ເຊື່ອມໂຍງມິດຕະພາບລາວ-ຈີນທີ່ຂ້າມຜ່ານໄລຍະຄວາມຍາວ 1035 ກິໂລແມັດດ້ວຍສຽງເພງ

ມໍ່ໆມານີ້, ລາຍການແລກປ່ຽນວັດທະນະທຳສາກົນຂະໜາດໃຫຍ່ "ຄວາມງາມຮ່ວມກັນ" ທີ່ສະເໜີໂດຍວິທະຍຸ ແລະ ໂທລະພາບສູນກາງຈີນ (CMG) ຮ່ວມກັບ ກະຊວງວັດທະນະທຳ ແລະ ທ່ອງທ່ຽວຈີນ ໄດ້ສາຍອອກອາກາດເປັນຄັ້ງທຳອິດຢູ່ຊ່ອງໂທລະພາບສູນກາງຈີນ (CCTV-1). ນັກຮ້ອງທີ່ມີຊື່ສຽງຈາກປະເທດລາວ ທ່ານ ອາທິສັກ ຣັດຕະນະວົງ ແລະ ນາງ ຕົງຄຳມີ ຫົວໜ້າປະຈໍາລົດໄຟຝ່າຍລາວຂອງທາງລົດໄຟລາວ-ຈີນ ໄດ້ຮັບເຊີນເຂົ້າຮ່ວມໃນລາຍການ.

ເນື່ອງໃນໂອກາດທີ່ການຮ່ວມມືກໍ່ສ້າງຂໍ້ລິເລີ່ມ "ໜຶ່ງແລວ ໜຶ່ງເສັ້ນທາງ" ໄດ້ສະເໜີອອກມາຄົບຮອບ 10 ປີ, ລາຍການ “ຄວາມງາມຮ່ວມກັນ” ໄດ້ຖືເອົາ "ເສັ້ນທາງສາຍໄໝວັດທະນະທຳ" ເປັນຫົວຂໍ້ ແລະ ເຊີນແຂກຈາກບັນດາປະເທດທີ່ຮ່ວມກັນສ້າງ "ໜຶ່ງແລວ ໜຶ່ງເສັ້ນທາງ" ເພື່ອເລົ່າເລື່ອງຂອງການຖອດຖອນບົດຮຽນດ້ານສີວິໄລເຊິ່ງກັນແລະກັນ, ດ້ານການຮ່ວມມືທີ່ເປີດກວ້າງ ແລະ ດ້ານການແລກປ່ຽນກັບການປະທະກັນທາງວັດທະນະທຳທີ່ຫຼາກຫຼາຍ ໂດຍພາຍໃຕ້ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”.

ໃນເດືອນເມສາປີ 2023, ທາງລົດໄຟລາວ-ຈີນ ໄດ້ເປີດຂະບວນລົດໄຟໂດຍສານສາກົນສອງສາຍຢ່າງເປັນທາງການ, ປະສິດທິຜົນທີ່ຊ່ອງທາງຄໍານີ້ສືບຕໍ່ປາກົດອອກມາຢ່າງບໍ່ຢຸດຢັ້ງ, ການແລກປ່ຽນລະຫວ່າງຊາວໜຸ່ມຂອງສອງປະເທດນັບມື້ນັບໃກ້ຊິດກັນຫຼາຍຂຶ້ນ. ໃນລາຍການ, ເລື່ອງ "ຄູ ແລະ ນັກຮຽນທີ່ສວຍງາມທີ່ສຸດ" ລະຫວ່າງຫົວໜ້າປະຈໍາລົດໄຟຝ່າຍຈີນ ນາງ ໄຕຣຸຍ (Dai Rui) ກັບ ຫົວໜ້າປະຈໍາລົດໄຟຝ່າຍລາວ ນາງ ຕົງຄຳມີ ຂອງທາງລົດໄຟລາວ-ຈີນ ໄດ້ດຶງດູດໃຈຄົນທັງຫຼາຍ; ຢູ່ເທິງເວທີການສະແດງ, ເຂົາເຈົ້າໄດ້ຮ່ວມກັບນັກສະແດງ, ນັກຮ້ອງ ຮົງກົງ ທ່ານ ວາງຈູລານ (Wang Zulan), ພ້ອມກັບນັກຮ້ອງລາວ ທ່ານ ອາທິສັກ ຣັດຕະນະວົງ ໄດ້ຮ່ວມສະແດງເພງ “ໜຶ່ງແລວ ໜຶ່ງເສັ້ນທາງ”, ເລົ່າເຖິງມິດຕະພາບອັນເລິກເຊິ່ງລະຫວ່າງສອງປະເທດດ້ວຍເພງນີ້ທີ່ດັງກ້ອງກັງວານໃນທາງລົດໄຟ ລາວ-ຈີນ ໃນແຕ່ລະມື້.