ຂ່າວສານຢຸນນານ·ຈີນ| ''ຂໍ້ລິເລີ່ມວ່າດ້ວຍອະລິຍະທໍາທົ່ວໂລກ ສົ່ງເສີມໃຫ້ເຄົາລົບຄວາມຫຼາກຫຼາຍ ດ້ານອະລິຍະທໍາ''
ທ່ານ ອັສຊາດຸນລາ ບາດາມຊຽນ ເລຂາທິການໃຫຍ່ ພັກລວມອິສລາມ ອີຣານ ໄດ້ເຂົ້າຮ່ວມກອງປະຊຸມສົນທະນາຂັ້ນສູງ ລະຫວ່າງ ພັກກອມມູນິດຈີນ ກັບ ພັກການເມືອງຂອງໂລກ ໂດຍຜ່ານທາງອອນລາຍ. ພາຍຫຼັງກອງປະຊຸມດັ່ງກ່າວສິ້ນສຸດລົງແລ້ວ, ທ່ານໄດ້ໃຫ້ສໍາພາດຕໍ່ນັກຂ່າວວ່າ: ຂໍ້ລິເລີ່ມວ່າດ້ວຍອະລິຍະທໍາທົ່ວໂລກ ທີ່ສະເໜີໂດຍ ທ່ານ ສີຈິ້ນຜິງ ເລຂາທິການໃຫຍ່ ຄະນະກຳມະການສູນກາງພັກກອມມູນິດຈີນ ໃນຂະນະທີ່ໄດ້ສົ່ງເສີມ ແລະ ເຄົາລົບຄວາມຫຼາກຫຼາຍດ້ານອະລິຍະທໍາຂອງໂລກແລ້ວ ຍັງໄດ້ຊຸກຍູ້ເຕົ້າໂຮມຄວາມສາມັກຄີ ຂອງອະລິຍະທໍາໂລກ ໃນຂະບວນການສະແຫວງຫາຄວາມຝັນຮ່ວມກັນ.
ທ່ານແນະນໍາວ່າ, ອີຣານ ກັບ ຈີນ ຕ່າງກໍເປັນປະເທດ ອະລິຍະທໍາທີ່ເກົ່າແກ່, ອີຣານ ຮູ້ສຶກ ດີໃຈຫຼາຍ ຕໍ່ກັບການນໍາຈີນໄດ້ສະເໜີຂໍ້ລິເລີ່ມວ່າດ້ວຍອະລິຍະທໍາທົ່ວໂລກອອກມາ, ອີຣານເຫັນວ່າມີພາລະໜ້າທີ່ຕອບຮັບຂໍ້ລິເລີ່ມດັ່ງກ່າວ. ຈຸດຢືນຂອງ ທ່ານ ສີຈິ້ນຜິງ ເລຂາທິການໃຫຍ່ ຄະນະກຳມະການສູນກາງພັກກອມມູນິດຈີນ, ໃນຂະນະທີ່ໄດ້ ສົ່ງເສີມ ແລະ ເຄົາລົບຄວາມຫຼາກຫຼາຍດ້ານອະລິຍະທໍາຂອງໂລກແລ້ວ, ຍັງໄດ້ເພີ່ມທະວີຄວາມສາມັກຄີລະຫວ່າງອະລິຍະທໍາທີ່ຕ່າງກັນຂອງໂລກ, ຊຶ່ງເຮັດໃຫ້ອະລິຍະທໍາທົ່ວໂລກໄດ້ຮັບການພັດທະນາທີ່ດີກວ່າເກົ່າ.
ທ່ານ ອັສຊາດຸນລາ ບາດາມຊຽນ ກ່າວຕື່ມວ່າ: ຈີນ ຮຽກຮ້ອງໃຫ້ບັນດາປະເທດ ປະກອບສ່ວນເຂົ້າໃນການສົ່ງເສີມສັນຕິພາບຂອງໂລກ ແລະ ສົ່ງເສີມໃຫ້ບັນດາປະເທດຊ່ວຍຊູຍູ້ໜູນກັນ ຊຶ່ງສະແດງໃຫ້ເຫັນວ່າ ຈີນເປັນກໍາລັງແຮງທີ່ສໍາຄັນໃນດ້ານ ການສົ່ງເສີມ ສັນຕິພາບຂອງໂລກ ແລະ ເພີ່ມຄວາມຜາສຸກໃຫ້ແກ່ທົ່ວໂລກ.ທ່ານເຫັນວ່າ, ພັກລວມອິສລາມ ອີຣານ ຍິນດີເພີ່ມທະວີການແລກປ່ຽນກັບພັກກອມມູນິດຈີນ,ຊຸກຍູ້ກການຮ່ວມມືໃນຂົງເຂດຕ່າງໆລະຫວ່າງສອງປະເທດ ເຊັ່ນ: ການເມືອງ, ເສດຖະກິດ, ວັດທະນະທໍາ, ການແພດ ເປັນຕົ້ນ ຈະໄດ້ຮັບຄວາມຄືບໜ້າໃໝ່.
(ຂ່າວ: ສໍານັກຂ່າວຊິນຮວາ, ໜັງສືພິມລາຍວັນກວ່າງໝິງ)