ຂ່າວສານຢຸນນານ·ຈີນ| "ປະຊາຊົນຈີນມີຄວາມຜາສຸກນັບມື້ນັບຫຼາຍຂຶ້ນ"
ຫວ່າງມໍ່ໆມານີ້, ທ່ານ ຈອນມິລິແກນ - ວິດ ປະທານບໍລິຫານ ກອງທຶນການຮ່ວມມື ອາເມຣິກາ-ຈີນ ຂອງອາເມຣິກາ ໄດ້ໃຫ້ສໍາພາດຕໍ່ນັກຂ່າວວ່າ: ຄວາມທັນສະໄໝແບບຈີນ ແມ່ນຄວາມທັນສະໄໝທີ່ ທົ່ວປວງຊົນສ້າງຄວາມຮັ່ງມີຮ່ວມກັນ, ຊຶ່ງໄດ້ສະແດງໃຫ້ເຫັນເຖິງ ແນວຄິດການພັດທະນາທີ່ຖືປະຊາຊົນເປັນໃຈກາງ. ຄວາມທັນສະໄໝແບບຈີນ ໄດ້ກາຍເປັນຊ່ອງທາງການພັດທະນາຂອງມວນມະນຸດທີ່ເປີດປະຕູສູ່ພາຍນອກກວ່າເກົ່າ ແລະ ມີຄວາມໂອບເອື້ອອາລີກວ່າເກົ່າ, ຊຶ່ງໄດ້ສະໜອງທາງເລືອກໃໝ່ໃຫ້ແກ່ການຫັນເປັນທັນສະໄໝຂອງມວນມະນຸດ ແລະ ມີຄວາມໝາຍບໍ່ທໍາມະດາຕໍ່ໂລກ ໂດຍສະເພາະຕໍ່ປະເທດທີ່ກໍາລັງພັດທະນາ.
ທ່ານ ຈອນ ມິລິແກນ - ວິດ ກ່າວຕື່ມວ່າ, ມີນັກຊ່ຽວຊານບາງຄົນເຫັນວ່າ ຄວາມສໍາເລັດຂອງຈີນແມ່ນເປັນແຕ່ຊົ່ວຄາວ, ແຕ່ຄວາມຈິງພັດແມ່ນກົງກັນຂ້າມ. ພັກກອກມູນິດຈີນ ໄດ້ນໍາພາປະຊາຊົນຈີນ ຄົ້ນຄວ້າເສັ້ນທາງການພັດທະນາແບບທັນສະໄໝທີ່ມີເອກະລັກພິເສດຂອງຈີນອອກມາ, ພ້ອມທັງໄດ້ປະສົບຜົນສໍາເລັດອັນຍິ່ງໃຫຍ່, ປະຊາຊົນຈີນຈະມີຄວາມຜາສຸກນັບມື້ນັບຫຼາຍຂຶ້ນ.
ຈີນໄດ້ພະຍາຍາມຢ່າງສຸດຂີດ ເພື່ອບັນລຸຄວາມທັນສະໄໝແບບຈີນ, ພ້ອມທັງໄດ້ຄົ້ນຄວ້າເສັ້ນທາງດັ່ງກ່າວຢ່າງລໍາບາກກາກກໍາ. ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 20 ຂອງພັກກອມມູນິດຈີນ ໄດ້ສະເໜີວ່າ ຈະຊຸກຍູ້ການຟື້ນຟູຄວາມຈະເລີນຮຸ່ງເຮືອງຂອງຊົນຊາດຈີນ ບົນພື້ນຖານການຫັນເປັນທັນສະໄໝຂອງຈີນ. ໃນຄວາມເຫັນຂອງ ທ່ານ ຈອນ ມິລິແກນ - ວິດ, ຈີນບໍ່ໄດ້ລອກແບບຮູບແບບການຫັນເປັນທັນສະໄໝຂອງປະເທດຕາເວັນຕົກ, ຫາກໄດ້ເດີນຕາມເສັ້ນທາງການຫັນເປັນທັນສະໄໝທີ່ແທດເໝາະກັບສະພາບຕົວຈິງຂອງຈີນ. “ຈີນຈະສ້າງຄວາມຜາສຸກໃຫ້ແກ່ທົ່ວໂລກ ໃນຂະນະທີ່ບັນລຸການພັດທະນາຕົນເອງ.”
(ແຫຼ່ງຂ່າວ: ໜັງສືພິມປະຊາຊົນລາຍວັນຂອງຈີນ) ບັນນາທິການ: ວິມົນ