ການຂຸດຄົ້ນສະຖານທີ່ບູຮານທະນີຄົນ ຢວນໂມວ ຄັ້ງທີ 6 ໄດ້ເລີ່ມຕົ້ນ
ວັນທີ 21 ກໍລະກົດຜ່ານມາ, ການຂຸດຄົ້ນສະຖານທີ່ບູຮານທະນີຄົນ ຢວນໂມວ ຄັ້ງທີ 6 ທີ່ເມືອງຢວນໂມວແຂວງຢຸນນານໄດ້ເລີ່ມຂຶ້ນຢ່າງເປັນທາງການ, ນັກຄົ້ນຄວ້າວິທະຍາສາດ 80 ກວ່າທ່ານຈະດໍາເນີນການຄົ້ນຄວ້າຢູ່ສະຖານທີ່ບູຮານ ແລະ ບໍລິເວນອ້ອມຂ້າງກ່ຽວກັບຂົງເຂດຕ່າງໆເຊັ່ນ: ມະນຸດບູຮານສາດ, ຊີວະບູຮານສາດ, ສະໄໝສາດ, ສິ່ງແວດລ້ອມບູຮານຄະດີສາດ ເພື່ອຄົ້ນຄວ້າຄວາມລັບທີ່ຍັງບໍ່ທັນຄົ້ນພົບຂອງ “ບ້ານເກີດມະນຸດພາກຕາເວັນຕົກ”.
ນັບແຕ່ຄົ້ນພົບທະນີຄົນຢວນໂມວ ເປັນຄັ້ງທໍາອິດ ໃນປີ 1965 ເປັນຕົ້ນມາ, ມາຮອດປັດຈຸບັນນີ້ ໃນເຂດສະຫງວນສະຖານທີ່ບູຮານ ທະນີຄົນ ຢວນໂມວ ໄດ້ດໍາເນີນການຄົ້ນຄວ້າ 5 ຄັ້ງ ຊຶ່ງໄດ້ຮັບໝາກຜົນການຄົ້ນຄວ້າຢ່າງຫຼວງຫຼາຍ, ທັງໄດ້ເຮັດໃຫ້ປະຫວັດສາດຂອງມະນຸດໃນສະໄໝດຶກດຳບັນຂອງຈີນ ນັບຖອຍຫຼັງສູ່ສະໄໝທີ່ຫ່າງຈາກປັດຈຸບັນນີ້ 1,7 ລ້ານປີກ່ອນ.
ຕາມຂ່າວລາຍງານວ່າ,ວຽກງານການຂຸດຄົ້ນສະຖານທີ່ບູຮານເທື່ອນີ້ ຈະດໍາເນີນໄປ ຮອດທ້າຍປີ 2027.
ແຫຼ່ງຂ່າວ: ໜັງສືພິມລາຍວັນຢຸນນານ, ສໍານັກຂ່າວຊິນຮວາ