ຂ່າວສານຢຸນນານ·ຈີນ| "ໃຫ້ຄົນນັບມື້ນັບຫຼາຍຮັບຮູ້ປະເທດຈີນ"
ຂ້າພະເຈົ້າ ນາງ ຕູລີນ ລີນຈື ແມ່ນອາຈານສອນພາສາມຽນມາ ທີ່ມາຈາກປະເທດມຽນມາ, ມາຈີນເປັນເວລາ 9ປີກວ່າແລ້ວ. ຂ້ອຍຍັງຈື່ໄດ້ດີວ່າ, ຕອນທີ່ຂ້ອຍຫາກໍ່ມາຮອດກິ່ງແຂວງປົກຄອງຕົນເອງເຜົ່າລື ແລະ ເຜົ່າຈິງໂພເຕີຫົງ ແຂວງຢຸນນານ. ໃນເວລານັ້ນ, ຖະໜົນຫົນທາງຂອງນະຄອນມາງຊືບໍ່ສະອາດປານນີ້, ຕົ້ນໄມ້ຕົ້ນຫຍ້າໃນເມືອງກໍໜ້ອຍກວ່າ, ແຫຼ່ງທ່ອງທ່ຽວກໍບໍ່ຫຼາຍ. ປັດຈຸບັນ, ນະຄອນມາງຊືນັບມື້ນັບງາມຂຶ້ນ.
ຂ້າພະເຈົ້າ ສົນໃຈວັດທະນະທຳຊົນເຜົ່າສ່ວນໜ້ອຍຂອງແຂວງຢຸນນານທີ່ສຸດ. ເມື່ອຮອດມື້ພັກ, ຂ້າພະເຈົ້າຈະຖືກ້ອງຖ່າຍຮູບ ແລະ ຄອມພິວເຕີຂອງຂ້າພະເຈົ້າ ຍ່າງ ຫຼື ຂີ່ລົດຖີບໄປຢ້ຽມຢາມບ້ານຊົນເຜົ່າສ່ວນໜ້ອຍຂອງກິ່ງແຂວງເຕີຫົງ. ຂ້າພະເຈົ້າ ໄດ້ຮັກສາຄວາມຊິນເຄີຍແບບນີ້ມາເປັນເວລາ 10 ກວ່າປີແລ້ວ.
ໃນເວລາໄປຢ້ຽມຢາມບ້ານເຫຼົ່ານີ້, ຂ້າພະເຈົ້າ ໄດ້ເປັນສັກຂີພິຍານໃຫ້ແກ່ຜົນງານໃນດ້ານສືບທອດ ແລະ ປົກປັກຮັກສາມູນເຊື້ອວັດທະນະທຳຂອງຊົນເຜົ່າສ່ວນໜ້ອຍຂອງແຂວງຢຸນນານ. ບ້ານຕ່າງໆ ກໍເອົາໃຈໃສ່ເປັນຢ່າງສູງຕໍ່ການປົກປັກຮັກສາວັດທະນະທຳຂອງຊົນເຜົ່າສ່ວນໜ້ອຍ. ທຸກປີ, ເມື່ອຮອດບຸນຫົດນ້ຳຂອງເຜົ່າລື້ ແລະ ເທດສະການຮ້ອງເພງຂອງເຜົ່າຈິງໂພ, ຈະໄດ້ຈັດກິດຈະກຳຕ່າງໆຢ່າງອຸດົມສົມບູນ. ຂ້າພະເຈົ້າ ມັກສະພາບການຂອງຕົນໃນປັດຈຸບັນ. ເວລາແລ້ວວຽກ, ຂ້າພະເຈົ້າ ຈະສືບຕໍ່ເຮັດວຽກງານຄົ້ນຄວ້າການປົກປັກຮັກສາ ແລະ ສືບທອດມູນເຊື້ອວັດທະນະທຳຂອງຊົນເຜົ່າສ່ວນໜ້ອຍ ເພື່ອເຮັດໃຫ້ຄົນນັບມື້ນັບຫຼາຍຮັບຮູ້ນະໂຍບາຍຊົນເຜົ່າຂອງຈີນ, ຮັບຮູ້ຈີນຢ່າງພາວະວິໄສ, ຮອບດ້ານ ແລະ ຄົບວົງຈອນ.
ຂ່າວ: ໜັງສືພິມລາຍວັນຢຸນນານ