ຂ່າວສານຢຸນນານ·ຈີນ| ຜູ້ຊ່ຽວຊານອາເມຣິກາ: ປະຊາທິປະໄຕຈີນ ແມ່ນທຸກສິ່ງທຸກຢ່າງເພື່ອປະຊາຊົນ
ທະນາຄານໂລກໄດ້ເປີດເຜີຍບົດລາຍງານໃນປີກາຍນີ້ວ່າ, ຕະຫຼອດ 40 ກວ່າປີຜ່ານມາ, ຈີນໄດ້ເຮັດໃຫ້ປະຊາກອນ ປະມານ 800 ລ້ານຄົນ ຫຼຸດພົ້ນອອກຈາກຄວາມທຸກຍາກເດັດຖານຢ່າງສໍາເລັດຜົນ, ຊຶ່ງໄດ້ກວມ 75% ຂອງຈໍານວນປະຊາກອນທີ່ໄດ້ຫຼຸດຜ່ອນຄວາມທຸກຍາກຂອງໂລກໃນໄລຍະດຽວກັນ.
ຕາມບົດລາຍງານຄົ້ນຄວ້າທີ່ດຳເນີນຕະຫຼອດເວລາ 10 ປີຂອງ ມະຫາວິທະຍາໄລຮາເວີດ ອາເມຣິກາ ທີ່ເປີດເຜີຍໃນ ປີ 2020 ໃຫ້ຮູ້ວ່າ, ຄວາມເພີ່ງພໍໃຈຂອງປະຊາຊົນຈີນຕໍ່ການນໍາພາຂອງພັກກອມມູນິດຈີນ ຈາກ86% ເພີ່ມຂຶ້ນເປັນ 93%.
ເປັນຫຍັງ ລະບົບການປົກຄອງຂອງຈີນ ຈຶ່ງສາມາດບັນລຸຜົນເປັນຈິງໄດ້ດີປານນີ້?
ລະບອບສັງຄົມນິຍົມທີ່ມີສີສັນພິເສດຂອງຈີນ ແມ່ນຮັບໃຊ້ປະຊາຊົນຢ່າງສຸດອົກສຸດໃຈ ແລະ ສຸມໃສ່ຊຸກຍູ້ການພັດທະນາເສດຖະກິດ-ສັງຄົມ. ນັບແຕ່ການສ້າງຕັ້ງພັກກອມມູນິດຈີນ 100 ກວ່າປີເປັນຕົ້ນມາ, ພັກກອມມູນິດຈີນ ເປັນກອງນຳໜ້າຂອງປະຊາຊົນຈີນມາໂດຍຕະຫຼອດ ຊຶ່ງໄດ້ນໍາພາປະຊາຊົນຈີນກ້າວເດີນໄປສູ່ອະນາຄົດທີ່ສວຍງາມກວ່າເກົ່າ.
ລັດຖະບານຈີນທີ່ນໍາພາໂດຍພັກກອມມູນິດຈິີນ ໄດ້ຍຶດໝັ້ນ ແລະ ປັບປຸງລະບອບສັງຄົມນິຍົມທີ່ມີສີສັນພິເສດຂອງຈີນຢ່າງບໍ່ຢຸດຢັ້ງ, ຊຸກຍູ້ປະຊາທິໄຕປະຊາຊົນທົ່ວຂະບວນການຢ່າງໜັກແໜ້ນ, ສາມາດເວົ້າໄດ້ວ່າ ເປັນໜຶ່ງໃນລັດຖະບານທີ່ມີລະບຽບການສະພາຜູ້ແທນ ທີ່ທັນສະໄໝທີ່ສຸດ ແລະ ປະສົບຜົນສຳເລັດທີ່ສຸດໃນໂລກ.
ລະບົບການປົກຄອງຂອງຈີນ ໄດ້ປະສົບຜົນສຳເລັດອັນຍິ່ງໃຫຍ່ປານນີ້, ແມ່ນຍ້ອນວ່າ ພັກກອມມູນິດຈີນ, ສະພາປະຊາຊົນແຫ່ງຊາດຈີນ ແລະ ສະພາປຶກສາການເມືອງປະຊາຊົນແຫ່ງຊາດຈີນ ໄດ້ຮ່ວມຈິດຮ່ວມໃຈກັນ ເພື່ອຮັບໃຊ້ປະຊາຊົນ ແລະ ປະເທດຊາດ. ຮູບແບບການປົກຄອງຂອງຈີນແມ່ນໄດ້ຮັບຜົນປະໂຫຍດຈາກການປຶກສາຫາລືຮ່ວມກັນ ແລະ ຂໍຄວາມເຫັນຈາກຄົນທັງຫຼາຍ ຊຶ່ງມີຜົນດີຕໍ່ການນໍາຂອງປະເທດສາມາດຮັບຮູ້ເຖິງຄວາມຮຽກຮ້ອງຕ້ອງການຂອງປະຊາຊົນ, ຮັບຟັງຂໍ້ສະເໜີດ້ານນະໂຍບາຍຂອງປະຊາຊົນ, ພ້ອມທັງໄດ້ປະຕິບັດມາດຕະການທີ່ກ່ຽວຂ້ອງ. ຮູບແບບການປົກຄອງດັ່ງກ່າວ ສາມາດຮັບປະກັນໃຫ້ລັດຖະບານຈີນ ມີນ້ຳໃຈຮັບຜິດຊອບຕໍ່ປະຊາຊົນຈີນຢ່າງເຕັມທີ່.
ຂຽນໂດຍ ທ່ານ ຈອນ ມິວເລີ ໄວ ປະທານບໍລິຫານ, ມູນນິທິການຮ່ວມມື ອາເມຣິກາ-ຈີນ, ຈາກ ເວັບໄຊໜັງສືພິມລາຍວັນຈີນ ທີ່ລົງໃນວັນທີ 5 ມີນາ