ຂ່າວສານຢຸນນານ·ຈີນ|ງານເຊີດສິງໂຕໄດ້ສ່ອງແສງໃຫ້ເຫັນເຖິງມົນສະເໜ່ຂອງຮີດຄອງປະເພນີດັ້ງເດີມ
ວັນທີ 19 ພຶດສະພາ ຜ່ານມາ, ກິດຈະກຳເຈົ້າພາບຫຼັກ “ວັນທ່ອງທ່ຽວຈີນ 19 ພຶດສະພາ” ຄັ້ງທີ 13 ໄດ້ຈັດຂຶ້ນຢູ່ນະຄອນປາວຊານ ທາງພາກຕາເວັນຕົກຂອງແຂວງຢຸນນານ ສປ ຈີນ. ໃນມື້ນັ້ນ, ເມືອງຊືຕ້ຽນນະຄອນປາວຊານໄດ້ຈັດງານເຊີດສິງໂຕຢ່າງອຶກກະທຶກຄຶກຄື້ນ, ທີມເຊີດສິງໂຕໃນທົ່ວເມືອງດັ່ງກ່າວໄດ້ມາເຕົ້າໂຮມກັນຢູ່ໃນເມືອງ ຊຶ່ງໄດ້ສ່ອງແສງໃຫ້ເຫັນເຖິງມົນສະເໜ່ຂອງຮີດຄອງປະເພນີດັ້ງເດີມຢ່າງເຕັມທີ່.
ຕອນບ່າຍສອງໂມງ, ງານເຊີດສິງໂຕຂອງເມືອງ ຊືຕ້ຽນໄດ້ເລີ່ມຂຶ້ນແລ້ວ, ສຽງກອງດັງຂຶ້ນ, ສີມືເຊີດສິງໂຕຂອງທີມເຊີດສິງໂຕຊວນເຟີງເມືອງຊືຕ້ຽນຈັ່ງແມ່ນເກັ່ງຫຼາຍ, ໄດ້ລວມສູນມວຍອູຊູ້, ວິທີການເຕັ້ນ ແລະ ກາຍຍະສິນ, ໂດຍຜ່ານຈາກການຮ່ວມມືຢ່າງແໜ້ນແຟ້ນລະຫວ່າງຫຼາຍຄົນ, ລອກແບບກິລິຍາປະເພດຕ່າງໆຂອງສິງໂຕ ເຊິ່ງໄດ້ຮັບຄວາມນິຍົມຊົມຊອບຈາກຜູ້ຊົມທັງຫຼາຍ. ການສະແດງທາງໜ້າດິນ, ການສະແດງເທິງເສົາສູງ, ການເຕັ້ນ, ການຟ້ອນ ແລະ ລີລາອື່ນໆ ໄດ້ເໝືອນດັ່ງສິງໂຕເປັນ.
ຕາມຂ່າວແຈ້ງວ່າ, ເມືອງຊືຕ້ຽນມີປະເພນີເຊີດສິງໂຕມາແຕ່ລາຊະວົງໝິງ ແລະ ລາຊະວົງຊິງ. ເມື່ອມື້ບຸນ ຫຼື ລະດູເກັບກ່ຽວໝູນວຽນມາເຖິງ, ບ້ານຕ່າງໆໄດ້ມາເຊີດສິງໂຕຮ່ວມກັນ ເພື່ອຂໍອະທິຖານໃຫ້ມີຟ້າຝົນລົມດີແລະ ມີຜົນເກັບກ່ຽວທີ່ດີ.
ຂ່າວ: ໜັງສືພິມລາຍວັນຢຸນນານ