ເປີດພື້ນທີ່ອັນກວ້າງຂວາງໃຫ້ແກ່ການຊຸກຍູ້ຄວາມກ້າວໜ້າຂອງອະລິຍາທໍາມະນຸດ
ພັກກອມມູນິດຈີນ ຊ່າງຖອດຖອນສະຕິປັນຍາ ຈາກວັດທະນະທໍາທີ່ເປັນມູນເຊື້ອທີ່ດີເດັ່ນຂອງຊົນຊາດຈີນ, ກໍາລັງນໍາພາປະຊາຊົນຈີນ ບາກບັ່ນສູ້ຊົນ ເພື່ອສ້າງປະເທດແບບທັນສະໄໝທີ່ເຂັ້ມແຂງ, ມີຄວາມປະດິດສ້າງໃໝ່, ໂອບເອື້ອອາລີ. ພາຍໃຕ້ການນໍາພາຂອງພັກກອມມູນິດຈີນ, ຈີນ ໄດ້ຍຶດໝັ້ນເດີນຕາມເສັ້ນທາງການພັດທະນາໂດຍສັນຕິ, ໃຫ້ຄໍາໝັ້ນສັນຍາວ່າ ຈະບໍ່ເປັນເຈົ້າອຳນາດຕະຫຼອດໄປ, ຈະບໍ່ແຜ່ຂະຫຍາຍອິດທິກຳລັງຕະຫຼອດໄປ, ຈະສະແຫວງຫາການພັດທະນາ, ປົກປັກຮັກສາສັນຕິພາບ ແລະ ການພັດທະນາຂອງໂລກຢ່າງໜັກແໜ້ນ, ປົກປັກຮັກສາສັນຕິພາບ ແລະ ການພັດທະນາຂອງໂລກ ໃຫ້ດີກວ່າເກົ່າ ດ້ວຍການພັດທະນາຂອງຕົນ ຊຶ່ງໄດ້ເປີດເສັ້ນທາງໃໝ່ແຫ່ງການຫັນເປັນທັນສະໄໝ.
ຄວາມທັນສະໄໝແບບຈີນ ໄດ້ສ້າງຮູບແບບໃໝ່ຂອງອະລິຍາທໍາມະນຸດ, ໄດ້ເປີດພື້ນທີ່ອັນກວ້າງຂວາງ ໃຫ້ແກ່ການຊຸກຍູ້ຄວາມກ້າວໜ້າຂອງອະລິຍາທໍາມະນຸດ. ຈີນສະເໜີຂໍ້ລິເລີ່ມທີ່ຮ່ວມກັນກໍ່ສ້າງ “ໜຶ່ງແລວ ໜຶ່ງເສັ້ນທາງ”, ຂໍ້ລິເລີ່ມວ່າດ້ວຍການພັດທະນາທົ່ວໂລກ, ຂໍ້ລິເລີ່ມວ່າດ້ວຍຄວາມໝັ້ນຄົງທົ່ວໂລກ, ສຸມໃສ່ສົ່ງເສີມການພັດທະນາ ແລະ ສັນຕິພາບຂອງໂລກ. ເດືອນມີນາຂອງປີນີ້, ທ່ານ ສີຈິ້ນຜິງ ປະທານປະເທດຈີນ ໄດ້ສະເໜີຂໍ້ລິເລີ່ມ ວ່າດ້ວຍອະລິຍາທໍາທົ່ວໂລກ. ນີ້ແມ່ນຜະລິດຕະພັນສາທາລະນະອັນສຳຄັນອີກປະການໜຶ່ງທີ່ຈີນສະໜອງໃຫ້ແກ່ປະຊາຄົມໂລກ. ຂໍ້ລິເລີ່ມດັ່ງກ່າວ ບໍ່ພຽງແຕ່ມີຄວາມສໍາຄັນໃນການຊຸກຍູ້ການຖອດຖອນແລກປ່ຽນອະລິຍາທໍາທີ່ແຕກຕ່າງກັນ, ຍັງມີຜົນດີຕໍ່ການຊຸກຍູ້ຄວາມໝັ້ນຄົງ ແລະ ສະຖຽນລະພາບຂອງໂລກ. ແຕ່ລະປະເທດຍຶດໝັ້ນໃຫ້ເຂົ້າໃຈເຊິ່ງກັນ ແລະ ກັນ, ເຄົາລົບນັບຖືເຊິ່ງກັນ ແລະ ກັນ, ເພີ່ມທະວີການແລກປ່ຽນດ້ານອະລິຍາທໍາບົນພື້ນຖານຄວາມສະເໝີພາບ ແລະ ໂອບເອື້ອອາລີ, ມີຜົນດີຕໍ່ການສ້າງລະບຽບການສາກົນທີ່ທ່ຽງທໍາ ແລະ ສົມເຫດສົມຜົນຫຼາຍກວ່າເກົ່າ, ເສີມສ້າງສະພາບແວດລ້ອມສາກົນທີ່ໝັ້ນຄົງ ແລະ ເປັນລະບຽບ.
ແຫຼ່ງຂ່າວ: ເວັບໄຊຂ່າວສານຈີນ, ຂຽນໂດຍ: ທ່ານ ເຊເມີ ມຳມາດອຟ ຫົວໜ້າສູນຄົ້ນຄວ້າບັນຫາສາກົນ “ສັງເກດເອີຣົບ” ຂອງປະເທດອາເຊັກໄບຊານ