ແຫ່ງນີ້ມີພູຜາ ແລະ ແມ່ນໍ້າທີ່ສວຍງາມ ແລະ ອາກາດທີ່ເຢັນສະບາຍ
ທ້າວໄຄຣອດ ກຣິສະນະ ທີ່ມາຈາກປະເທດໄທກ່າວວ່າ: “ນີ້ແມ່ນຂ້າພະເຈົ້າມາທ່ຽວນະຄອນຊັງຣີລາເປັນຄັ້ງທຳອິດ, ຂ້າພະເຈົ້າຮູ້ສຶກປະຫຼາດໃຈທີ່ວ່າ, ຊີວິດຂອງປະຊາຊົນແຫ່ງນີ້ໃກ້ຊິດກັບທຳມະຊາດແທ້ໆ. ຢູ່ສວນອຸທິຍານແຫ່ງຊາດຜູຕາຊົ້ວ, ຂ້ອຍຮູ້ສຶກຕື່ນເຕັ້ນດີໃຈ ທີ່ໄດ້ເຫັນພົມພືດທີ່ມີເອກະລັກພິດເສດ, ງົວຄວາຍທີ່ປ່ອຍລ້ຽງຕາມປ່າ ແລະ ນົກທີ່ບິນເຈີດຢູ່ເທິງທ້ອງຟ້າ.” ທ້າວໄຄຣອດເຕີບໃຫຍ່ຢູ່ເກາະພູເກັດປະເທດໄທ, ສິ່ງແວດລ້ອມການດຳລົງຊີວິດເທິງເກາະທະເລທີ່ເປັນລະດູຮ້ອນຕະຫຼອດປີ ມີຄວາມແຕກຕ່າງກັບສິ່ງແວດລ້ອມທຳມະຊາດນະຄອນຊັງຣີລາຂອງແຂວງຢຸນນານຫຼາຍ.
ຫວ່າງມໍ່ໆມານີ້, ຜູ້ແທນຊາວໜຸ່ມຈາກ 11 ປະເທດ ເຊັ່ນ: ຈີນ, ໄທ, ລາວ ແລະ ມຽນມາເປັນຕົ້ນ ໄດ້ໄປສຳຜັດກັບມູນເຊື້ອວັດທະນະທຳທີ່ມີຫຼາກຫຼາຍສີສັນຂອງເຜົ່າຈ້າງ(ຕິເບດ) ຢູ່ນະຄອນຊັງຣີລາກິ່ງແຂວງຕີຊິ້ງແຂວງຢຸນນານຈີນ ພ້ອມທັງໄດ້ໄປຢ້ຽມຊົມທິວທັດທຳມະຊາດທີ່ສວຍສົດງົດງາມຂອງທ້ອງຖິ່ນ.
ນາງປັບຕິສຕາ ລອຍໂອລາ ເມີເຊຍ ທີ່ມາຈາກກາເປ ເວີເດີ ມັກໄປທ່ອງທ່ຽວຫຼາຍ, ໃນໄລຍະທີ່ຮ່ຳຮຽນ ແລະ ດຳລົງຊີວິດຢູ່ຈີນເປັນເວລາປີປາຍ, ນາງເຄີຍໄປທ່ຽວນະຄອນຫຼວງປັກກິ່ງ, ນະຄອນທ່ຽນສິນ ແລະ ນະຄອນກວາງໂຈ່ວ, ເທື່ອນີ້ສາມາດເດີນທາງມາທ່ຽວແຂວງຢຸນນານ, ນາງຮູ້ສຶກຕື່ນເຕັ້ນທີ່ສຸດ. ນາງເວົ້າວ່າ: “ທຸກແຫ່ງຫົນຂອງນະຄອນຊັງຣີລາລ້ວນແຕ່ເປັນສີຂຽວໝົດ, ພູຜາ ແລະແມ່ນ້ຳງາມຫຼາຍ, ອາກາດກໍເຢັນສະບາຍ ຊຶ່ງຕ່າງກັນກັບບັນຍາກາດໃນຕົວເມືອງໃຫຍ່ຫຼາຍ, ເຮືອນຊານເຜົ່າຈ້າງຢູ່ຕາມທົ່ງຫຍ້າເທິງພູສູງ ໄດ້ສ່ອງແສງໃຫ້ເຫັນເຖິງສະພາບທີ່ຄົນແລະ ທຳມະຊາດຢູ່ຮ່ວມກັນຢ່າງກົມກຽວກັນ.
ເວົ້າສຳລັບນາງວົງແສງຈັນສຸດາພອນ ທີ່ມາຈາກປະເທດລາວແລ້ວ, ເຖິງແມ່ນວ່ານາງໄດ້ເດີນທາງມາເຖິງນະຄອນຊັງຣີລາເປັນຄັ້ງທີ 2 ແລ້ວກໍຕາມ, ແຕ່ທຸກມື້, ນາງກໍມີປະສົບການໃໝ່ອ່ຽມ. ນາງເວົ້າວ່າ: “ບ້ານຂ້າພະເຈົ້າຢູ່ນະຄອນຫຼວງວຽງຈັນ, ປັດຈຸບັນ, ມີນັກທ່ອງທ່ຽວລາວຫຼາຍຄົນມັກຂີ່ລົດໄຟຕາມທາງລົດໄຟລາວ-ຈີນ ມາທ່ຽວແຂວງຢຸນນານ. ໃນອະນາຄົດ, ຂ້າພະເຈົ້າກໍຫວັງວ່າ, ຈະສາມາດຂີ່ລົດໄຟມາຢ້ຽມຢາມທ້ອງຖິ່ນຕ່າງໆຂອງແຂວງຢຸນນານໃຫ້ຫຼາຍກວ່າເກົ່າ ເພື່ອສຳຜັດກັບຊີວິດທີ່ມີເອກະລັກພິເສດຂອງແຂວງຢຸນນານ.”
(ແຫຼ່ງຂ່າວ: ໜັງສືພິມລາຍວັນຢຸນນານ)