ຫາຍາກ! ເຫັດຫວາຍແຂວງຢຸນນານດອກໜຶ່ງ ຂາຍໄດ້ລາຄາ 2500 ໂດລາ

ທີ່ສູນການຄ້າຂາຍເຫັດປ່າ ຊຸຍມູ້ຮວາຢຸນນານທີ່ນະຄອນຄຸນໝິງ, ຢູ່ຕໍ່ໜ້າຮ້ານຂາຍເຫັດຫວາຍສະເພາະຮ້ານໜຶ່ງ ໄດ້ຈັດວາງຂາຍເຫັດຫວາຍສົດຕາມລະດັບຄຸນນະພາບ ເຕັມຢູ່ໃນກະຕ່າໃສ່ເຫັດ.

ນາງ ເສີງ ເຈົ້າຂອງຮ້ານ ກ່າວວ່າ: ມື້ວານນີ້ໄດ້ຮັບເຫັດຫວາຍໃຫຍ່ 2 ດອກ, ໃນນັ້ນມີດອກໜຶ່ງ ມີນໍ້າໜັກ 866g, ມີເສັ້ນຜ່າກາງ 30 ກວ່າ ຊັງຕີແມັດ, ຮາກຂອງມັນໃຫຍ່ສໍ່າແຂນຂອງເດັນນ້ອຍ, ຊຶ່ງຂາຍໄດ້ລາຄາ 18800 ຢວນ (ປະມານ 2500 ໂດລາ). ນາງ ເສີງ ກ່າວຕື່ມວ່າ ເຫັດຫວາຍນີ້ຫາກໍ່ມາຮອດຄຸນໝິງກໍມີຄົນສັ່ງຈອງໄວ້ແລ້ວ, ເຮັດການຄ້າຂາຍເຫັດປ່າໄດ້ຫຼາຍປີມານີ້, ລາວກໍ່ເຄີຍພົບເຫັນເຫັດຫວາຍມາຫຼາຍແລ້ວ, ແຕ່ວ່າເຫັດຫວາຍທີ່ມີດອກໃຫຍ່ປານນີ້ ແມ່ນເທື່ອທຳອິດ, ດອກເຫັດຍັງບໍ່ທັນບານອອກ, ເປັນເຫັດທີ່ມີຄຸນນະພາບດີທີ່ສຸດທີ່ບໍ່ເຄີຍເຫັນມາກ່ອນ.

ຕາມການແນະນໍາຂອງຜູ້ອໍານວຍການໃຫຍ່ໃຫ້ຮູ້ວ່າ, ປັດຈຸບັນນີ້ ເປັນໄລຍະການຄ້າຂາຍເຫັດປ່າຫຼາຍທີ່ສຸດ, ແຕ່ລະມື້ໃນຕະຫຼາດ ຊຸຍມູ້ຮວາ ຈະມີຫ້າງຮ້ານ 1200 ກວ່າຮ້ານ ຈຳໜ່າຍມີເຫັດປ່າ 266 ຊະນິດ ຄ້າຂາຍຢູ່ທີ່ນີ້, ປະລິມານເຫັດປ່າເຂົ້າສູ່ຕະຫຼາດ ເມື່ອທຽບກັບ ປີຜ່ານມາ ແລ້ວ ເທົ່າກັບປີກ່ອນ, ຊຶ່ງຢູ່ໃນໄລຍະສູງສຸດຂອງການຊື້ຂາຍ.
ແຫຼ່ງຂ່າວ: ໜັງສືພິມຕົວເມືອງ, ຂໍ້ມູນຂ່າວສານຄຸນໝິງ