ຢ້ຽມຢາມເມືອງອຸດ ສາຫະກໍາສະໄໝເກົ່າ
ຝາດິນຈີ່ສີແດງ, ຕູ້ໂທລະສັບແບບເກົ່າ, ຣີສອດແບບເກົ່າ, ຮ້ານຊັບພະສິນຄ້າແບບເກົ່າ… ເມື່ອທ່ານຍ່າງເຂົ້າສູ່ບໍ່ທອງຢີ້ເໝິນນະຄອນຢູ້ຊີແຂວງຢູນນານ, ປານເໝືອນກັບໄດ້ຍ່າງເຂົ້າເມືອງນ້ອຍອຸດສາຫະກຳສະໄໝເກົ່າ, ເຮົາຈະສາມາດເຫັນຄວາມຈະເລີນຮຸ່ງເຮືອງໃນອະດີດ, ສັນຍາລັກຂອງສະໄໝເກົ່າ ແລະ ນ້ຳໃຈສູ້ຊົນໃນສະໄໝເກົ່າ...
ບໍ່ທອງຢີ້ເໝິນເປັນໂຄງການສຳຄັນໃນແຜນການພັດທະນາເສດຖະກິດສັງຄົມແຫ່ງຊາດຈີນຄັ້ງທີ 1 (ປີ 1953-1957), ຕັ້ງຢູ່ຕາມເຂດຫ່າງໄກສອກຫຼີກໃນຕາແສງລຸ້ຍຈື່ (Lvzhi) ເມືອງຢີ້ເໝິນ (Yimen), ປັດຈຸບັນ, ຍັງເຫຼືອໂຮງງານ, ຫໍພັກ, ຂົວ, ເຮືອນຂອງກຳມະກອນ ແລະ ສິ່ງກໍ່ສ້າງການຜະລິດ ແລະ ການດຳລົງຊີວິດອື່ນໆຢ່າງຫຼວງຫຼາຍ ຊຶ່ງໄດ້ບັນທຶກຂະບວນການພັດທະນາອຸດສາຫະກຳໜັກຂອງຈີນໃນສະໄໝນັ້ນ. ເດືອນທັນວາປີ 2020, “ບໍ່ທອງຢີ້ເໝິນ” ຖືກຈັດເຂົ້າໃນບັນຊີລາຍຊື່ມໍລະດົກອຸດສາຫະກຳແຫ່ງຊາດຊຸດທີ 4 ຂອງຈີນ.
3 ປີຜ່ານມາ, ນະຄອນຢູ້ຊີ ໄດ້ດຳເນີນການອະນຸລັກ ແລະ ນຳໃຊ້ບໍ່ທອງຢີ້ເໝິນຄືນໃໝ່ ໂດຍອີງຕາມຊັບພະຍາກອນທີ່ກ່ຽວຂ້ອງເພື່ອເຮັດໃຫ້ມັນມີຄວາມຊີວິດຊີວາຂຶ້ນ. ປັດຈຸບັນ, ໄດ້ຟື້ນຟູສະພາບການໃນອະດີດ, ຍົກລະດັບ ແລະ ເພີ່ມປັດໄຈວັດທະນະທຳເຂົ້າໄປ, ໄດ້ກໍໍ່ຕົວຂຶ້ນເປັນສະຖານທີ່ດີເດັ່ນທີ່ສາມາດຖ່າຍຮູບເປັນທີ່ລະນຶກ 16 ຈຸດ. ທ່ານສິນຊິ້ນ ນັກທ່ອງທ່ຽວທີ່ມາທ່ຽວແຫ່ງນີ້ກ່າວວ່າ: “ສະຖານທີ່ແຕ່ລະຈຸດລ້ວນແຕ່ໜ້າທ່ຽວໜ້າຊົມຫຼາຍ.”
ປາກອຸມົງຂຸດແຮ່ທອງ, ແຄ້ມໂຮງງານສ້ອມແປງເຄື່ອງຈັກ, ຢູ່ຕໍ່ໜ້າຮ້ານຄ້າແບບເກົ່າ, ຢູ່ເທິງຂົວລອຍຊານເຈ່ຍສາງ, ຢູ່ໃນໂຮງຮູບເງົາລຸ້ຍຈື່, ຢູ່ຕາມຮ້ານອາຫານຕ່າງໆ… ຄົນທັງຫຼາຍໄດ້ຍ່າງສັນຈອນໄປມາ, ຫວນຄືນສະໄໝອະດີດ, ສຳຜັດກັບວັດທະນະທຳ, ຊິມອາຫານທີ່ແຊບຊ້ອຍ ແລະ ເລືອກຊື້ສິນຄ້າທີ່ມີເອກະລັກພິເສດຂອງທ້ອງຖິ່ນ, ຈັ່ງແມ່ນເປັນການທ່ອງທ່ຽວທີ່ລືມໄດ້ຍາກ.
ຂ່າວ/ພາບ: ໜັງສືພິມລາຍວັນຢູນນານ