ 12 ປີ ຫວັງວ່າ ຈະນໍາເອົາຮູບແບບການບັນເທິງແບບໃໝ່ ແລະ ຄວາມສຳຜັດແບບໃໝ່ມາໃຫ້ນັກທ່ອງທ່ຽວ.
ຂ່າວ: ໜັງສືພິມລາຍວັນຢຸນນານ