ສໍາຜັດກັບ “ວິຖີຊີວິດຢຸນນານ” ໃນງານວາງສະແດງສິນຄ້າ ຈີນ-ອາຊີໃຕ້
ໃນງານວາງສະແດງສິນຄ້າ ຈີນ-ອາຊີ ໃຕ້ຄັ້ງທີ 7 ທີ່ຫາກໍສິ້ນສຸດລົງເມື່ອມໍ່ໆມານີ້, ຫໍວາງສະແດງວັດທະນະທຳ ແລະ ທ່ອງທ່ຽວເປັນຫໍວາງສະແດງທີ່ມ່ວນຊື່ນ, ມີອາຫານແຊບຊ້ອຍ ແລະ ຄຶກຄື້ນທີ່ສຸດ. ຢູ່ທີ່ນີ້, ທ່ານສາມາດສຳຜັດກັບ “ວິຖີຊີວິດຢຸນນານ”.
ຫໍວາງສະແດງວັດທະນະທຳ ແລະ ທ່ອງທ່ຽວໃນປີນີ້ໄດ້ສ້າງຂຶ້ນ ໂດຍປິ່ນອ້ອມຫົວຂໍ້ “ວິຖີຊີວິດຢຸນນານ” ໂດຍມີຫໍວາງສະແດງເປີດສາກ, ເຂດວາງສະແດງໂຄງການມໍລະດົກວັດທະນະທຳນາມມະທຳ, ເຂດວາງສະແດງໂຄມໄຟຢຸນນານ
ແລະ ງິ້ວຢຸນນານ, ເຂດວາງສະແດງການທ່ອງທ່ຽວແບບອັດສະລິຍະ, ເຂດວາງສະແດງຮູບຊົງວັດທະນະທຳ ແລະ ທ່ອງທ່ຽວກິ່ງແຂວງ ແລະ ນະຄອນ, ເຂດວາງສະແດງວິສາຫະກິດວັດທະນະທຳ ແລະ ທ່ອງທ່ຽວ, ເຂດວາງສະແດງສື່ມວນຊົນ ແລະ ເຂດວາງສະແດງ ແລະ ຈຳໜ່າຍສິນຄ້າວັດທະນະທຳແລະ ທ່ອງທ່ຽວເປັນຕົ້ນ.
ຢູ່ທີ່ນີ້, ການກິນເຂົ້າດ້ວຍມືຂອງເຜົ່າລື້, ໝາກໂປ້ມຈ່າວທົ່ງທີ່ຫວານດີ ແລະ ໝາກກີວີທີ່ມີທາດໂປຣຕິນທີ່ອຸດົມສົມບູນ; ດື່ມກາເຟພູເອີທີ່ຫອມຫວນ ແລະ ຊາຊານຕ້າວເຜົ່າປ໋າຍຕ້າຫຼີ; ຢູ່ຢຸນນານ, ມີລາຍການຟ້ອນລຳທຳເພງທີ່ເປັນເອກະລັກພິເສດຂອງຊົນເຜົ່າສ່ວນໜ້ອຍ, ມີຜະລິດຕະພັນປະດິດສ້າງໃໝ່ດ້ານວັດທະນະທຳນາມມະທຳທີ່ອຸດົມສົມບູນ, ມີງິ້ວໂຄມໄຟ ແລະ ງິ້ວຢຸນນານ; ທ່ານສາມາດໄປຊອກຮູ້ແບບແຜນຊີວິດທີ່ມີຫຼາກຫຼາຍສີສັນໃນການເຂົ້າຊົມຫໍວາງສະແດງຕ່າງໆ ເພື່ອສຳຜັດກັບຄວາມມີສະເໜ່ຂອງແຂວງຢຸນນານ.
ທີ່ຈິງແລ້ວ, “ວິຖີຊີວິດຢຸນນານ” ໄດ້ມີຢູ່ທຸກແຫ່ງຫົນໃນງານວາງສະແດງຄັ້ງນີ້, ທ່ານສາມາດຊອກຮູ້ປັດໄຈ “ຊັບພະຍາກອນຢຸນນານ” ໃນຫໍວາງສະແດງຊັບພະຍາກອນ ແລະ ເສດຖະກິດ; ທ່ານສາມາດຄົ້ນຫາປັດໄຈ “ວິທະຍາສາດເຕັກໂນໂລຊີຢຸນນານ” ໃນຫໍວາງສະແດງອຸດສາຫະກຳການຜະລິດທີ່ທັນສະໄໝ; ໄປພົບກັບປັດໄຈ “ສິນຄ້າສະເພາະແຂວງຢຸນນານ” ໃນຫໍວາງສະແດງກະສິກຳທັນສະໄໝທີ່ມີເອກະລັກພິເສດເທິງພູພຽງ; ໄປຊອກຮູ້ປັດໄຈ “ບຳລຸງສຸຂະພາບຢຸນນານ” ຢູ່ຫໍວາງສະແດງແພດຊີວະສາດ ແລະ ສຸຂະພາບເຫຼົ່ານີ້ເປັນຕົ້ນ, ຊຶ່ງລ້ວນແລ້ວແຕ່ໄດ້ສ່ອງແສງໃຫ້ເຫັນເຖິງ “ວິຖີຊີວິດຢຸນນານ”.
(ແຫຼ່ງຂ່າວ: ໜັງສືພິມລາຍວັນຢຸນນານ)