ນັກກິລາແຂວງຢູນນານຄວ້າໄດ້ 5 ຫຼຽນຄໍາ , 4 ຫຼຽນເງິນ ແລະ 1 ຫຼຽນທອງ

ຕອນຄໍ່າວັນທີ 8 ຕຸລາຜ່ານມາ, ງານກິລາເອຊຽນເກມ ຄັ້ງທີ 19 ທີ່ຈັດຂຶ້ນຢູ່ນະຄອນຫາງໂຈ່ວໄດ້ອັດລົງຢ່າງຈົບລາມ. ນັກກິລາແຂວງຢູນນານຄວ້າໄດ້ຫຼຽນຄໍາ 5 ຫຼຽນ, ຫຼຽນເງິນ 4 ຫຼຽນ ແລະຫຼຽນທອງ 1 ຫຼຽນ, ຊຶ່ງໄດ້ຮັບຜົນງານດີເດ່ັນທີ່ສຸດໃນປະຫວັດສາດທີ່ນັກກິລາແຂວງຢູນນານເຂົ້າຮ່ວມງານກິລາເອຊຽນເກມ.

ໃນງານກິລາເອຊຽນເກມຄັ້ງນີ້, ແຂວງຢູນນານ ມີນັກກິລາ 11 ຄົນ ແລະ ຄູຝຶກ 1 ຄົນຖືກຄັດເລືອກເຂົ້າຮ່ວມໃນຄະນະຜູ້ແທນນັກກິລາຈາກປະເທດຈີນ, ພ້ອມທັງໄດ້ເຂົ້າຮ່ວມການແຂ່ງຂັນລາຍການໃຫຍ່ 8 ລາຍການ ແລະ ລາຍການນ້ອຍ 17 ລາຍການ.

ໃນວັນທີ 27 ກັນຍາຜ່ານມາ, ທ່ານ Zhang Jun ນັກກິລາຍ່າງແລ່ນທີ່ມີຊື່ສຽງ ຄວ້າໄດ້ ຫຼຽນຄໍາທໍາອິດໃນລາຍການແລ່ນ. ນີ້ແມ່ນເປັນ 29 ປີຜ່ານໄປ, ນັກກິລາຍ່າງແລ່ນຂອງແຂວງຢູນນານໄດ້ຂຶ້ນສູ່ເວທີຮັບເອົາຫຼຽນຄໍາອີກຄັ້ງໃໝ່.

ໃນວັນທີ 4 ຕຸລາຜ່ານມາ, ທ່ານ ນາງ Wang Shengyan “ສາວປີນພູ” ຈາກແຂວງຢູນນານ ກັບ ທີມງານ ຄວ້າໄດ້ຫຼຽນຄໍາໃນການແຂ່ງຂັນກິລາປີນພູ, ຊຶ່ງໄດ້ສ້າງສັກກະລາດໃໝ່ໃນລາຍການປີນພູຂອງແຂວງຢູນນານ.

ທີ່ສູນກິລາແຂ່ງເຮືອຊ່ວງມັງກອນທີ່ນະຄອນເວີ່ນໂຈ່ວ ແຂວງເຈີ້ຈ່ຽງ, ນາງ Wang Li ນາງສາວແຂວງຢູນນານ ກັບ ທີມງານ ຄວ້າໄດ້ຫຼຽນຄໍາ 3 ອັນໃນລາຍການ ແຂ່ງຂັນຊ່ວງເຮືອມັງກອນ ຜູ້ຍິງ 200 ແມັດ, 500 ແມັດ, 1000 ແມັດ. ຫຼັງຈາກການສໍາເລັດການແຂ່ງຂັນນາງໄດ້ກ່າວວ່າ: ການອອກເຫື່ອເທແຮງຂອງພວກເຮົາ ແມ່ນສົມແລ້ວກັບການຍາດໄດ້ຫຼຽນຄໍາ 3 ຫຼຽນນີ້.

ໃນມູນມອງຂອງທ່ານນາງ Wang Shengyan, ງານກິລາເອຊຽນເກມພຽງແຕ່ເປັນຈຸດເລີ່ມຕົ້ນຂອງຄວາມໃຝ່ຝັນເທົ່ານັ້ນ: ຮູ້ສຶກເປັນກຽດເປັນຢ່າງຍິ່ງ ທີ່ໄດ້ຕາງໜ້າປະເທດຊາດຢືນຢູ່ສະໜາມແຂ່ງຂັນ, , ນີ້ແມ່ນກຽດສັກສີອັນໜຶ່ງ ທັງເປັນຄວາມຮັບຜິດຊອບອັນໜຶ່ງ. ໃນອະນາຄົດພວກເຮົາມີເປົ້າໝາຍພຽງແຕ່ຢ່າງດຽວ ວ່າ: ໄດ້ກ້າວຂຶ້ນສູ່ເວທີຮັບລາງວັນ ທີ່ສູງກວ່າ, ໄວກວ່າ, ເກັ່ງກວ່າແລະ ເວທີທີ່ສູງຂຶ້ນໄປເລື້ອຍໆ.. ໂດຍຜ່ານການພັກຜ່ອນເປັນເວລາຊົ່ວຄາວແລ້ວ, ນັກກິລາດັ່ງກ່າວກໍ່ຈະກ້າວເຂົ້າສູ່ສະໜາມຝືກຊ້ອນ, ຕ້ອນຮັບຄວາມທ້າຍທາຍໃໝ່ ແລະ ອະນາຄົດອັນສົດໃສຍິ່ງກວ່ານີ້.
ແຫຼ່ງຂ່າວ: ໜັງສືພິມລາຍວັນຢູນນານ