ຂ່າວສານຢຸນນານ·ຈີນ| "ນີ້ແມ່ນເຫດການສໍາຄັນ ໃນການໄປມາຫາສູ່ກັນ ແລະ ການຮ່ວມມື ລາວ-ຢຸນນານ"
ໃນລະຫວ່າງວັນທີ 29 ມີນາ ຫາວັນທີ 1 ເມສາຜ່ານມາ, ຄະນະຜູ້ແທນມິດຕະພາບແຂວງຢຸນນານ ໄດ້ເດີນທາງມາຢ້ຽມຢາມປະເທດລາວ. ໃນໄລຍະຢ້ຽມຢາມ, ສອງຝ່າຍ ໄດ້ຮ່ວມກັນຈັດຕັ້ງປັດຕິບັດຄວາມເຫັນທີ່ເປັນເອກະພາບກັນອັນສໍາຄັນ ລະຫວ່າງ ຜູ້ນໍາສູງສຸດສອງພັກລາວ-ຈີນ ແລະປະຕິບັດ “ຖະແຫຼງການຮ່ວມວ່າດ້ວຍການສືບຕໍ່ລົງເລິກສ້າງຄູ່ຮ່ວມຊາຕາກໍາ ລາວ-ຈີນ” ໃຫ້ບັນລຸຄວາມເປັນຈິງ ແລະ ຊຸກຍູ້ການພັດທະນາຮ່ວມກັນ, ສ້າງຄວາມຮັ່ງມີຮ່ວມກັນຢູ່ຕາມເຂດຊາຍແດນ ລະຫວ່າງ ສອງຝ່າຍ, ທັງໄດ້ມີຄວາມເຫັນທີ່ເປັນເອກະພາບກັນຢ່າງກວ້າງຂວາງ ທາງດ້ານການຮ່ວມມື ໃນຂົງເຂດການລົງທຶນ, ດ້ານເສດຖະກິດ, ການຄ້າ, ການທ່ອງທ່ຽວ ແລະ ວັດທະນະທໍາ, ການພັດທະນາກະສິກໍາ ແລະ ຫຼຸດຜ່ອນຄວາມທຸກຍາກ, ການຝຶກອົບຮົມຊັບພະຍາກອນມະນຸດ ແລະ ອື່ນໆ ໂດຍປິ່ນອ້ອມການນໍາໃຊ້ເສັ້ນທາງລົດໄຟລາວ-ຈີນ.
ພາຍຫຼັງການແຜ່ລະບາດຂອງພະຍາດໂຄວິດ-19 ໄດ້ສິ້ນສຸດລົງ, ການຢ້ຽມຢາມປະເທດລາວ ຂອງຄະນະຜູ້ແທນມິດຕະພາບແຂວງຢຸນນານ ສປຈີນ ເປັນເຫດການສໍາຄັນໃນດ້ານການໄປມາຫາສູ່ກັນ ແລະການຮ່ວມມືກັນ ລະຫວ່າງລາວແລະ ແຂວງຢຸນນານ. ທ່ານ ພອນທະວີ ບຸດດາລາ ຫົວໜ້າກົມການຂ່າວ ກະຊວງການຕ່າງປະເທດລາວ ກ່າວວ່າ: ໃນອະນາຄົດ, ທັງສອງຝ່າຍ ສາມາດລົງເລິກຂຸດຄົ້ນທ່າແຮງຂອງໃຜລາວ ແລະ ບັນລຸຜົນສໍາເລັດດ້ານການຮ່ວມມືຫຼາຍຂຶ້ນ ບົນພື້ນຖານການຮ່ວມມືທີ່ມີຢູ່ແລ້ວໃນປັດຈຸບັນ.
ທ່ານ ກະຕ່າຍ ມາກໂນຊາ ໂຄສົກ-ນັກຂ່າວວິທະຍຸກະຈາຍສຽງແຫ່ງຊາດລາວ ກ່າວດ້ວຍຄວາມດີໃຈວ່າ: “ຂ້ອຍເຫັນທ່ານ ຫວາງໜີງ ເລຂາຄະນະພັກແຂວງຢຸນນານ ໄດ້ເຂົ້າຮ່ວມພິທີມອບ-ຮັບ ໂຄງການກໍ່ສ້າງໂຮງຮຽນມັດທະຍົມສົມບູນເພຍວັດ ນະຄອນຫຼວງວຽງຈັນ ໂດຍການຊ່ວຍເຫຼືອຈາກ ສປ ຈີນ, ຫວັງວ່າ: ສື່ມວນຊົນຂອງປະເທດລາວກັບແຂວງຢຸນນານ ຈະເພີ່ມທະວີການແລກປ່ຽນກັນ,ຊອກຫາຮູບແບບໃໝ່ ແລະ ທິດທາງໃໝ່ດ້ານການຮ່ວມມື ເພື່ອເພີ່ມທະວີຄວາມເຂົ້າໃຈກັນ ລະຫວ່າງ ປະຊາຊົນສອງຊາດ ລາວ-ຈີນ ຕື່ມອີກ.
ຂ່າວ: ໜັງສືພິມລາຍວັນຢຸນນານ