ບັນດາສະໜາມກິລາທີ່ຈັດງານກິລາເອຊຽນເກມຮາງໂຈ່ວຄ່ອຍໆເປີດໃຫ້ປະຊາຊົນເຂົ້າໃຊ້ການບໍລິການ

ນັບແຕ່ເດືອນພຶດສະພາປີ 2022 ເປັນຕົ້ນມາ ບັນດາສະໜາມກິລາທີ່ຈັດງານກິລາເອຊຽນເກມຮາງໂຈ່ວໄດ້ຄ່ອຍໆເປີດໃຫ້ປະຊາຊົນເຂົ້າໃຊ້ບໍລິການ, ມາຮອດປັດຈຸບັນນີ້ ໄດ້ຕ້ອນຮັບປະຊາຊົນຫຼາຍກວ່າ 10 ລ້ານເທື່ອຄົນ.

ຕາມຂ່າວແຈ້ງໃຫ້ຮູ້ວ່າ: ຫຼັງຈາກງານກິລາເອຊຽນເກມສິ້ນສຸດລົງ, ໃນຖານະເປັນພື້ນຖານໂຄງລ່າງທີ່ສຳຄັນໃຫ້ປະຊາຊົນອອກກຳລັງກາຍ, ສະໜາມກິລາສະໝັກຫຼິ້ນຈະເປີດໃຫ້ໃຊ້ບໍລິການໂດຍບໍ່ເສຍຄ່າ ຫຼືໃນລາຄາຕ່ຳ; ສະໜາມກິລາສະເພາະມືອາຊີບຈະກາຍເປັນບ່ອນເຝິກແອບຂອງນັກກິລາອາຊີບ. ນອກນີ້, ສະໜາມກິລາສອງປະເພດນີ້ຍັງມີແຜນການຈະຈັດການແຂ່ງຂັນກິລາ, ກິດຈະກຳວັດທະນະທຳ, ງານວາງສະແດງ ແລະອື່ນໆ, ເພື່ອເສີມຂະຫຍາຍບົດບາດຂອງສະໜາມກິລາໃຫ້ຫຼາຍເທົ່າທີ່ຈະຫຼາຍໄດ້.