ຈໍານວນຜູ້ໂດຍສານສາກົນ ຕາມທາງລົດໄຟລາວ-ຈີນ ມີຫຼາຍກວ່າ 100.000 ຄົນ
“ຂ້າພະເຈົ້າຂີ່ລົດໄຟອອກເດີນທາງຈາກນະຄອນຄຸນໝິງ ສປ ຈີນ ໄປທາງທິດໃຕ້, ສຸດທ້າຍເດີນທາງເຖິງນະຄອນຫຼວງວຽງຈັນ.” ທ່ານຟາງລົງສວນ ນັກທ່ອງທ່ຽວຈາກແຂວງອ່ານຮຸຍຈີນກ່າວວ່າ: ນີ້ແມ່ນເສັ້ນທາງແຫ່ງມິດຕະພາບລະຫວ່າງລາວ-ຈີນ. “ຕະຫຼອດທາງ, ການບໍລິການຕາມຂະບວນລົດໄຟດີທີສຸດ, ເຮັດໃຫ້ຂ້າພະເຈົ້າຮູ້ສຶກສະບາຍໃຈ. ເມື່ອເດີນທາງເຖິງປະເທດລາວແລ້ວ, ຂ້າພະເຈົ້າຊາບຊຶ້ງໃຈນຳຮີດຄອງປະເພນີຂອງປະເທດລາວ.”
ວັນທີ 3 ທັນວາ 2023, ທາງລົດໄຟລາວ-ຈີນ ໄດ້ເປີດບໍລິການຄົບຮອບສອງປີ. ວັນທີ 6 ທັນວາຜ່ານມານີ້, ດ່ານກວດກາຊາຍແດນເຂົ້າ-ອອກເມືອງບໍ່ຫານແຂວງຢູນນານຈີນເປີດເຜີຍຕົວເລກຂໍ້ມູນສະແດງໃຫ້ເຫັນວ່າ, ນັບແຕ່ໄດ້ເປີດຂະບວນລົດໄຟໂດຍສານສາກົນຕາມທາງລົດໄຟລາວ-ຈີນ ໃນວັນທີ 13 ເມສາຫາວັນທີ 5 ທັນວານີ້, ດ່ານບໍ່ຫານໄດ້ກວດກາ ແລະ ປ່ອຍຜູ້ໂດຍສານເຂົ້າ-ອອກເມືອງຫຼາຍກວ່າ 1 ແສນຄົນຈາກ 75 ປະເທດ ແລະ ເຂດແຄ້ວນ.
ການເດີນທາງມີຄວາມສະດວກສະບາຍຂຶ້ນ ໄດ້ສ້າງອະນາຄົດທີ່ດີງາມໃຫ້ແກ່ປີທ່ອງທ່ຽວລາວ 2024. ຜູ້ຮັບຜິດຊອບອຸທິຍານສວນດອກ ໄມ້ໃນປ່າໃຫຍ່ທີ່ນໍ້າຕົກຕາດຮ້ອຍຄົວຫຼວງພະບາງໃຫ້ສຳພາດຕໍ່ນັກຂ່າວວ່າ, “ສ່ວນຫຼາຍແມ່ນນັກທ່ອງທ່ຽວໄທ, ລາວ, ຈີນ ແລະ ສ.ເກົາຫຼີ ມາທ່ຽວສວນພວກເຮົາ, ພາຍຫຼັງເປີດການນຳໃຊ້ທາງລົດໄຟລາວ-ຈີນແລ້ວ, ຈຳນວນນັກທ່ອງທ່ຽວທີ່ມາທ່ຽວສວນ ໄດ້ເພີ່ມຂຶ້ນຢ່າງຈະແຈ້ງ, ນີ້ແມ່ນເສັ້ນທາງແຫ່ງຄວາມຫວັງ!” ເພື່ອຂ່ຳນັບຮັບຕ້ອນປີທ່ອງທ່ຽວລາວ 2024, ທາງສວນໄດ້ກະກຽມໃນດ້ານຕ່າງໆ ເຊັ່ນ: ເພີ່ມສິ່ງກໍ່ສ້າງດ້ານການບັນເທີງ, ເພີ່ມອາຫານພື້ນເມືອງທີ່ມີສີສັນພິເສດ, ປັບປຸງເງື່ອນໄຂພັກເຊົາໃຫ້ດີຂຶ້ນ ແລະ ອື່ນໆ.
ຈຳນວນນັກທ່ອງທ່ຽວເພີ່ມຂຶ້ນ ແລະ ນັກທ່ອງທ່ຽວມີຄວາມເພິ່ງພໍໃຈຫຼາຍຂຶ້ນ ກໍໄດ້ເພີ່ມພະລັງຂັບເຄື່ອນໃໝ່ໃຫ້ແກ່ການພັດທະນາເສດຖະກິດລຽບຕາມທາງລົດໄຟ. ທ້າວແສງສະຫວ່າງພະນັກງານຮ້ານກາເຟ DAO ກ່າວວ່າ: “ກາເຟ DAO ແມ່ນກາເຟລະດັບສຸດຍອດໃນປະເທດລາວ ແລະ ມີຊື່ສຽງຫຼາຍ.” ພາຍຫຼັງເປີດນຳໃຊ້ທາງລົດໄຟລາວ-ຈີນແລ້ວ, ກາເຟ DAO ພວກເຮົາກໍໄດ້ເປີດຮ້ານກາເຟຫຼາຍແຫ່ງຕາມສະຖານີລົດໄຟຕ່າງໆ. ປີໜ້າແມ່ນ
ປີທ່ອງທ່ຽວລາວ, ຍິນດີຕ້ອນຮັບບັນດາທ່ານມາຊິມກາເຟລາວ.
ນັກຂ່າວ: ບົວໃສ, ບົວຄໍາ