ຂ່າວສານຢຸນນານ·ຈີນ|ການທ່ຽວຫຼິ້ນແບບໃໝ່ຢູ່ແຂວງຢຸນນານໃນ"ວັນທ່ອງທ່ຽວຈີນ 19 ພຶດສະພາ"
ໄປສຳຜັດກັບແບບແຜນຊີວິດແຂວງຢຸນນານຢູ່ບ່ອນທີ່ມີສາຍລົມຜັດມາແບບເຢັນສະບາຍ. ວັນທີ 19 ພຶດສະພາເປັນ “ວັນທ່ອງທ່ຽວຈີນ”, ໃນຖານະເປັນສະຖານທີ່ເຈົ້າພາບຫຼັກຂອງກອງປະຊຸມ, ການທ່ຽວຫຼິ້ນແບບໃໝ່ຕ່າງໆຂອງແຂວງຢຸນນານໄດ້ດຶງດູດຄວາມສົນໃຈຂອງຄົນທັງຫຼາຍ.
“ການທ່ຽວຢຸນນານ 7 ມື້ແບບສຸດຂີດ ສາມາດໄປທ່ຽວຊົມທົ່ວນະຄອນຄຸນໝິງນະຄອນຕ້າຫຼີ, ນະຄອນລີ້ຈ່ຽງ ແລະ ນະຄອນຊັງຣີລາ.” ຫວ່າງມໍ່ໆມານີ້, ມີຊາວເນັດບາງຄົນໄດ້ເຜີຍແຜ່ແຜນການການທ່ອງທ່ຽວ ຢຸນນານຂອງຕົນຢູ່ຕາມສື່ສັງຄົມອອນລາຍ, ໄດ້ໄປທ່ຽວຫຼາຍຕົວເມືອງພາຍໃນເວລາສັ້ນໆ. ເຄືອຂ່າຍຄົມມະນາຄົມທີ່ສະດວກສະບາຍ ແລະ ພື້ນຖານໂຄງລ່າງຕົວເມືອງທີ່ຄົບຖ້ວນສົມບູນເປັນເງື່ອນໄຂເບື້ອງຕົ້ນທີ່ຈໍາເປັນໃນການບັນລຸ “ການທ່ອງທ່ຽວແບບວ່ອງໄວ” ແບບນີ້. ຊາວເນັດຄົນນີ້ກ່າວວ່າ: “ແຂວງຢຸນນານມີຊັບພະຍາກອນດ້ານການທ່ອງທ່ຽວທີ່ອຸດົມສົມບູນຫຼາຍ, ແຕ່ຊັບພະຍາກອນທ່ອງທ່ຽວຕ່າງໆໄດ້ກະແຈກກະຈາຍຢູ່ຫຼາຍຕົວເມືອງ. ໃນປັັດຈຸບັນ,ທາງລົດໄຟຄວາມໄວສູງໄດ້ເຊື່ອມຕໍ່ແຫຼ່ງທ່ອງທ່ຽວຕ່າງໆຢູ່ລຽບຕາມທາງລົດໄຟ, ຈັ່ງແມ່ນສະດວກສະບາຍທີ່ສຸດ.”
ໃນຖານະທີ່ເປັນເຈົ້າພາບຫຼັກຂອງ “ວັນທ່ອງທ່ຽວຈີນ” ປີນີ້, ນະຄອນເທີງຊົງແຂວງຢຸນນານໄດ້ດຶງດູດນັກທ່ອງທ່ຽວເປັນຈຳນວນຫຼວງຫຼາຍດ້ວຍກິດຈະກຳວັດທະນະທຳການທ່ອງທ່ຽວແບບໄວໜຸ່ມ, ການສໍາຜັດແບບລົງເລິກ ແລະ ມີການແລກປ່ຽນກັບນັກທ່ອງທ່ຽວທີ່ດີ. ນາງ ອູຈ່າຊິນທີ່ດໍາລົງຊີວິດຢູ່ນະຄອນຊຽງໄຮ້ໄດ້ມາທ່ຽວນະຄອນເຖິງຊົງ ພາຍໃຕ້ການແນະນໍາຂອງໝູ່ເພື່ອນຢຸນນານ. “ຫຼາຍມື້ທີ່ຜ່ານມານີ້ໄດ້ໄປທ່ຽວຫຼາຍບ່ອນ,ໄດ້ບຳລຸງສຸຂະພາບຢູ່ເຂດບໍ່ນ້ຳອຸ່ນນະຄອນເຖີງຊົງ, ໄດ້ກິນໄຂ່ໄກ່ລາດທີ່ໄດ້ອົບສຸກດ້ວຍບໍ່ນ້ຳອຸ່ນຢູ່ນະຄອນເຖີງຊົງ, ໄດ້ຂີ່ເຮືອຢູ່ເທິງດິມຊຸ່ມເປີຍໄຮ ແລະ ສໍາຜັດກັບວັດທະນະທໍາປະຫວັດສາດຂອງຊາວຈີນຕ່າງດ້າວ ຢູ່ຕາແສງບູຮານເຫີຊຸ້ນ.” ນາງ ອູຈ່າຊິນ ກ່າວອຸທານວ່າ: “ຂ້າພະເຈົ້າໄດ້ພົບເຫັນຊັບສິນທີ່ລໍ້າຄ່າ!”
ໂດຍອີງຕາມແຫຼ່ງ ທ່ອງທ່ຽວທີ່ອຸດົມສົມບູນ ແລະ ການຄົມມະນາຄົມທີ່ສະດວກສະບາຍ, ນັບແຕ່ປີນີ້ເປັນຕົ້ນມາ ການທ່ອງທ່ຽວຂອງແຂວງຢຸນນານໄດ້ຟື້ນຄືນຢ່າງແຂງແຮງ, ຕາມຕົວເລກຈາກພະແນກວັດທະນະທໍາ ແລະ ທ່ອງທ່ຽວແຂວງຢຸນນານໃຫ້ຮູ້ວ່າ, ໃນໄຕມາດທຳອິດປີນີ້, ແຂວງຢຸນານໄດ້ຕ້ອນຮັບນັກທ່ອງທ່ຽວ 285 ລ້ານເທື່ອຄົນ, ເພີ່ມຂຶ້ນ 61,1% ເມື່ອທຽບໃສ່ໄລຍະດຽວກັນຂອງປີກາຍ.
ຂ່າວ: ໜັງສືພິມລາຍວັນຢຸນນານ