ຂ່າວສານຢຸນນານ·ຈີນ| ການຂົນສົ່ງສິນຄ້າຂາເຂົ້າ-ຂາອອກ ຂອງດ່ານເຫີໂຂວແຂວງຢຸນນານ ຫຼາຍກວ່າ 6 ແສນໂຕນໃນໄຕມາດທໍາອິດປີນີ້
ຕາມສະຖິຕິຫຼ້າສຸດຈາກດ່ານກວດກາການເຂົ້າ-ອອກເມືອງ ຕາມດ່ານເຫີໂຂວແຂວງຢຸນນານ ໃຫ້ຮູ້ວ່າ: ໃນໄຕມາດທຳອິດປີນີ້, ດ່ານດັ່ງກ່າວໄດ້ກວດກາ ແລະ ປ່ອຍພາຫະນະເຂົ້າ-ອອກດ່ານ ທັງໝົດໄດ້ 42.000 ເທື່ອຄັນ, ເພີ່ມຂຶ້ນ 49,6% ເມື່ອທຽບໃສ່ໄລຍະດຽວກັນຂອງປີຜ່ານມາ. ຄົນເຂົ້າ-ອອກເມືອງ ຫຼາຍກວ່າ 53.000 ເທື່ອຄົນ, ເພີ່ມຂຶ້ນ 79,8% ເມື່ອທຽບໃສ່ໄລຍະດຽວກັນຂອງປີຜ່ານມາ ແລະ ປະລິມານການຂົນສົ່ງສິນຄ້າ ຫຼາຍກວ່າ 610.000 ໂຕນ, ເພີ່ມຂຶ້ນ 66,2% ເມື່ອທຽບໃສ່ໄລຍະດຽວກັນຂອງປີຜ່ານມາ.
ດ່ານເຫີໂຂວ ຕັ້ງຢູ່ຊາຍແດນຈີນ-ຫວຽດນາມ. ສະຖິຕິສະແດງໃຫ້ເຫັນວ່າ: ສິນຄ້ານໍາເຂົ້າ ຕາມດ່ານເຫີໂຂວຕົ້ນຕໍແມ່ນແຜ່ນມັນຕົ້ນ, ໄມ້ອັດ, ໝາກມັງກອນ, ໝາກມີ້ ແລະ ສິນຄ້າລາຍໃຫຍ່ແບບດັ້ງເດີມຕ່າງໆ. ສິນຄ້າສົ່ງອອກ ຕົ້ນຕໍແມ່ນຜັກສົດ, ກົດອຳໂມນິອົມກົດອຳໂມນິອົມນີຕຣາດ ແລະ ອຸປະກອນເອເລັກໂຕຼນິກ.
ຂ່າວ: ໜັງສືພິມລາຍວັນຢຸນນານ