ຊາບູຮານຈິງມ້າຍໜຶ່ງຈອກ ເປັນສັກຂີພິຍານໃຫ້ແກ່ການຢູ່ຮ່ວມກັນຢ່າງກົມກຽວ ລະຫວ່າງຄົນກັບທຳມະຊາດ

ແຂວງຢຸນນານແມ່ນແຫຼ່ງຜະລິດໃບຊາຂອງໂລກ, ນະຄອນພູເອີແມ່ນໃຈກາງແຫຼ່ງຜະລິດຊາແຫ່ງໜຶ່ງຂອງແຂວງຢຸນນານ. ແຫຼ່ງທີ່ມາຂອງຊາໂລກ, ບ້ານເກີດຂອງຊາພູເອີ, ມີຕົ້ນກໍາເນີດຈາກເສັ້ນທາງບູຮານມ້າຊາ. ຕົວເມືອງນະຄອນພູເອີແຫ່ງນີ້ ມີກິ່ນອາຍ ແລະ ລົດຊາດຊາພູເອີທີ່ສະສົມມາແຕ່ບູຮານ.

ເມື່ອເວົ້າເຖິງຊາພູເອີກໍຕ້ອງໄດ້ເວົ້າຮອດພູຈິ້ງມາຍ (the Jingmai Mountain), ​ເຊິ່ງ ພູຈິງມ້າຍ ຕັ້ງຢູ່ເມືອງລ້ານຊ້າງ ນະຄອນພູເອີຂອງ ແຂວງຢຸນນານ, ນີ້ແມ່ນໜຶ່ງໃນ 6 ພູຊາໃຫຍ່ຂອງປະເທດຈີນ, ທັງເປັນພູຊາບູຮານແຫ່ງໜຶ່ງ ທີ່ເປັນສັນຍາລັກທີ່ສຸດ ຂອງ ເຂດຊາພູເອີແຂວງຢຸນນານ. ປ່າຊາບູຮານພູຈິງມ້າຍ ແມ່ນປ່າຊາບູຮານ ທີ່ມີປະຫວັດສາດການປູກຂຶ້ນໃໝ່ດົນນານທີ່ສຸດ ແລະ ສາມາດຮັກສາໄວ້ໄດ້ດີທີ່ສຸດ ຂອງໂລກໃນປັດຈຸບັນ, ເຊິ່ງໄດ້ຖືກຂະໜານນາມວ່າ “ຫໍພິພິຕະພັນຕົ້ນຊາທຳມະຊາດ”.

ໃນໄລຍະພັນກວ່າປີມານີ້, ບັນພະບູລິດ ຂອງ ເຜົ່າປູ້ລາງ, ເຜົ່າລື້ ແລະ ຊົນເຜົ່າອື່ນໆ ຕ່າງກໍໄດ້ພົບເຫັນສວນຊາບູຮານແຫ່ງນີ້ ແລະ ທົດລອງປູກຢູ່ນີ້ເປັນພື້ນທີ່ໃຫຍ່, ເຮັດໃຫ້ເຮືອນຊົນເຜົ່າກໍນັບມື້ຄ່ອຍໆຂະຫຍາຍຕົວຂຶ້ນ. ອີງຕາມການຂຸດຄົ້ນເຫັນວ່າ, ການປູກຊາຢູ່ເຂດພູຈິງມ້າຍ ມີປະຫວັດສາດເກືອບ 2000 ປີແລ້ວ. ສວນຊາບູຮານທັງໝົດນີ້ ກວມເອົາເນື້ອທີ່ 28.000 ກວ່າມູ້, ອາຍຸຕົ້ນຊາບູຮານຈຳນວນຫຼາຍກໍ່ມີອາຍຸຫຼາຍຮ້ອຍປີແລ້ວ.

ການສ້າງເຮືອນຊົນເຜົ່າຢູ່ກາງປ່າ ແລະ ປູກຕົ້ນຊາຢູ່ອ້ອມເຮືອນຊົນເຜົ່າ. ພູຈິງມ້າຍໄດ້ສືບທອດມູນເຊື້ອການປູກຕົ້ນຊາກາງປ່າ ໄດ້ສືບທອດມາເປັນພັນປີແລ້ວ, ເຊິ່ງບໍ່ພຽງແຕ່ໄດ້ປົກປັກຮັກສາຄວາມຫຼາກຫຼາຍທາງຊີວະນານາພັນໄດ້ຢ່າງມີປະສິດທິຜົນແລ້ວ, ຍັງໄດ້ເຮັດໃຫ້ຄວາມຝັນຂອງການສ້າງຄວາມຮັ່ງມີຂອງປະຊາຊົນໄດ້ເພີ່ມຂຶ້ນ. ການເດັດເກັບໃບຊາ ຈະດຳເນີນໄປໃນລະດູໃບໄມ້ປົ່ງ ແລະ ລະດູໃບໄມ້ຫຼົ່ນ 2 ລະດູເທົ່ານັ້ນ, ປະຊາຊົນຢູ່ເຂດນີ້ ໄດ້ຮ່ວມກັນຮັກສາລະບຽບການເດັດເກັບຊາບູຮານມາຈົນຮອດທຸກມື້ນີ້. ອັນສຳຄັນກວ່ານັ້ນກໍ່ແມ່ນ, ປະຊາຊົນຢູ່ເທິງພູຈິງມ້າຍ ນັບແຕ່ໃດມາກໍ່ໄດ້ຮັກສາວິທີການປູກຊາຂອງບັນພະບູລຸດຂອງຕົນມາໂດຍຕະຫຼອດ: ໃຊ້ມື ຫຼື ໃຊ້ກ່ຽວ ຫຼົກຫຍ້າຕັດຫຍ້າ, ພ້ອມທັງປູກຕົ້ນໂລງເລງກາງປ່າຊາເພື່ອໄລ່ແມງໄມ້, ຫຼືລ້ຽງແມງໄມ້ເພື່ອກິນສັດຕູພືດ, ບໍ່ໃຊ້ຢາເຄມີ...ຮູບແບບການຄູ້ມຄອງການປູກທີ່ເປັນມິດກັບທຳມະຊາດ ແລະ ສີຂຽວຊຸດໜຶ່ງ, ຮັກສາໃຫ້ປ່າຊາບູຮານທີ່ຢູ່ເສັ້ນແວງເໜືອຕອນນີ້ ໄດ້ມີຄວາມຈະເລີນຮຸ່ງເຮືອງຂຶ້ນເລື້ອຍໆ.

ພູຜາຫຼໍ່ລ້ຽງຕົ້ນຊາ, ຊາຫຼໍ່ລ້ຽງຄົນ, ຄົນປົກປັກຮັກສາພູ. ຊາບູຮານຈິງມ້າຍໜຶ່ງຈອກ ເປັນສັກຂີພິຍານໃຫ້ແກ່ການຢູ່ຮ່ວມກັນຢ່າງກົມກຽວປອງດອງ ລະຫວ່າງ ຄົນ ກັບທຳມະຊາດ.

ແຫຼ່ງຂ່າວ: ເວັບໄຊຢຸນນນານ