ຂ່າວສານຢຸນນານ·ຈີນ| ມາຢຸນນານ ແລະ ຈຸ່ມຕົວລົງໃນ ມົນສະເໜ່ຂອງວັດທະນະທໍາ
ຂ້ອຍຊື່ Constance VanHorne, ຊື່ຈີນແມ່ນ ຮວງຄຸນວິນ. ຂ້າພະເຈົ້າມາຈາກການາດາ, ແລະຕອນນີ້ເປັນຄູສອນຢູ່ວິທະຍາໄລເຕັກໂນໂລຊີອິດສະລາແອນນະຄອນຊ້ານໂຖແຂວງກວາງຕຸ້ງຈີນ ຫຼື “GTIIT”.
ໃນເດືອນມັງກອນປີນີ້, ຂ້າພະເຈົ້າ ໄດ້ເຫັນພາບດອກຊະກຸຣະເບັ່ງບານຢູ່ຕາມພູຊານະຄອນພູເອີແຂວງຢຸນນານຢ່າງສວຍງາມໃນ Twitter, ແລະ ທັນໃດນັ້ນຂ້າພະເຈົ້າກໍມີຄວາມສົນໃຈຢາກເດີນທາງໄປທ່ຽວແຂວງຢຸນນານ ແລະ ໄດ້ຕັດສິນໃຈວ່າຈະເດີນທາງໄປທ່ຽວແຂວງຢຸນນານໃນຍາມພັກບຸນກຸດຈີນ.
ຕົວເມືອງແຫ່ງທໍາອິດທີ່ຂ້າພະເຈົ້າໄປທ່ຽວແມ່ນນະຄອນຄຸນໝິງ ເທດສະບານແຂວງຢຸນນານ. ຢູ່ທີ່ນີ້, ຂ້າພະເຈົ້າໄດ້ຊີມຈຸມເຫັດປ່າ, ຈັ່ງແມ່ນແຊບອີ່ຫຼີ ຊຶ່ງເປັນຄັ້ງທໍາອິດທີ່ຂ້າພະເຈົ້າໄດ້ເຫັນເຫັດປ່າ ແລະ ຜັກປ່າຫຼາກຫຼາຍຊະນິດ, ແລະ ໃນທີ່ສຸດຂ້າພະເຈົ້າກໍເຂົ້າໃຈວ່າເປັນຫຍັງຄົນຢຸນນານມັກເວົ້າວ່າເຫັດປ່າເປັນຂອງຂວັນທໍາມະຊາດ.
ຕົວເມືອງແຫ່ງທີສອງທີ່ຂ້າພະເຈົ້າໄປທ່ຽວແມ່ນນະຄອນລີ້ຈ່ຽງ. ດິນຈີ່ທຸກກ້ອນ ແລະ ກະເບື້ອງທຸກແຜ່ນຂອງເມືອງບູຮານລີ້ຈ່ຽງ ລ້ວນແຕ່ໄດ້ເລົ່າເລື່ອງລາວໃນປະຫວັດສາດ, ທ້ອງຟ້າຢູ່ແຫ່ງນີ້ປອດໂປ່ງສົດໃສ ແລະ ດອກໄມ້ກໍສວຍສົດງົດງາມ. ຕໍ່ມາ, ຂ້າພະເຈົ້າໄດ້ໄປທ່ຽວໜອງລູກູຫູ, ປັດຈຸບັນນີ້, ປະຊາຊົນເຜົ່າໂມຊໍທ້ອງຖິ່ນຍັງໄດ້ຮັກສາຮີດຄອງປະເພນີ ສັງຄົມທີ່ດຳລົງຊີວິດຕາມເຊື້ອສາຍທາງແມ່, ດັ່ງນັ້ນບ່ອນນີ້ຈຶ່ງຖືກຂະໜາມເປັນ "ໂລກແຫ່ງຜູ້ຍິງ". ນໍ້າໃນໜອງສົດໃສດີ, ນົກນາງນວນບິນຟ້ອນຕາມເຮືອໃນທ່າມກາງສາຍລົມ ແລະ ດວງຕາເວັນເປັ່ງປະກາຍລັດສະໝີຢູ່ຕາມຫນ້ານໍ້າ. ຂ້າພະເຈົ້າອົດບໍ່ໄດ້ຢາກຊີມລົດຊາດຂອງນ້ຳໃນໜອງ, ຈັ່ງແມ່ນຫວານຊື່ນດີ.
ຈຸດໝາຍປາຍທາງສຸດທ້າຍຂອງຂ້າພະເຈົ້າແມ່ນເມືອງບູຮານດູເຄີ້ຈົ່ງນະຄອນຊຽງເກີຣີລາ, ສະເລ່ຍແລ້ວ ລະດັບສູງຈາກໜ້ານໍ້າທະເລຢູ່ທີ່ນີ້ມີເຖິງ3000 ກວ່າແມັດ. ຢູ່ໃນຮ້ານກາເຟທີ່ມີເອກະລັກຊົນເຜົ່າແຫ່ງໜຶ່ງ, ເຈົ້າຂອງຮ້ານໄດ້ຕ້ອນຮັບຂ້າພະເຈົ້າດ້ວຍຊາເນີຍທີ່ແຊບຊ້ອຍຖ້ວຍໜຶ່ງຢ່າງອົບອຸ່ນ. ທັງຟັງເພງທັງດື່ມຊາເນີຍ, ຂ້າພະເຈົ້າຮູ້ສຶກວ່າໄດ້ກັບຄືນສູ່ເວລາພັກຜ່ອນຢ່ອນອາລົມຢູ່ແຄມຝັ່ງຕາເວັນຕົກຂອງເກາະແວນຄູເວີ.
"ຢຸນນານແຫ່ງມົນສະເໜ່" ຈັ່ງແມ່ນມີຊື່ສຽງໂດ່ງດັງ ແລະ ເຮັດໃຫ້ຂ້າພະເຈົ້າຮູ້ສຶກລືມຍາກ. ໃນອະນາຄົດອັນໃກ້ໆນີ້, ຂ້າພະເຈົ້າຍັງຈະມາຢ້ຽມຢາມແຜ່ນດິນທີ່ໜ້າອັດສະຈັນແຫ່ງນີ້ອີກ.
(ຂ່າວ: ໜັງສືພິມລາຍວັນຢຸນນານ)