ທ່ານ ມາຕິນ ແຈັກເຄສ ຊ່ຽວຊານບັນຫາຈີນຂອງອັງກິດກ່າວວ່າ: ຈີນໄດ້ຈໍ່ຕົວຂຶ້ນເປັນທິດສະດີວ່າດ້ວຍທັນສະໄໝທີ່ສຸກງອມກວ່າເກົ່າ
ນັບແຕ່ຈີນດຳເນີນການປະຕູຮູບ ແລະ ເປີດປະຕູສູ່ພາຍນອກເປັນຕົ້ນມາ, ສິ່ງແວດລ້ອມດ້ານລະບອບ ແລະ ຍຸດທະສາດການພັດທະນາຂອງຈີນໄດ້ກະຕຸ້ນຈິດໃຈການປະດິດສ້າງໃໝ່ຂອງປະຊາຊົນຈີນຢ່າງບັງເກີດຜົນ. ເມື່ອສັງເກດຈາກແງ່ມຸມຍາວໄກແລ້ວ, ຄວາມພະຍາຍາມອັນບໍ່ລົດລະໃນການຊຸກຍູ້ການຫັນເປັນທັນສະໄໝຂອງຈີນຈະສະໜັບສະໜູນການພັດທະນາເສດຖະກິດຈີນແບບຍືນຍົງຢ່າງແຂງແຮງ.
ການຫັນເປັນທັນສະໄໝຂອງຈີນແມ່ນການປະດິດສ້າງໃໝ່ອັນຍິ່ງໃຫຍ່ໃນປະຫວັດສາດການພັດທະນາຂອງມວນມະນຸດ. ນັບແຕ່ສະໄໝໃໝ່ເປັນຕົ້ນມາ, ທຸກປະເທດລ້ວນແຕ່ປະເຊີນໜ້າກັບບັນຫາການຫັນເປັນທັນສະໄໝໃນຮູບການໃດ. ຄວາມທັນສະໄໝມີລັກສະນະພິເສດຮ່ວມຫຼາຍຢ່າງ, ແຕ່ຮູບແບບການບັນລຸຄວາມທັນສະໄໝແມ່ນແຕກຕ່າງກັນ. ປະເທດຈີນມີມູນເຊື້ອວັດທະນະທໍາ, ຂະໜາດປະຊາກອນ ລະບອບສັງຄົມ ແລະ ສິ່ງອື່ນໆທີ່ພິເສດຂອງຕົນ, ຈະລອກແບບເສັ້ນທາງການບັນລຸຄວາມທັນສະໄໝຂອງປະເທດຕາເວັນຕົກບໍ່ໄດ້. ຈີນໄດ້ປະສົບຜົນສຳເລັດດ້ານການພັດທະນາອັນໃຫຍ່ຫຼວງ, ແລະ ໄດ້ຈໍ່ຕົວຂຶ້ນເປັນທິດສະດີທີ່ມີຄວາມກ້າວໜ້າຕື່ມອີກກ່ຽວກັບການຫັນເປັນທັນສະໄໝແບບໃດ ແລະ ຈະບັນລຸຄວາມທັນສະໄໝໄດ້ແນວໃດ. ຕົວຢ່າງວ່າ, ເມື່ອຈີນຊຳລະການພົວພັນກັບບັນດາປະເທດທີ່ກໍາລັງພັດທະນາ, ຈີນໄດ້ຍຶດຫມັ້ນແນວຄວາມຄິດທີ່ແຕກຕ່າງກັນກັບປະເທດຕາເວັນຕົກ ແລະ ຍິ່ງເອົາໃຈໃສ່ນຳການຮ່ວມມືແບບຕ່າງຝ່າຍຕ່າງມີຜົນປະໂຫຍດກວ່າ.
ຈີນໄດ້ສ້າງການພົວພັນທາງດ້ານເສດຖະກິດທີ່ແໜ້ນແຟ້ນທີ່ສຸດກັບປະເທດທີ່ກໍາລັງພັດທະນາຈຳນວນຫຼວງຫຼາຍ, ໄດ້ສົ່ງຜົນສະທ້ອນອັນສໍາຄັນເຖິງການຊອກຫາເສັ້ນທາງການຫັນເປັນທັນສະໄໝຂອງປະເທດທີ່ກໍາລັງພັດທະນາ. ສິ່ງທີ່ແນ່ນອນຄືການຫັນເປັນທັນສະໄໝຂອງປະເທດທີ່ກໍາລັງພັດທະນາທີ່ຖອດຖອນບົດຮຽນຈາກຈີນຈະບໍ່ຄືກັນກັບການຫັນເປັນທັນສະໄໝຂອງຈີນທັງໝົດ, ຍ້ອນວ່າຈີນບໍ່ເຄີຍສົ່ງອອກຮູບແບບການຫັນເປັນທັນສະໄຫມຂອງຕົນ, ຫາກໄດ້ຍຶດໝັ້ນວ່າ: ແຕ່ລະປະເທດຄວນເປັນເຈົ້າຕົນເອງໃນການຄົ້ນຫາເສັ້ນທາງການຫັນເປັນທັນສະໄຫມທີ່ເຫມາະສົມກັບສະພາບຕົວຈິງຂອງປະເທດຊາດຂອງຕົນ.
(ຂ່າວ: ໜັງສືພິມ ປະຊາຊົນລາຍວັນຂອງຈີນ)