GDP ແຂວງຢູນນານປີ 2023 ບັນລຸເຖິງ 3.000 ຕື້ຢວນ
ທ້າຍປີ 2023, ອີງຕາມກອງປະຊຸມວຽກງານເສດຖະກິດຂອງຄະນະແຂວງຢູນນານທີ່ຈັດຂຶ້ນຢູ່ນະຄອນຄຸນໝິງໃຫ້ຮູ້ວ່າ, ປີ 2023, ການພັດທະນາເສດຖະກິດຂອງແຂວງຢູນນານໄດ້ຮັກສາທ່ວງທ່າຂະຫຍາຍຕົວຢ່າງໝັ້ນທ່ຽງ ແລະ ໄປສູ່ທິດທາງທີ່ດີ, ຄາດວ່າ GDP ຈະບັນລຸເຖິງ 3.000 ຕື້ຢວນ.
ປີ 2023 ແມ່ນປີທຳອິດທີ່ແຂວງຢູນນານປະຕິບັດຍຸດທະສາດການພັດທະນາ “3815”(ກ້າວຂຶ້ນສູ່ລະດັບໃໝ່ ແຕ່ປີ 2023 – 2025, ມີການພັດທະນາໃຫຍ່ໃນ 8 ປີ ແຕ່ປີ 2023 – 2030 ແລະ ການພັດທະນາແບບກ້າວກະໂດດຂັ້ນ ແຕ່ປີ 2021 – 2035). ການພັດທະນາເສດຖະກິດຂອງທົ່ວແຂວງໄດ້ຮັກສາທ່ວງທ່າຂະຫຍາຍຕົວຢ່າງໝັ້ນທ່ຽງ ແລະ ໄປສູ່ທິດທາງທີ່ດີ, ໄດ້ສ້າງພື້ນຖານຢ່າງໜັກແໜ້ນ ໃຫ້ແກ່ “ກ້າວຂຶ້ນສູ່ລະດັບໃໝ່ ໃນໄລຍະ 3 ປີ” ຂອງຍຸດທະສາດການພັດທະນາ “3815”.ນອກຈາກລວມຍອດເສດຖະກິດມີການບຸກທະລຸໃໝ່ແລ້ວ, ໃນປີ 2023, ແຂວງຢູນນານຍັງໄດ້ມີການບຸກທະລຸໃໝ່ໃນຫຼາຍດ້ານ ເຊັ່ນການປັບປຸງໂຄງປະກອບດ້ານການລົງທຶນໃຫ້ດີຂຶ້ນ, ການພັດທະນາກຸ່ມອຸດສາຫະກຳ, ການດຶງດູດ ແລະ ການອົບຮົມບົ່ມສ້າງບັນດາຫົວໜ່ວຍທຸລະກິດ, ການຫັນປ່ຽນຮູບການພັດທະນາຂອງຂະແໜງການທ່ອງທ່ຽວ, ການເປີດກວ້າງການເປີດປະຕູສູ່ພາຍນອກ, ການພັດທະນາແບບສີຂຽວ, ການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ແຫຼ່ງຂ່າວ: ເວັບໄຊຂ່າວສານຈີນ