ກິດຈະກໍາການວາງສະແດງຕາມທາງລົດໄຟລາວ-ຈີນກ້າວເຂົ້າສູ່ນະຄອນຫຼວງພະບາງ

“ຍິນດີຕ້ອນຮັບບັນດານັກທຸລະກິດມາລົງທຶນຢ່າງຫຼວງພະບາງ, ຍິນດີຕ້ອນຮັບນັກທ່ອງທ່ຽວຈີນມາສໍາຜັດກັບຊີວິດຫຼວງພະບາງທີ່ງຽບສະຫງົບ, ບໍລິສຸດ ແລະ ວິຖີຊີວິດແບບຮຽບງ່າຍ .” ວັນທີ 5 ທັນວາ, ກິດຈະກໍາການວາງສະແດງຕາມທາງລົດໄຟລາວ-ຈີນເພື່ອໂຄສະນາການທ່ອງທ່ຽວຕາມແລວທາງໄດ້ຈັດຂຶ້ນຢູ່ໂຮງແຮມອ່າງຄໍາ ນະຄອນຫຼວງພະບາງ.

ທ່ານ ວັນນະເດດ ພົງສຸດທິ ຫົວໜ້າຫ້ອງການ ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງຫຼວງພະບາງກ່າວວ່າ, ນັບແຕ່ວັນທີ 9 ພຶດສະພາ ເປັນຕົ້ນມາ ປະເທດລາວເລີ່ມເປີດບໍລິການການແຈ້ງເຂົ້າອອກເມືອງຕາມດ່ານສາກົນ ມາຮອດຕົ້ນເດືອນທັນວາ, ນະຄອນຫຼວງພະບາງໄດ້ຕ້ອນຮັບນັກທ່ອງທ່ຽວທັງໝົດ 930.000 ຄົນ, ໃນນັ້ນ ມີນັກທ່ອງທ່ຽວມາຈາກຕ່າງປະເທດ 700.000 ກວ່າຄົນ, ໂດຍນັກທ່ອງທ່ຽວຈີນນອນໃນອັນດັບສາມ. ທ່ານກ່າວຕື່ມວ່າ, ເພື່ອຊຸກຍູ້ການພັດທະນາການທ່ອງທ່ຽວ, ຕ້ອນຮັບນັກທ່ອງທ່ຽວຫຼາຍກວ່າ, ຫຼວງພະບາງໄດ້ສືບຕໍ່ປັບປຸງພື້ນຖານໂຄງລ່າງຢ່າງຕໍ່ເນື່ອງ, ເພີ່ມທະວີການຄຸ້ມຄອງໂຮງແຮມ, ຮ້ານອາຫານ,​ ເຂດທ່ອງທ່ຽວຕ່າງໆຢ່າງລະອຽດ. ກິດຈະກໍາດັ່ງກ່າວໄດ້ຈັດຂຶ້ນນະໂອກາດທີ່ປີທ່ອງທ່ຽວລາວ 2024 ທີ່ຫາກໍ່ເປີດສາກ ແມ່ນມີຄວາມໝາຍຄວາມສໍາຄັນຢ່າງຍິ່ງ. ຫວັງຢ່າງຍິ່ງວ່າໃນອະນາຄົດຈະສາມາດຮ່ວມງານກັບຝ່າຍຈີນຈັດກິດຈະກໍາຕ່າງໆຫຼາຍຂຶ້ນເພື່ອຊຸກຍູ້ການພັດທະນາຂອງການທ່ອງທ່ຽວສາກົນໃຫ້ຈະເລີນຮຸ່ງເຮືອງ.
ແຫຼ່ງຂ່າວ: ໜັງສືພິມລາຍວັນຢູນນານ ນັກຂ່າວ/ບັນນາທິການ:​ Yang Chunmei ພາບໂດຍ: Chi Feng