ຄົນໜຸ່ມສາວຫຼົງໄຫຼໃນການຮຽນຕອນຄໍ່າ
ໄປບາບໍ? ບໍ່ໄປ! ໄປໂຮງຮຽນຕອນຄໍ່າບໍ? ໄປ!
ພວກເຮົາຄຸ້ນເຄີຍກັບ "ກາງຄືນຊຽງໄຮ້" ທີ່ຊຸມແຊວ, ແຕ່ໃນປັດຈຸບັນ, ການຫຼິ້ນຕອນກາງຄືນໃໝ່ປະເພດໜຶ່ງກຳລັງເປັນທີ່ນິຍົມຂອງໄວໜຸ່ມໃນນະຄອນຊຽງໄຮ້, ນັ້ນກໍຄືການເຂົ້າຮຽນຕອນຄໍ່າ.
ໂຮງຮຽນຕອນຄໍ່າສາມາດເອົາຊະນະ "ງານລ້ຽງເຫຼົ້າກາງຄືນ" ໄດ້ແນວໃດ? ສົມພໍວ່າມັນບໍ່ພຽງແຕ່ສາມາດຮຽນຄວາມຮູ້ດ້ານວັດທະນະທໍາທີ່ນີ້ເທົ່ານັ້ນ, ຫາກຍັງມີການເຕັ້ນ ແລະ ດົນຕີ, ລະຄອນກັບພາກສະໜາມ, ການແຕ່ງໜ້າ ແລະ ການອອກກໍາລັງກາຍ, ເຄື່ອງຫັດຖະກໍາວັດທະນະທໍາທີ່ບໍ່ເປັນວັດຖຸ ແລະອື່ນໆ. ຫ້ອງຮຽນແຟຊັ່ນອັນຫຼາກຫຼາຍທີ່ຫນ້າສົນໃຈ ແລະ "ທັນສະໄຫມ" ເຕັມໄປດ້ວຍກຳລັງແຫ່ງການດຶງດູດ.
ໂຮງຮຽນສິລະປະພົນລະເມືອງແຫ່ງນີ້ທີ່ຈັດຕັ້ງໂດຍຫໍພິພິທະພັນສິລະປະມວນຊົນຊຽງໄຮ້ໄດ້ຮັບຄວາມນິຍົມຊົມຊອບຫຼາຍໃນກຸ່ມຄົນໄວໜຸ່ມ ນັບແຕ່ໄດ້ເປີດ ໃນປີ 2016 ເປັນຕົ້ນມາ ຫຼັກສູດກັບວິທະຍາເຂດຂອງຕົນໄດ້ສືບຕໍ່ເພີ່ມຂຶ້ນ. ລະດູໃບໄມ້ຫຼົ່ນປີນີ້, ມີຫຼັກສູດທັງໝົດ 382 ຫຼັກສູດ ແລະ ແຜນການສະໝັກຮັບນັກຮຽນພຽງແຕ່ 10.000 ຄົນເທົ່ານັ້ນ, ສ່ວນເວລາສູງສຸດ ມີຫຼາຍກວ່າ 650.000 ຄົນຍາດເຂົ້າຮຽນຜ່ານລະບົບອອນໄລ, ຮ້ອນແຮງເຖິງຂັ້ນທີ່ເຮັດໃຫ້ຊາວເນັດຮ້ອງອຸທານອອກມາວ່າ: “ຍາດບໍ່ໄດ້ເລີຍ, ບໍ່ໄດ້ເລີຍ.”
ໂຮງຮຽນສິລະປະໃນຕອນຄໍ່າ ໄດ້ຮັບຄວາມນິຍົມ, ອາດດ້ວຍເຫດຜົນສາມປະການ.
ການຮຽນຫຼີກ "ເວລາຈຸດສູງສຸດ" ໄດ້ຕອບສະໜອງຄວາມຕ້ອງການດ້ານການສຶກສາສິລະປະຂອງໄວໜຸ່ມ ແລະ ໄວກາງຄົນ.
ລາຄາສະຫວັດດີການສາທາລະນະໄດ້ແກ້ໄຂ "ບັນຫາ" ຂອງຄ່າທໍານຽມສູງທີ່ຮຽກເກັບໂດຍສະຖາບັນທີ່ມຸ່ງເນັ້ນຕະຫຼາດ.
ຄວາມນິຍົມຂອງໂຮງຮຽນສິລະປະໃນຕອນຄໍ່າສະທ້ອນໃຫ້ເຫັນຄວາມຕ້ອງການທີ່ເຂັ້ມແຂງຕໍ່ຊີວິດວັດທະນະທໍາຂອງໄວຫນຸ່ມ. ຈາກຊຸມປີ 1980 ເປັນທີ່ນິຍົມຕໍ່ການໄປໂຮງຮຽນຕອນຄໍ່າເພື່ອຮຽນເອົາຄວາມຮູ້ທາງວັດທະນະທໍາ, ຊູ່ມື້ນີ້ມີຄວາມກະຕືລືລົ້ນຕໍ່ການໄປຮັບອິດທິພົນທາງດ້ານສິລະປະໃນໂຮງຮຽນຕອນຄໍ່າ, ຍຸກສະໄໝມີການປ່ຽນແປງ, ແລະ ຄວາມຕ້ອງການຂອງປະຊາຊົນສໍາລັບຊີວິດທາງຈິດໃຈ ແລະ ວັດທະນະທໍາກໍມີການປ່ຽນແປງ.