ສິນຄ້າຍີ່ຫໍ້ຊື່ດັງແບບດັ້ງເດີມຂອງແຂວງ ຢູນນານໄດ້ປະກົດພະລັງຊີວິດໃໝ່
ງານວາງສະແດງສິນຄ້ານຳເຂົ້າສາກົນຈີນຄັ້ງທີ 6 ໄດ້ຈັດຂຶ້ນຢູ່ນະຄອນຊຽງໄຮ້ ສປ ຈີນລະຫວ່າງວັນທີ 5 ຫາ 10 ພະຈິກຜ່ານມານີ້. ເຂດວາງສະແດງຂອງແຂວງຢູນນານໄດ້ເນັ້ນໃສ່ຫົວຂໍ້ “ສືບທອດ ແລະ ເປີດປະຕູສູ່ພາຍນອກ·ແຂວງຢູນນານທີ່ມີຫຼາກຫຼາຍສີສັນ” ໂດຍໄດ້ຈັດວາງໃຫ້ວິສາຫະກິດຍີ່ຫໍ້ຊື່ດັງດັ້ງເດີມຈີນ 6 ແຫ່ງ, ວິສາຫະກິດຍີ່ຫໍ້ຊື່ດັງດັ້ງເດີມແຂວງຢູນນານ 9 ແຫ່ງ, ວິສາຫະກິດຍີ່ຫໍ້ຊື່ດັງດັ້ງເດີມນະຄອນຄຸນໝິງ 1 ແຫ່ງ ແລະ ວິສາຫະກິດທີ່ມີຍີ່ຫໍ້ຄຸນນະພາບສູງ 2 ແຫ່ງທັງໝົດ 18 ແຫ່ງເຂົ້າຮ່ວມການວາງສະແດງ.
ນ້ຳສະອິວທົ້ວຕົ່ງໄດ້ເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນເປັນຄັ້ງທຳອິດ. ທ່ານນາງຫຼີແຢນຜູ້ອຳນວຍການບໍລິສັດເຄື່ອງປຸງອາຫານທົ້ວຕົ່ງຢູນນານຈຳກັດກ່າວວ່າ, ບໍລິສັດຕົນໄດ້ປະດິດສ້າງໃໝ່ເລື້ອຍໆ, ໄດ້ຜະລິດນ້ຳສະອິວທີ່ບໍ່ໄດ້ເພີ່ມເຕີມສານອື່ນ. ເທື່ອນີ້ກໍໄດ້ນຳເອົາຜະລິດຕະພັນໃໝ່ມາເຖິງງານວາງສະແດງ, ເພື່ອສຸມໃສ່ຍົກຖານະຊື່ສຽງຂອງອາຫານແຂວງຢູນນານໃຫ້ສູງຂຶ້ນຕື່ມອີກ.
ທ່ານຮວງຈືມິນຜູ້ຊ່ວຍປະທານບໍລິສັດອາຫານວ້ານເຫີຈ່າວທົ່ງຈຳກັດກ່າວວ່າ: “ໂດຍຜ່ານຈາກການເຂົ້າຮ່ວມງານວາງສະແດງຄັ້ງນີ້, ຈະເຮັດໃຫ້ຜູ້ບໍລິໂພກມີຄວາມສຳຜັດທີ່ດີຕໍ່ການບໍລິໂພກ, ສີມືດັ້ງເດີມຂອງວິສາຫະກິດຍີ່ຫໍ້ຊື່ດັງດັ້ງເດີມຄວນສືບທອດຕໍ່ໄປ ແລະເພີ່ມປັດໄຈວິທະຍາສາດ-ເຕັກໂນໂລຊີເຂົ້າໄປຕື່ມອີກ.”
ກຸ່ມບໍລິສັດໜົງເຂິນຢູນນານໄດ້ວາງສະແດງຜະລິດຕະພັນຊື່ດັງຕ່າງໆເຊັ່ນ: ຊາ, ກາເຟ, ມັນຝຣັ່ງເປັນຕົ້ນ. ມັນຝຣັ່ງຫໍ່ນ້ອຍກິນສະບາຍ, “ກາເຟຈອມພູ” ຈະມີລົດຊາດຕ່າງກັນ,ທັງໝົດເຫຼົ່ານີ້ລ້ວນແຕ່ເນັ້ນໃສ່ຄຸນນະພາບ ແລະ ເອກະລັກພິເສດຂອງສິນຄ້າ.
ມາຮອດປັດຈຸບັນ, ແຂວງຢູນນານມີວິສາຫະກິດຍີ່ຫໍ້ຊື່ດັງດັ້ງເດີມ 121 ແຫ່ງ, ໃນນັ້ນ, ລວມທັງວິສາຫະກິດຍີ່ຫໍ້ຊື່ດັງດັ້ງເດີມຈີນ 25 ແຫ່ງ, ໄດ້ກວມຫຼາຍຂະແໜງການເຊັ່ນ:ການປຸງແຕ່ງອາຫານທີ່ມີເອກະລັກພິເສດຢູ່ເທິງພູພຽງ, ການຜະລິດຢາຊີວະພາບ, ສີມືຊົນເຜົ່າ, ອາຫານການກິນ, ການຈຳໜ່າຍ ແລະອື່ນໆ.
ຂ່າວ: ຫຼຽວຈືຢູ, ຫານເຊີງຢວນ; ພາບໂດຍ: ຫູຢູຍາ ບັນນາທິການ: Yang Chunmei