ທີ່ພູຈິງມ້າຍ, ພົບກັບ “ຄົນໄວໜຸ່ມ”

ເອົາຊາມາເຮັດເປັນແຜ່ນມາກຫນ້າ ແລະ ນໍ້າມັນຫອມລະເຫີຍ, ທ້າວ ອ້າຍຄໍາ ຜູ້ບ່າວເຜົ່າປູລາງ ອາຍຸ 29 ປີ ໄດ້ເປີດບ້ານພັກປະຊາຊົນຢູ່ສວນຊາ, ຖ່າຍທໍາສາລະຄະດີຂອງພູຈິງມ້າຍ...

ທ້າວ ອ້າຍຄໍາ ເປັນຄົນເມືອງປົກຄອງຕົນເອງເຜົ່າລາຫູ ລ້ານຊ້າງ ນະຄອນພູເອີ. ປີ 2013, ລາວໄດ້ສອບເສັງເຂົ້າມະຫາວິທະຍາໄລຊົນເຜົ່າຈີນ (Minzu University of China), ໄດ້ກາຍເປັນໄວໜຸ່ມຄົນທໍາອິດຂອງກຸ່ມບ້ານທີ່ໄປຮຽນຢູ່ນະຄອນຫຼວງປັກກິ່ງ, ຫຼັງຈາກຮຽນຈົບແລ້ວ ອ້າຍຄໍາ ໄດ້ນໍາເອົາແນວຄວາມຄິດໃໝ່ໆກັບຄືນສູ່ບ້ານເກີດເມືອງນອນຂອງຕົນ.

ອ້າຍຄໍາ ໄດ້ຮ່ວມມືກັບຜູ້ອາອຸໂສທ້ອງຖິ່ນ ແລະ ນັກຊ່ຽວຊານທັງພາຍໃນ ແລະ ຕ່າງປະເທດ ເພື່ອສຶກສາຄົ້ນຄວ້າເລື່ອງລາວບຸກຄົນທີ່ມີ່ຊື່ສຽງ, ເລື່ອງເລົ່າທາງປະຫວັດສາດ, ສັດ ແລະ ພືດໃນປ່າຝົນຂອງພູຈິງມ້າຍ, ເພື່ອຊອກຫາມູນມອງໃໝ່ມາບັນລະຍາຍວັດທະນະທໍາຂອງບ້ານເກີດຕົນເອງ, ຊຶ່ງໄດ້ສ້າງຕັ້ງ ທີມງານ “ການສໍາຫຼວດປ່າຝົນເວີງວາ”, ໄດ້ນໍາເອົາອາຫານສ້າງສັນໃ​ໝ່, ໂຕະອາຫານປ່າຝົນ, ເຮືອນພັກປະຊາຊົນແບບທໍາມະຊາດ, ການຖ່າຍທໍາສາລະຄະດີ, ການຍ່າງພະຈົນໄພ, ຕະຫຼາດສິລະປະ ແລະ ຮູບແບບຕ່າງໆ ມາປົກປັກຮົກສາ ແລະ ເຜີຍແຜ່ວັດທະນະທໍາທ້ອງຖິ່ນ.

ທີ່ພູຈິງມ້າຍ, ມີຄົນໄວໜຸ່ມຫຼາຍຄົົນທີ່ຄືກັບອ້າຍຄໍາ, ເຂົາເຈົ້າໄປຮຽນຢູ່ນອກແລ້ວ ກັບຄືນມາພູຈິງມ້າຍ ເພື່ອ ສ້າງທຸລະກິດຂອງຕົນ. ນາງ ຊຽນຈິນ ອາຍຸ 22 ປີ, ເປັນຜູ້ໄລຟສົດ ທີ່ມີຊື່ສຽງໃນທ້ອງຖິ່ນ. ນາງ ຊຽນຈິນ ໄດ້ອອກຈາກພູຈິງມ້າຍໄປສູ່ນະຄອນເສີນເຈີ້ນ, ນະຄອນຄຸນໝິງ ແລະ ສະຖານທີ່ຕ່າງໆ ໃນຕອນອາຍຸ 16 ປີ. ເມື່ອອາຍຸ 18 ປີ, ນາງໄດ້ກັບຄືນບ້ານເກີດ ກໍຄື ພູຈິງມ້າຍ. ພາຍຫຼັງການສະສົມບົດຮຽນພໍສົມຄວນແລ້ວ, ໃນເວລານາງອາຍຸ 21 ປີ ກໍໄດ້ກ້າວຂຶ້ນສູ່ເສັ້ນທາງແຫ່ງໄລຟສົດ, ກໍຄືການຖ່າຍທໍາວິດີໂອສັ້ນເຜີຍແຜ່ ກ່ຽວກັບພູຈິງມ້າຍ ແລະ ຈຳໜ່າຍຊາໂດຍຜ່ານໄລຟສົດ. ໂດຍຜ່ານການບາກບັ່ນສູ້ຊົນເປັນເວລາໜຶ່ງປີ, ການໄລຟສົດຄັ້ງໜຶ່ງຂອງລາວສາມາດຂາຍຊາໄດ້ປະມານ 5000 ຢວນ, ປະລິມານຂາຍຊາໂດຍຜ່ານທາງອອກລາຍໄດ້ກວມເອົາ 40% ຂອງຍອດລວມຈໍານວນຂາຍຊາຂອງຮ້ານ. ປັດຈຸບັນນີ້, ນາງກໍາລັງພະຍາຍາມດຶງດູດໄວໜຸ່ມຂອງພູຈິງມ້າຍເຂົ້າຮ່ວມທຸລະກິດການໄລຟສົກ. ນາງ ຊຽນຈິນ ກ່າວວ່າ: “ຂ້າພະເຈົ້າຈະພະຍາຍາມເຜີຍແຜ່ວັດທະນາທໍາ ແລະ ຊາທີ່ບັນພະບູລຸດຮັກຫອມ ແລະ ອານຸລັກສືບທອດມາແຕ່ຫຼາຍເຊັ່ນຄົນ ໄປໃຫ້ໄກກວ່ານີ້.”
ແຫຼ່ງຂ່າວ: ໜັງສືພິມລາຍວັນພູເອີ